Ferizaj

Jo të gjitha bizneseve u ndalohet puna nëse respektojnë masat parandaluese

Published

6 years ago

20 March, 2020

Shumica e bizneseve në Ferizaj vazhdojnë të qëndrojnë të mbyllura për shkak të virusit Covid-19.
Kryeinspektori i Ferizajt Ridvan Berisha, tha se në këtë komunë është duke u respektuar vendimi i qeverisë për mbylljen e veprimtarive ekonomike siç janë tregjet, qendrat tregtare, restorantet dhe kafeteritë. Sipas tij, përveç këtyre operatorëve, vendimi i qeverisë ua lejon operatorëve të tjerë që të punojnë, por duke respektuar gjithnjë masat për parandalimin e përhapjes së virusit.

“Ne si komunë vetëm një vendim kemi lëshuar ku kemi ndaluar tri tregje, kurse ministria ka lëshuar urdhëresë për zbatimin e masave ndaj veprimtarive ekonomike që lidhen me emërgjencën e shëndetit publik. Kjo shkresë është e datës 17.03.2020. Në këtë shkresë parashihet cilat subjekte nuk guxojnë të punojnë fare, është pika 3 ku thotë se duhet të mbyllen, restorantet, kafeteritë, baret, pabet qendrat tregtare, tregjet, kurse të tjerat mund të punojnë pjesa dërrmuese, por duke respektuar kushtet e pikës 1 që janë masat preventive, dorëzat, maskat dhe distanca”, tha Berisha.

E, një veprimtari që nuk është ndaluar nga qeveria qendrore, por nga ajo lokale, është shërbimi me kafe nga aparatet e kafesë. Berisha tha se këtë shërbim e kanë ndaluar, pasi rreziku i përhapjes së virusit është i lartë.

”Edhe këtë shitje e kemi ndal edhe përkundër faktit se ministria me urdhëresën në fjalë e ka lënë si mundësi që të punon, por duke pasur parasysh që në pika të karburantit, në furra të bukës, por edhe në ëmbëltore ku ka pasur aparate të tilla nuk është respektuar distanca dhe duke pasur parasysh rrezikun që mund të vie për mosrespektim të distancës, kemi marrë një vendim që edhe pikat e njëjta të mos punojnë. Levërdia nuk është e madhe, por rreziku është shumë i madh të infektohen përmes këtyre aparateve, sepse mund të manipuloj një person i infektuar dhe në momentin që preket nga persona të tjerë përhapja e virusit është shumë e madhe”, Berisha.

Kryeinspektori i Ferizajt Ridvan Berisha, tha se janë duke respektuar vendimin e qeverisë për t’i mos i gjobitur bizneset të cilat janë të hapura. Ai njoftoi se deri më tani inspektorët e Ferizaj nuk kanë gjobitur asnjë biznes që ka zhvilluar punën, por gjoba kanë shqiptuar për manipulime me çmime, veçanërisht tek marketet kur çmimi i artikujve në raft ka qenë ndryshe nga ai në arkë.

Ferizaj

Të enjten qendra e Ferizajt pa rrymë për 9 orë – KEDS njofton për punime në rrjet

Published

31 mins ago

19 November, 2025

webmaster

KEDS ka njoftuar se të enjten do të realizohen punime investive në rrjetin elektrik të Ferizajt, të cilat do të shkaktojnë ndërprerje të energjisë elektrike në disa pjesë të qendrës së qytetit.

Sipas njoftimit, ndërprerjet do të zgjasin nga ora 09:00 deri në 18:00, ndërsa do të preken këto zona:

1. Nga TS 35/10kV Ferizaj II – Dalja 10kV J12 Banka 1&2
Vendet: MBTS Banka, TS Fatmir Rashani, TS Halil Haxhidema, TS TMK Ndërtesa, TS Koncorzium Komuna (përballë Spitalit).
Arsyeja: Punime investive – ndërrimi i pajisjeve në Mbts Banka, Fatmir Reshani, Moda, ndërtesa përballë Parkut dhe Kinemaja.

2. Nga TS 35/10kV Ferizaj III – Dalja 10kV Ylli 1
Vendet: Rruga 12 Qershori, rr. Dëshmorët e Kombit, një pjesë e rr. Ismail Qemajli, një pjesë e rr. Tahir Sinani, Sheshi Hyre Emini, një pjesë e rr. Toni Bler, zona e Hekurudhës, Kinemaja e re – KEDS dhe Hoteli (MBTS).
Arsyeja: Punime investive – ndërrimi i pajisjeve në Mbts Banka, Fatmir Reshani, Moda, ndërtesa përball Parkut dhe Kinemaja.

Ferizaj

Ferizajasit mund të ballafaqohen me rrezikun nga vërshimet

Published

1 day ago

18 November, 2025

Redaksia

Nga reshjet e dendura të shiut që vazhduan nga mbrëmja e së hënës, banorët e Ferizajt e sidomos ata që banojnë pranë rrjedhës së lumit dhe kanaleve të ujitjes, mund të rrezikohen nga vërshimet.

Kjo pasi paralajmërimet e meteorologëve bëjnë të ditur për mundësinë e vazhdimit të reshjeve edhe në ditët vijuese.

Njoftim për rrezik të shtuar nga vërshimet dhe masat e kujdesit ka bërë edhe komuna e Ferizajt në faqen zyrtare të saj.

“Në bazë të situatës së fundit meteorologjike dhe reshjeve të dendura që kanë përfshirë rajonin, njoftohen qytetarët se ekziston rrezik i shtuar për paraqitjen e vërshimeve në disa zona.

Kërkohet nga qytetarët që:

• Të tregojnë kujdes të shtuar gjatë qarkullimit, veçanërisht pranë rrjedhave ujore, kanaleve dhe zonave ku ka grumbullim uji;

• Të shmangin lëvizjet e panevojshme në zonat me rrezik të lartë;

• Të raportojnë çdo situatë të mundshme emergjente në numrat 192 dhe 193.

Ekipet emergjente dhe Policia janë të angazhuara në terren dhe po monitorojnë gjendjen në mënyrë të vazhdueshme, me qëllim të sigurimit të një reagimi të shpejtë dhe efektiv”, thuhet mes tjerash në njoftim.

Ferizaj

Varrimi i ferizajasit që vdiq tragjikisht bëhet pasditen e sotme në fshatin Mirash

Published

5 days ago

15 November, 2025

Redaksia

Shpend Qalaj, që humbi jetën tragjikisht të premten, do të varroset pasditen e sotme në varrezat e fshatit Mirash të Ferizajt, njoftoi familja përmes një postimi në facebook.

I ndjeri humbi jetën pasi ra në kontakt me rrymën derisa po punonte në pullazin e shtëpisë në Mirash.

“Është raportuar se viktima mashkull kosovar, deri sa ishte duke punuar në pullazin e shtëpisë ka rënë në kontakt me rrymën dhe si pasojë ka humbur jetën. Vdekjen e viktimës e ka konstatuar mjeku ndërsa me kërkesë të familjarëve dhe konsultim me prokurorin trupi i pajetë u është liruar familjarëve për ceremoni mortore”, thuhet në raportin 24 orësh të policisë.