Ferizaj

Të rinjtë me sindromën down përfundojnë trajnimin për aftësim profesional

Published

7 years ago

06 March, 2020

Personave me sindromën down në Kosovë shumë rrallë u ofrohet mundësia për të punuar diku.

Se edhe kjo kategori është e aftë të punojë e dëshmojnë këta persona që përfunduan trajnimet në Qendrën e Aftësimit Profesional në Ferizaj, e që njohuritë e marra gjatë trajnimit i paraqitën para disa përfaqësuesve të bizneseve të këtushme.

Miranda Shaqiri nga shoqata ”Down Syndrome Kosova”, tha se këtë shembull duhet ta ndjekin edhe institucionet shtetërore.

“Në kuadër të këtij projekti ka qenë trajnimi 3 mujor në QAP ku janë kualifikuar me certifikatë dhe kemi gjetur biznese në përshtatshmëri të këtij profesioni dhe anëtarët tani janë të gatshëm për tregun e punës. Duke pasur parasysh që kemi shumë pak të punësuar persona me sindromën down dhe po shpresojmë që ky shmbull të ndjeket jo vetëm tek bizneset private, por edhe tek ato shtetërore”, tha Shaqiri.

Një ndër kandidatët që për herë të parë iu nënshtrua një interviste pune është 21 vjeçari Ilir Halabaku. Motra e Ilirit, Laura Halabaku, u shpreh optimiste për punësimim e vëllait të saj.

“Më vjen mirë që u është dhënë mundësia për me hy në këtë intervistë, por shpresojmë që edhe të punësohet, derisa kemi ardhur këtu ishte shumë i emocionuar”, tha Laura Halabaku.

Kurse, Ardian Zuka, pronar i një kafeterie në Pozheran, tha se personat me sindromën down sjellin pozitivitet në punë.

“Kjo është hera e parë për neve që e kemi marrë një person me sindromën down, Iliri ka punuar disa muaj tek ne, ka qenë shumë kënaqësi për neve, atë e kemi pasur vetëm kilent, por kur na është bashkuar na ka sjellur shumë pozitivitet, tani jemi duke shqyrtuar që të bëjmë kontratë për verës, por edhe për tërë kohën jemi duke shikuar”, tha Zuka.

Trajnimi për punë i personave me sindromën down është mundësuar nga GIZ-i gjerman.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

5 days ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.

Ferizaj

Në Ferizaj raportohen katër bankënota të dyshuara nga 500 €

Published

3 weeks ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

3 weeks ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG