Ferizaj

“Edhe këta si ata”- Rahovica vuan pa infrastrukturë

Published

6 years ago

08 June, 2019

Është vetëm 10 kilometra larg qytetit, por fshati Rahovicë i Ferizajt ka vite që nuk ka gëzuar investime nga dora e pushteteve.
Ky fshat me afro një mijë banorë përballet me probleme të shumta infrastrukturore. Banorët ankohen se këtu nuk funksionon ujësjellësi, edhe pse para 8 vitesh ishin vendosur gypat e ri. Një problematikë tjetër shqetësuese për Rahovicas është lënia në gjysmë e rrjetit të kanalizimit, i cili tani atyre po ua rrezikon tokat bujqësore dhe bukën e gojës.

“Problemet e tona janë me ujësjellës, nuk kemi ujë, jemi detyruar me hap puse për shkak të mungesës së ujësjellësit, ankesat kanë qenë të vazhdueshme, na kanë thënë se do të ketë ujë, por prapë është në mungesë. Kanalizimi është mbetur nëpër rrugë, pa gropë septike, përfshinë gjithë fushën, vështirëson edhe banorët që e shfrytëzojnë për mbjellje, por ndoshta në të ardhmen bëhet më mirë”, – tha Qerim Ramadani.

“Fshati jonë ka shumë probleme, si problem kryesor është uji i pishëm. Banorët kryesisht furnizohen me pusa që i kanë hapur vet, uji i pishëm edhe ashtu kur vjen ndonjëherë nuk është i pijshëm, pasi ka një ngjyrë dhe është i papastër, kjo mund të jetë shkak edhe i sëmundjeve. Kanalizimi ka filluar, është ndërtuar por nuk është përfunduar, gropa septike që është dashtë me u filtru uji, mos me dal uji i ndytë nuk është përfundu, dhe tani banorët ankohen që janë mbyllur pustetat dhe uji po rrjedh nëpër fushë dhe po e dëmton bujqësinë“, – tha Fadil Mahmuti.

” Nga fillimi shahtat (pusetat) kanë qenë të mbyllura, në fillim gypat kanë qenë të ngushtë, dhe tani është problemi që bëhen ujrat e zeza, këtu janë afër edhe shtëpitë dhe është rrezik nga përhapja e ndonjë epidemie“,- tha një banor tjetër.

Banorët thonë se të gjitha këto probleme i kanë raportuar edhe tek ekzekutivi komunal, porse zgjidhje nuk është bërë, e kjo po i shtyn disa banorë që ta braktisin fshatin e tyre.

“Të gjitha këto probleme i kemi parashtuar shumë herë por janë hasur në vesh të shurdhër“, – tha Mahmuti.

Nga preferencat politike për investime në infrastrukturë, nuk janë të kursyer as banorët e fshatit Rahovicë. Gjersa ata e thonë se pushteti i kaluar kishte shtruar vetëm disa rrugica për militantët e vet, banorët thonë se logjika e njejtë po përsëritet edhe nga administrata e Agim Aliut, që nga ardhja e tij në pushtet në vitin 2017.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.