Ferizaj

Kisha “Engjëlli i Rojës” gati për Krishtlindje

Published

7 years ago

24 December, 2019

Për besimtarët e krishterë festa e Krishtlindjes do të fillojë sonte në mesnatë. Famulltari i kishës “Engjëlli i Rojës” në Ferizaj, Don Viktor Sopi, tha se janë përgatitur për të kremtuar këtë festë të rëndësishme për ta.

“Komoditeti krishterë para Krishtlindjes përgatitet me kohën e cila quhet “atdhend/ardhja”, pritet ardhja e dikujt, kur Zoti në momentin dhe në kohën e caktuar dëshiron të viziton njeriun, të bëhet njeri, të lind si njeri e t’i jep shije jetës njerëzore dhe ne kisha katolike këtu në Ferizaj është përgatitur si gjithë komuniteti krishterë për të kremtuar këtë natë, lindjen e Jezu Krishtit. Sonte në orën 22:00 është programi i fëmijëve ku në këtë ambient i cili kuptohet është siç është sepse dëshirat janë shumë më të mëdha të fëmijëve, rinisë, kemi programin në orën 22:00, pastaj mesha e Krishtlindjes. Programi krejtësisht është rreth një orë, por pas programit këtu në kishë rinia ka verë të vluar, të nxehtë për të gjithë njerëzit e vullnetit të mirë këtu para kishës në ambientet e kësaj famullie ku kremtohet Krishtlindja dhe ndahet gëzimi me gjithë ata që janë pjesëmarrës”, tha Don Viktor Sopi.

Duke qenë në pragun e Krishtlindjes, Don Viktor Sopi tha se kremtimi i kësaj feste është dëshmi që Zoti është në praninë tonë.

“Zoti vjen në jetën e njeriut, ne këtë e besojmë dhe këtë dua ta dëshmojmë. Aty ku Zoti nuk prekë, ku Zoti nuk është, ai njeri gjithmonë është në kërkim qoftë nuk e di sa i pasur, me çfarë poste, pozicioni, vokacioni e moshe ideologjie, ku Zoti nuk prekë njeriu është në kërkim, nuk mund të jetë i realizur prandaj unë i ftoj të gjithë shqiptarët që të përgatitemi sa më shumë me mendje e zemër që të zbret prania e të madhit Zot e të na bëj vëllezër e motra në dëshmi e në dashuri”, tha Don Viktor Sopi.

Në komunën e Ferizajt jetojnë mbi 120 familje të besimit katolik.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

2 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

6 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

7 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.