Ferizaj

Ferizaj i pakënaqur me vendimin e qeverisë për kyçje në autostradë

Published

7 years ago

09 March, 2020

Që nga nisja e punimeve në autostradën “Arbën Xhaferi”, ferizajasit kishin kërkuar kyçje të re në rrugën “Driton Islami”. Kjo kërkesë e tyre u aprovua pak para përfundimit të punimeve në këtë autostradë. Megjithatë, gëzimi i ferizajasve se po bëhen me kyçje të re nuk zgjati shumë. Ditë më parë qeveria Kurti vendosi që të shfuqizoj vendimin për zgjatjen e punimeve në autostradën ”Arbën Xhaferi”, ku përfshihet edhe krijimi i kyçjes së re në Ferizaj.

Kryetari i komunës së Ferizajt Agim Aliu, thotë se qyteti ynë po bie pre e hakmarrjeve dhe padrejtësive, duke e quajtur këtë vendim politik.

“Ne tashmë ishim në përfundim të dizajnimit të projektit, sepse ishte një projekt që kërkonte dizajnim dhe ishte një projekt shumë i mirë që nuk përfshinte vetëm kyçjen që kishte të bënte me lidhjen e rrugës “Driton Islami”, por kishte të bënte edhe me trajtimin e lumit në Sazli, do të thotë kishte një rëndësi të veçantë, por nuk ndodhi kjo dhe tashmë kemi një vendim të ri të qeverisë së re me një kamuflim të asaj që po mundohet t’i bishtnoj vendimet se gjoja ka marrë vendim për të kursyer para, ne nuk e kemi dilemën e parave, ne dëshirojmë vetëm të realizohet kyçja, fundi i fundit nuk na intereson çmimi i kyçjes së Ferizajt dhe ajo le të kushtoj 1 mijë euro, 1 milion, 2 milion sado që përcaktohet, por për ne si Ferizaj është që ajo të ndodhë, por nga ajo që pamë nga deklarimi i ministrit të Infrastrukturës kjo nuk do të ndodhë, do të ndodhë me kyçjen e Vitisë, por nuk do të ndodhë me kyçjen e Ferizajt, megjithatë ajo zhurmë dhe propagandë që u bë për të kamufluar veprimin se gjoja vetëm është duke u kuryser paraja publike nuk po del ashtu, po del se është qëllim që Ferizaj mos ketë kyçje dhe kjo më shumë sesa kursim i parasë publike është qëllim politik “, tha Aliu.

Kurse, deputeti nga radhët e Lëvizjes Vetëvendosjes Enver Haliti, shprehet i bindur se kyçja e re në autostradën Prishtinë-Shkup, do të realizohet.

‘’Anulimi që është bërë nga ana e qeverisë besoj që është sqaruar edhe në mbledhjen e qeverisë, por edhe ministri ka dhënë sqarimet e nevojshme se është ndërprerë një kontratë e disfavorshme pa u zhvilluar procedurat trenderuese, në formë të njëanëshme i është dhënë mundësia një operatori në një vlerë afër 50 milionë me çka është vlerësuar se ajo punë mund të bëhet me një vlerë me shumë më të vogël dhe arsyeja e këtij anulimi është në këtë frymë. Kryeministri ka pritur edhe disa banorë të Vitisë dhe Ferizajt ku e ka konfirmuar edhe një herë që kyçjet do të ndërtohen, por do të zhvillohen procedura dhe do të ndërtohen me një kosto shumë më të favorshme. Është bërë më shumë zhurmë rreth Vitisë, pasi qyteti i Vitisë nuk ka fare kyçje në autostradë, ndërsa vendimi do të jetë, pasi edhe ministria ka konfirmuar që është një vendim i qeverisë Mustafa se do të ketë kyçje edhe në Ferizaj edhe në Viti”, tha Haliti.

Edhe kryetari i Lidhjes Demokratike të Kosovës në Ferizaj Muharrem Svarqa, shprehet optimist për realizimin e kyçjes në këtë autostradë, mirëpo fajëson qeverinë lokale për neglizhencë në këtë drejtim.

“Unë po ashtu shpreh shqetësimin tim që qeveria aktuale komunale e udhëhequr nga kryetari Aliu nuk ka bërë asnjë kërkesë të vetme për ta pasur të planifikuar këtë kyçje në buxhetin e Republikës së Kosovës, por nuk ka pas asnjë shkresë të vetme për të qenë edhe në buxhetin e vitit 2020 dhe mendoj se kjo neglizhencë tregon se ky pushtet nuk është i interesuar për realizimin e investimeve në projekte strategjike. Unë besoj se e ardhmja do ta rikthej këtë kyçje në një vlerë ndoshta 5 herë më të ulët dhe unë shumë e çmoj orientimin e mirë të ministrit për menaxhimin me nikoqirllëk të parasë publike”, tha Svarqa.

Për t’u kyçur në autostradën ”Arbën Xhaferi”, aktualisht ferizajasit mund ta shfrytëzojnë kyçjen në Babush dhe në Bibaj.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

3 weeks ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

3 weeks ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

3 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar