Ferizaj

Bllokimi i kanalizimit shqetësim për banorët e rrugës ”Shotë Galica”

Published

7 years ago

25 October, 2019

Bllokimi i rrjetit të kanalizimit po u paraqet probleme të mëdha banorëve të rrugës ”Shotë Galica” në Ferizaj. Kjo rrugë e ngushtë dhe e paasfaltuar po është pengesë për hyrjen e makinerisë së kompanisë ”Bifurkacioni” për të pastruar kanalizimin, andaj banorët po detyrohen që vet ta bëjnë një gjë të tillë.

“Këtu jemi shumë vështirë me kanalizim edhe me ujësjellës. Të gjitha rrugët janë shtruar, janë rregulluar, vetëm kjo rrugë nuk është e rregulluar. Më kanë thënë se është në plan, por kur do të bëhet nuk e dimë. Këtu po bllokohet kanalizimi, të drejtën të them, nipi im për çdo muaj shkon merr tek xhamia punëtorë me sajlle me hap, sepse ata të ujësjellësit nuk hyn këtu sepse është rrugë e ngushtë, nuk mundemi me hy po thonë ata që ta pastrojnë. Janë tuba të vjetër shumë, këta janë para 40 viteve kur i kanë rregulluar këta tuba me vetëkontribut. Tatimin po e paguajmë rregullisht. Është shumë problem të rregullohet sepse tubat janë të asbestit, janë tuba të vjetër shumë, ata tuba tash me siguri janë mbyllur me rërë e çka tjetër. Edhe këta që po vijnë me sajlle për t’i hapur nuk po munden t’i hapin deri në fund. Brenda muajit po mbyllet, pastaj erërat na mbytën, nuk po mundemi të rrimë nga erërat”, tha Zaim Shijaku.

Shefi i operativës në kompaninë “Bifurkacioni” Valdet Syla, thotë se mospastrimi i kanalizimit po ndodhë si pasojë e rrugës tejet të ngushtë.

“Ne mundohemi t’i pastrojmë me aq sa kemi mundësi dhe me aq sa afrohemi afër pikës e cila na lejon, mirëpo jo çdo herë po arrijmë që t’i pastrojmë në nivelin se sa është e nevojshme për arsye se çështjet teknike nuk na lejojnë. Ndoshta edhe konsumatorët vet bëjnë përpjekje, mundohen t’i pastrojnë vet ato rrjeta, mirëpo sigurisht që kjo është brengë e jona dhe ne mundohemi me kapacitetin tonë që e kemi, mirëpo përderisa nuk kemi qasje, nuk kemi hapësirë manovrimi atëherë nuk mundemi edhe me i zhblloku”, theksoi Valdet Syla.

Në kompaninë ”Bifurkacioni” në Ferizaj, thanë se edhe pse gypat janë të vjetër, ata janë funksional dhe nuk janë të dëmtuar dhe se nuk është paraparë ndërrimi i gypave në atë pjesë.

Ferizaj

Një burrë theret me kaçavidë nga dy persona në Ferizaj

Published

3 days ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

4 days ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

3 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.