Ferizaj

Leona Jahiri zgjedhet vullnetarja e vitit 2019

Published

7 years ago

17 January, 2020

Leona Jahiri është zgjedhur vullentarja e vitit 2019, nga sektori i Rinisë në Ferizaj, i cili funksionon në kuadër të Drejtorisë së Kulturës në këtë qytet.

Në mesin e 7 vullnetarëve që kishin aplikuar për këtë çmim, komisioni ka vlerësuar se ky çmim duhet t’i ndahet Jahirit për kontributin humanitar gjatë vitit që lamë pas.

“Falënderoj komisionin që më kanë zgjedhur vullnetare të vitit, puna që po e bëjmë që disa vite radhazi sot u shpërblye dhe këtë mirënjohje nuk po e marrë për vete, por për gjithë bashkëmoshatarët e mi vullnetarë të cilët bëjnë punë vullnetare në komunitet dhe atë veç për një qëllim të caktuar, që të gjithë me u ndje të lumtur ku jetojmë”, tha Jahiri.

Feim Hoxha, nga Ministria e e Kulturës, e Rinisë dhe e Sportit, tha se po planifikojnë që në të ardhmen puna vullnetare të njihet si përvojë pune.

“Ministria e Kulturës, e Rinisë dhe e Sportit ka filluar një fazë të rëndësishme, sepse tani ne jemi duke e ndryshuar ligjin për fuqizim dhe pjesëmarrje të rinisë dhe me këtë ligj përveç që e kemi të rregulluar punën vullnetare me udhëzim administrativ dëshirojmë që kjo punë të konsiderohet si përvojë pune“, tha Hoxha.

Në këtë ceremoni, drejtoresha e Kulturës, e Rinisë dhe e Sportit në Ferizaj Xhemile Murati-Shabani, tha se edhe komuna e Ferizajt është angazhuar që të sjellë projekte në të mirë të të rinjve.

“Viti 2019 po konsideroj që ka qenë një vit i suksesshëm për drejtorinë e Kulturës pasi ministri dhe kryetari i komunës kanë nënshkruar disa marrëveshje bashkëpunimi dhe ato këtë vit do të lulëzojnë dhe ato janë disa projekte kapitale që do të jenë në të mirë të rinisë të cilët organizojnë aktivitete të ndryshme”, tha Murati-Shabani.

Njëra nga anëtaret e komsionit që ka bërë përzgjedhjen e vullnetarit të vitit, Arbenita Topalli, tha se puna vullnetare nuk është e lehtë të bëhet, prandaj ajo kërkoi që kjo punë të shpërblehet më shumë.

“Edhe unë punoj punë vullnetare vet dhe e di se si e marrim punën vullnetare, shpesh ne angazhohemi dhe bëjmë energji për një punë që nuk paguhemi dhe nuk është e lehtë me punu vullnetarisht sepse bën sakrificë për me i qëndru në ndihmë dikujt. Gjatë vlerësimit që kemi bërë unë kam qenë shumë e kënaqur me punën që kanë bërë këta vullnetarë dhe uroj që edhe vitet e tjera ju nuk keni me u ndalë me këtë llojë pune”, tha Topalli.

Punë vullnetare në Kosovë po kryen edhe Kim Nguyen nga Amerika. Kjo vullnetare e Korpusit të Paqes në Kosovë, tregoi se që dy vite po jeton në qytetin e Ferizajt duke u angahuar për fuqizimin e gruas dhe të rinjve.

“Jam e nderuar të ndihmoj fuqizimin e grave dhe zhvillimin e të rinjve, jam shumë e lumtur që jetoj dhe punoj këtu në Ferizaj dhe shpresoj që shërbimi im këtu ka kontribuar në punën e mirë që kemi realizuar”, tha Nguyen.

Çmimi “Vullnetari i Vitit” parasheh një vlerë monetare nga 500 deri në 1500 euro, për shumën e saktë të të cilit vendos kryetari i komunës.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar