Ferizaj

Nis hapja e kanaleve për mbrojtje nga vërshimet

Published

6 years ago

06 November, 2019

Në viset rurale të komunës së Ferizajt, Drejtoria e Shërbimeve Publike dhe Emërgjencave, ka filluar hapjen e kanaleve që mbrojnë nga vërshimet e shiut e dëborës gjatë sezonës së vjeshtës dhe dimrit. Për shkak të nivelit të ulët të tokës, zyrtarë nga kjo drejtori, thonë se kanë filluar së pari nga fshati Koshare për të shkuar drejt Tërrnit.

“Kemi marrë një masë më të gjerë të veprimit, kemi hapur kanalet nga Sitnica atje që është në fund të Tërrnit dhe këndej kemi hapur të gjitha kanalet që kanë qenë ekzistuese më herët dhe kanë qenë të mbyllura, tash ne kemi intervenuar në ato, i kemi hapur të gjitha ato kanale që i kemi mundësuar kalimin e ujit nga Kosharja nëpër Tërrn dhe del në Sitnicë atje, zbrazet dhe shkarkohet kjo pjesë nga uji i rrëmbyeshëm që është gjatë shiut ose edhe sezonës së dimrit kur bëhet shkrirja e borës në pranverë, kështu që i kemi mundësuar këtij uji të kaloj, të ecë, të rrjedh nëpër këto kanale që janë të parapara edhe për këtë punë”, tha Skënder Kurti.

Ndërsa, njëri nga banorët e fshatit Koshare, bie në kundërshtim me Kurtin duke kërkuar më shumë punë për këtë projekt.

“Ejani në anën tjetër të fshatit, e kanë lënë dheun, nuk e kanë hequr, kjo është dashur të heqet, tash kundërmon lumi. Në qoftë se është e arsyeshme kështu ta lëmë mund të bëjnë çka të duan, por vetëm ka bërë metra ai zotëria, ka marrë të holla bollshë, por me thënë që ka bërë diçka nuk ka bërë asgjë”, u shpreh Skënder Qerimi.

Ndërkaq, kryetari i fshatit Koshare Sadik Qerimi, kërkoi nga banorët të mos hedhin mbeturina në mënyrë që të mos mbyllen kanalet.

“Për momentin më mirë nuk ka, me siguri se komuna ndoshta në vitin e ardhshëm e bën një projekt pak më të gjerë dhe në kohë më herët, dikur pas muajit qershor kur ka thatësira pak më shumë atëherë dhe me siguri ta bëj pastrimin më të mirë dhe t’i largojmë këto mbeturina edhe ne vet si banorë, sepse në mënyrë të fshehtë dikush hedh lloj-lloj shishe të plastikës dhe gjithçka siç po e shihni edhe vet, por ato për momentin nuk kanë dënime, kështu që ndoshta vetëdijësohen më vonë, sepse ajo është si prioritet numër një faktikisht edhe unë u lutem të gjithëve të mos gjuajnë mbeturina, sepse ne jetojmë këtu, ne këtë ambient për vetën duhet ta kemi sa më të pastër”, theksoi Sadik Qerimi.

Drejtoria e Shërbimeve Publike dhe Emërgjencave paralajmëron hapjen e kanaleve të tilla edhe nëpër fshatra tjerë të komunës së Ferizajt.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.