Ferizaj

”Feniks”-i ndërton shtëpi për familjen Demiri nga Bibaj

Published

6 years ago

26 December, 2019

Familja Demiri nga fshati Bibaj i Ferizajt sot e pati një gëzim të madh. Kjo familje në këto ditë feste u bë me shtëpi të re falë shoqatës humanitare ”Feniks” dhe bashkëatdhetarit Faik Misini.

Donatori nuk pranoi të flas para kamerës për kontributin e tij, mirëpo teksa mori mirënjohje nga shoqata ”Feniks” u emocionua shumë.

Kryetari i shoqatës humanitare “Feniks” Milaim Jashari, u shpreh falënderues ndaj donatorëve të cilët bashkëpunuan me ta, duke thënë se kjo familja ka kohë që kishte kërkuar ndihmë, por që pa donatorë e kishin të vështirë të nisnin ndërtimin e shtëpisë për këtë familje.

“Po shihet gëzimi i kësaj familje, është Faik Misni që ka kontribu me 12 mijë e 500 euro dhe ne si shoqatë e kemi marrë përsipër. Kjo familje kishte nevojë më herët dhe Faiku e gjeti këtë familje dhe për një muaj arritëm ta ndërtojmë shtëpinë. Është një gëzim shumë i madh i të gjithëve edhe i donatorëve, por edhe i familjes”, tha Jashari.

Ndërtimin e kësaj shtëpie më së shumti e mirëpritën anëtarët e familjes Demiri. Kryefamiljari Hasret Demiri, tregoi se deri sot kanë jetuar në kushte të rënda, e më vështirë thotë se e kishte djali i tyre i cili është me nevoja të veçanta.

“Falënderoj ”Feniks”-in, e kam pasur jetën shumë të vështirë, falënderoj të gjithë donatorët, e kam djalin në karrocë, nuk kemi pasur as banjo siç duhet, nuk ka pasur kushte. Më mirë nuk jam ndjerë asnjëherë sikur sot“, tha Demiri.

Për t’ua lehtësuar edhe më shumë jetën kësaj familje, kryetari i shoqatës “Feniks”, pati edhe një kërkesë për udhëheqësinë e Ferizajt.

“Kam një kërkesë nga Kuvendi Komunal që këtë rrugë ta ndërtoj, pasi kjo familje e ka shumë të vështirë të lëvizë, pasi e ka djalin në karrocë dhe e ka shumë të vështirë lëvizjen”, tha Jashari.

Përpos ndërtimit të shtëpisë për familjen Demiri, shoqata “Feniks” gjatë veprimtarisë së saj ka ndërtuar edhe 5 shtëpi të tjera dedikuar personave me aftësi të kufizuara. Shtëpinë për familjen e Ruzhdi Sallahut, Emin Hajdarit, Bajram Xhoklit, Lumnije Rulanit dhe familjen e Agim Tërstenës.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.