Ferizaj

Karameta: Punëtorët shëndetësor konsumojnë alkool në vendin e punës

Published

6 years ago

24 December, 2019

Pa ndonjë diskutim, anëtarët e Komitetit për Politikë e Financa ia proceduan Kuvendit Komunal pikat e rendit të ditës për mbledhjen e fundit të këtij viti. I vetmi debat u zhvillua për propozimin e anëtarit të LDK-së, Burim Karameta, i cili kërkoi që në seancën e ardhshme të raportoj drejtori i Shëndetësisë, për siç tha ai, konsumimin e alkoolit në vendin e punës nga punëtorët shëndetësor në ndërrimin e natës.

“Drejtori i Shëndetësisë të jetë i gatshëm që në pyetjet e parashtruara brengosëse që kanë qarkulluar ditëve të fundit në shëndetësi të dalë para foltores dhe të përgjigjet, nuk na duhet raport shumëfaqësh”,tha Karameta.

Megjithatë, propozimi i Karametës nuk mori përkrahje nga kolegët e tij.

“Ne e kemi brenda seancës pikën pyetje dhe kërkesa dhe secili delegat e ka të drejtën që për çdo shqetësim me drejtu pyetje apo kërkesa të caktuara, ide ishte që me qenë një pikë e rendit të ditës që i bie me qenë një përgatitje më e madhe, ne nuk kemi nevojë me fut si pikë të rendit të ditës, por mund të shfrytëzohet gjatë seancës me bë këtë pyetje“, tha Arian Imeri nga PDK-ja.

“Kjo çështje s’ka nevojë me hy si pikë e rendit të ditës, mund të jetë kërkesë apo rekomandim që drejtori të jetë në seancë dhe kushdo qoftë t’i bëj pyetje, ndërsa nuk ka kuptim me hy si pikë e rendit të ditës”, tha Xhavit Zariqi nga AAK-ja.

Në seancën e Kuvendit Komunal që do të mbahet më 30 dhjetor, janë proceduar për diskutim dhe miratim Rregullorja Komunale për Transparencë, Rregullorja për Taksa, Tarifa, Ngarkesa dhe Gjoba Komunale, propozim vendimi për ndryshimin e Statutit të KRU “Bifurkacioni” nga Ndërmarrje Publike Lokale në Ndërmarrje Publike Qendrore, dhe propozimi për miratimin e Planit të Punës së Kuvendit të Komunës së Ferizajt për vitin 2020.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

1 week ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim