Ferizaj

Nis punën Kuvendi i të Rinjëve

Published

7 years ago

01 February, 2019

Të rinjtë ferizajas sot kanë themeluar Kuvendin e tyre, që do të udhëhiqet nga Vanesa Sadriu, e cila, pas një procesi zgjedhor, arriti të marrë 30 vota të kuvendarëve të rinj.
Vanesa si kryetare e re e Kuvendit të të Rinjve, tha se ajo ka disa objektiva që synon t’i arrijë përmes këtij kuvendi, të themeluar për herë të parë në Ferizaj.

“Jam shumë e lumtur që sot deputetet e kuvendit të rinjve të Ferizajt më kanë emëruar kryetare e këtij kuvendi dhe shpresoj që besimin që e kanë pasur në mua do u’a kthej me shumë punë e dinjitet. Kam mendu me pas një plan- program vjetor të punës, ku kemi me pasur së paku një aktivitet në muaj, këto aktivitete kanë me pasur për baz ngritjen dhe fuqizimin e të rinjve për pjesmarrje gjithashtu edhe ligjin për rini, që me u njoftë puna vullnetare si përvoj pune”,tha Sadriu.

Kastriot Luma, Kryetar i Kuvendit të Rinjve të Kosovës, tha se formimi i këtij kuvendi, do ketë ndikim në zgjidhjen e disa problemeve tek të rinjtë, e posaqërisht tek proceset vendimarrëse.

“Këta të rinj, në Ferizaj por edhe në gjitha komunat e tjera, kanë një rol pothuasje përmbledhës të të gjitha aktiviteteve rinore, duke u munduar që përmes aktiviteteve që ata i bëjnë dhe përmes aktiviteteve që do të ketë, do të përfaqësojnë interesat e tyre në institucione. Po besoj që ky organizëm do arrijë t’i gjejë të gjitha ato probleme që janë ndoshta më thelbësore për rininë e Ferizajt, dhe përmes këtij kuvendi do arrijnë me i zgjidh problemet që i kanë të rinjtë” tha Kastriot Luma.

Kuvendi i të Rinjëve gjeti mbështetjen edhe nga institucionet e Ferizajt, pasiqë sipas tyre, të rinjtë tani kanë një adresë ku mund t’i shprehin problemet e veta.

‘Në Ferizaj, është për herë të parë ky kuvend, dhe ne jemi të kënaqur që po themelohet ky kuvend, do të ketë edhë përkrahjen tonë, dhe do të kemi një bashkëpunim të mirë me ta, ne do të përkrahim çdo ide të tyre” tha me këtë rast Kristina Gashi -Bytyqi, kryesuese e Kuvendit Komunal të Ferizajt.

“Në si komunë e kemi obligim që ti mbështesim inciativat dhe aktivitetet e tyre, dhe dihet që në Ferizaj ka shumë aktivtete vullentare dhe humane dhe ne kemi obligim edhe moral ti mbështesim, po ashtu kemi obligim që ti mbështesim edhe me infasrtrukturë, ku ju mundëson atyre që ti zhvillojn aktivitete ” deklaroi Xhemile Murati-Shabani, Drejtoreshë e kulturës, rinisë dhe sportit.
Kuvendi i të rinjve të Ferizajt që u themelua sot numëron 42 asambleistë.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

4 days ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

5 days ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

1 week ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim