Ferizaj

”Down Syndome Kosova” nënshkruan marrëveshje me Spitalin e Ferizajt

Published

7 years ago

28 October, 2019

Shoqata ”Down Syndome Kosova” në Ferizaj, ka nënshkruar marrëveshje bashkëpunimi me Spitalin e përgjithshëm në këtë qytet, me anë të së cilës parashihet që anëtarët e kësaj shoqate të kryejnë kontrolle në këtë institucion shëndetësor.

Udhëheqësja e kësaj shoqate në Ferizaj Yllka Mani, vlerësoi se kjo marrëveshje ka qenë shumë e nevojshme.

“Qëllimi i kësaj marrëveshje është bashkëpunimi në mes palëve në lidhje me shërbimet shëndetësore të fëmijëve me sindromën doën, një mundësi më e mirë që brenda shoqatës sonë të kemi një gjendje më në përmirësim shëndetësor të fëmijëve me sindromën doën. Kontributet në këtë marrëveshje janë që në baza 6 mujore të dorëzohet një kopje e raportit gjithpërfshirës pediatrik të fëmijëve që marrin shërbime brenda shoqatës sonë”, tha Mani.

Në anën tjetër, drejtori i Spitalit të Ferizajt Jeton Zeqiri, tha se përmes kësaj marrëveshje fëmijëve me sindormën down do t’u sigurohet një trajtim më i veçantë.

“Kjo marrëveshje është pak më e detajuar sa i përket çështjes së dhënies së disa raporteve që i nevojiten shoqatës për përcjelljen e gjendjes të këtyre fëmijëve. Ne u dakorduam që krahas vizitave në Repartin e Pediatrisë në fund të 6 mujorit të përmbledhen dhe të bëhen në një raport të vetëm, ne si spital duke ditur gjendjen e tyre ne kemi ofruar edhe shërbime të tjera karshi nivelit pediatrik siç është diagonostika dhe sistemet e tjera, gjithmonë duke u koordinuar që këta fëmjë të mos presin në radhë, t’i marrin shërbimet në mënyrë adekuate dhe me sa më pak mundim në shërbimet që ne i ofrojmë”, tha Zeqiri.

Koordinatorja e programit për intervenim dhe edukim të hershëm në shoqatën ”Down Syndrome Kosova”, Ermira Shabani, tha se shteti duhet të krijoj më shumë mundësi për këta persona.

“Në përgjithësi nuk mund të themi se janë kushtet e mira apo që është arritur niveli maksimal i shërbimeve që duhet për këta persona, shërbimet duhet të ofrohen nga shteti, por një gjë e tillë në vendin tonë nuk ndodhë. Shërbimet e logopedisë, fizioterapisë nuk ofrohen mjaftueshëm aq sa kanë nevojë fëmijët me sindormën doën”, tha Shabani.

Në bazë të statistikave që posedon Shoqata ”Down Syndrome”, në Kosovë janë afër 1000 persona me sindromën down, ndërsa vetëm në Ferizaj janë mbi 100 të tillë.

Ferizaj

Një burrë theret me kaçavidë nga dy persona në Ferizaj

Published

1 day ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

2 days ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

2 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.