Ferizaj

Liderët politik lokal bëjnë thirrje për unitet

Published

6 years ago

06 March, 2020

Epopeja e Ushtrisë Çlirimtare të Kosovës është moment reflektimi që duhet ta ndjek spektri politik në Kosovë dhe të krijohet unitet mes vete, thonë liderë të subjekteve politike në Ferizaj, derisa në Kosovë po shënohen ditët e lavdishme të UÇK-së 5,6 dhe 7 marsi.

Ata thonë se pa marrë parasysh pikëpamjet dhe qëndrimet e tyre politike, lidershipi i Kosovës duhet të bëhet bashkë për të ndërtuar të ardhmen e vendit, por më së shumti unitet duhet të ketë në politikën e jashtme.

“Unë besoj se kombi ynë ka qenë vazhdushëm i bashkuar dhe ditët kur është kërkuar të që jemi unik dhe padyshim se dita si kjo është ditë që edhe më parë na ka bashkuar, emblema tri shkronjëshe është emblemë që i ka bashkuar të gjithë. Sot nuk jemi në situata të favorshme, edhe paqja ka sfidat e veta dhe unë po besoj se nga kjo ditë duhet të merret frymëzimi që agjendat dhe sfidat që janë para nesh vetëm bashkë mund të kalohen më lehtë. Jam i bindur që lidershipi i Kosovës, i të gjitha niveleve, do të gjejnë rrugën e duhur dhe mënyrën që nderimin më të madh t’ia bëjmë dëshmorëve duke respektuar gjakun e derdhur dhe pikërisht për të ndërtuar të ardhmen dhe e ardhmja e sigurt është nëse kemi unitet“, tha Agim Aliu, kryetar i PDK-së në Ferizaj.

“Spektri jonë politik në raport me politikën e jashtme duhet të jetë i bashkuar, të jetë unik, këtë e kemi dëgjuar edhe dje në fjalimet e kryeministrit që ka bërë thirrje për bashkim dhe të jenë së bashku në qëndrimet e politikës së jashtme. Ne këtu brenda mund të kemi edhe dallime, por edhe mendime ndryshe, mirëpo në politikën e jashtme nuk mund të ketë. Dikush që ndaras ose vet bën takime, bën marrëveshje të fshehura e tek pas disa muajve të publikohen, pra duhet që të bashkërendojnë qëllimin, njëjtë siç e kishte Epopeja para 22 viteve”, tha Valon Ramadani, kryetar i LVV-së në Ferizaj.

“Natyrisht që Epopeja është një refleksion për domosdoshmërinë e një uniteti të vazhdushëm të spektrit tonë politik, por i cili sigurisht është edhe rezultat i zhvillimit të demokracisë dhe i votës demokratike që përcakton se kush duhet ta udhëheq Kosovën, por pavarësisht faktit se kush në cilën anë gjendet, është i obliguar që ta ndihmoj zhvillimin e përgjithshëm të Kosovës për të cilin kemi nevojë të gjithë, por edhe gjeneratat që vijnë sepse për fat keq në tërë historinë tonë kombëtare kemi pasur mungesë të një uniteti të plotë i cili jo rrallë ka prodhuar pasoja të padëshiruara për kombin dhe unë besoj se tani me ngritjen e vetëdijes më të lartë politike, por edhe shtetformuese që ky unitet është edhe në rritje, por do të jetë edhe në të ardhmen”, tha Muharrem Svarqa, kryetar i LDK-së në Ferizaj.

“Kjo liri nuk ka ardhë rastësisht, por janë sakrifikuar shumë gjenerata dhe shembulli më i mirë është shembulli i komandantit legjendar me të gjithë familjen e tij dhe normal që ka qenë shembulli më i mirë i unifikimit të shqiptarëve, të një lufte të përbashkët dhe tani ne e gëzojmë këtë liri, por fatekqësisht nuk e kemi unitetit që po kërkohet dhe nuk besoj se do të ketë unitet ndonjëherë, sepse në demokraci bëhet garë për pushtet dhe kjo do të vazhdoj sa të ketë njerëz, por në rrethanat aktuale të shtetndërtimit tonë dhe në momentin që ne ende nuk kemi një shtet të mirëfilltë dhe të pranuar ndërkombëtarisht duhet të ketë një unifkim të politikës së jashtme dhe në politikat e jashtme duhet të jemi të gjithë në një fjalë, në një qëndrim dhe në këtë drejtim duhet të ndryshohet dhe është obligative sa më shpejtë të ndryshohet që të kemi një politikë unifikuese në Kosovë, që të lobojmë të gjithë, pozitë e opozitë, për njohjen e Kosovës si shtet sovran në Kombet e Bashkuara dhe për një zhvillim më të mirë dhe përkrahje ndërkombëtare, pasi shtetet e pafuqishme ekonomike, ushtarake dhe politike nuk mund të zhvillohen dhe të ekzistojnë pa përkrahjen ndërkombëtare, e sidomos të fuqive të mëdha”, tha Xhavit Zariqi, kryetar i AAK-së në Ferizaj.

Këta liderë të subjekteve në Ferizaj bën thirrje që të vendosen interesat kombëtare para atyre partiake.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

5 days ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

6 days ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”

Ferizaj

Sekuestrohet një revole me municion dhe shurdhues në Ferizaj

Published

1 week ago

04 May, 2026

Redaksia

Një person është shoqëruar në stacionin policor në Ferizaj pas një kontrolli në shtëpinë e tij, ku janë gjetur dhe sekuestruar një pistoletë me gaz, pesë fishekë dhe një shurdhues i armës së zjarrit.

Në raportin 24 orësh të policisë bëhet e ditur se rasti ka ndodhur mëngjesin e së dielës, më 3 maj 2026, rreth orës 8:30 në rrugën “Gucia” në Ferizaj .

Me vendim të prokurorit pas intervistimit, rasti vazhdon të hetohet në procedurë të rregullt.