Ferizaj

Ferizaj me kampion rajonal të gastronomisë

Published

6 years ago

20 May, 2019

Studentët e Fakultetit të Turizmit dhe Ambientit të Universitetit të Shkencave të Aplikuara në Ferizaj javën që shkoi morën pjesë në Festivalin Gastronomik “Cook and Serve 2019”, të mbajtur në Shtip të Maqedonisë, ku u shpallen si ekipi më i mirë ndërkombëtar. Studentët Islam Leka dhe Çlirim Ajeti fituan vendin e dytë për dekorimin e tavolinës, zgjedhjen e menysë dhe shërbimin e verës.
Pjesëmarrësit në këtë festival, thanë se arritën të zgjedhen më të mirët në mesin e shumë garuesve, ndërsa uruan që një festival i tillë të organizohet edhe nga Universiteti i Ferizajt.

“Qëllimi ishte që të mblidhen institucione të cilat e kanë drejtimin e hotelerisë dhe gastronimisë, po ashtu siç janë restorantet. Ne në fillim ishim vetëm si pjesëmarrës, më pas ishim edhe garues ku më pas dolëm si ekipi më i mirë ndërkombëtar, si dhe disa koleg të tjerë me vendet e dyta për shërbim. Është një arritje për neve si studentë por edhe për Universitetin” tha studentja Bernadeta Djordjeviç

Dekani i fakultetit të Turizmit dhe Ambientit të Universitetit të Shkencave të Aplikuara, Flamur Salihu, tha se ky universitet ka marrëveshje të ndryshme ndërkombëtare me universitete të ndryshme, dhe aktivitete të ngjashme do të ketë përsëri në një të ardhme të afërt.

“Studentët tanë kanë zënë vendin e dytë, në Maqedoni në këtë festival, dhe janë zgjedhur si ekipi më i mirë ndërkombëtare, normal ne si fakultet jemi të lumtur që studentët tanë kanë treguar rezultat në gara ndërkomëbtare, dhe cdo herë jemi të gatshëm ti përkrahim në kësi aktivitete”,- tha Salihu.

Në këtë Festival garuan mbi 90 pjesëmarrës, ndërsa ideja për këtë ngjarje është që të këmbehen përvoja dhe teknika të reja inovative nga kuzhina.

Ferizaj

Teatri “Adriana”reagon ndaj pengesave institucionale: “Një premierë përtej censurës”

Published

2 weeks ago

26 May, 2025

webmaster

Teatri “Adriana” ka njoftuar se premiera e shfaqjes “Fluturimi mbi teatrin e Kosovës” është shtyrë për datën 14 qershor 2025, shkaku i pengesave institucionale që trupa ka hasur gjatë përgatitjes së kësaj premiere.

Sipas deklaratës për media, gjatë përgatitjeve për premierën e kësaj shfaqjeje, të caktuar fillimisht për 7 qershor, trupa është përballur me kërkesa për ndërhyrje në tekstin e shfaqjes, mungesë të papritur të buxhetit për materiale skenike dhe pengesa të tjera që, sipas tyre, përbëjnë “një sabotim të heshtur” ndaj artit dhe lirisë krijuese.

Megjithatë, nga teatri konfirmojnë se premiera e shfaqjes “Fluturimi mbi teatrin e Kosovës”, me tekst të Jeton Nezirajt dhe regji të Agon Myftarit, do të mbahet në datën e re, edhe nëse u duhet të riciklojnë kostume dhe skenografi nga prodhime të mëparshme.

Teatri thekson se këto pengesa janë një formë e censurës indirekte ndaj lirisë krijuese, duke theksuar rëndësinë e mbrojtjes së lirive artistike dhe të shprehjes në Kosovë.

“Është paradoksale dhe shqetësuese se si disa individë marrin bajrakun e patriotizmit duke akuzuar tërthorazi artistët si antikombëtarë, dhe në emër të një lloj nacionalizmi primitiv, përpiqen të kufizojnë të drejtën krijuese — për të cilën të njëjtët kanë luftuar në vitet 1998–1999”, thuhet më tej në deklaratë, përmes së cilës, aktorët dhe regjisori i bëjnë thirrje publikut dhe komunitetit artistik të mbështesin shfaqjen dhe të qëndrojnë kundër çdo censure.

“Më 14 qershor, në skenën e Teatrit ‘Adriana’, nuk do të shfaqet vetëm një vepër. Do të shfaqet vetë qëndrimi ynë ndaj lirisë”, thuhet mes tjerash në deklaratë.

Ferizaj

Policia në Ferizaj brenda javës shqiptoi 1310 gjoba trafiku

Published

4 weeks ago

19 May, 2025

Redaksia

Policia e Ferizajt, gjatë javës së kaluar, ka shqiptuar 1 mijë e 310 gjoba trafiku, si dhe ka pezulluar 14 patentë-shoferë për drejtuesit e mjeteve që kanë kryer shkelje të rënda në trafik.

Gjatë kësaj periudhe, policia ka bërë të ditur se kanë ndodhur gjithsej 36 aksidente, nga të cilat, 13 ishin me të lënduar kurse 23 aksidente të tjera ishin vetëm me dëme materiale.

Ferizaj

Hajnat vjedhin stoli ari në një shtëpi në Bibaj të Ferizajt

Published

1 month ago

10 May, 2025

Redaksia

Një person ka raportuar në polici se në fshatin Bibaj të Ferizajt persona të panjohur kanë hyrë me forcë brenda shtëpisë ku i kanë vjedhur stoli ari.

Në raportin 24 orësh të Policisë së Kosovës bëhet e ditur se vjedhja ka ndodhur natën e 9 majit rreth orës 21:00.

“Fsh. Bibaj, Ferizaj 09.05.2025, 21:00. Ankuesi mashkull kosovar, ka raportuar se persona të panjohur kanë depërtuar me forcë brenda në dhomën e tij dhe nga aty kanë arrit të marrin stoli ari. Rasti nën hetime”, thuhet në raportin e Policisë së Kosovës.