Botë

Nju Jork: Plazma e të shëruarve do t’u jepet pacientëve me koronavirus

Published

5 years ago

27 March, 2020

Tek personat e shëruar, plazma e tyre e gjakut “vlon” nga antitrupat, të cilat mund ta luftojnë virusin COVID 19.

Por kjo formë e serumit është në fazën eksperimentale në spitalet e Nju Jorkut. Mjekët në Nju Jork së shpejti do të bëjnë prova tek pacientët e shtruar në spital, të cilët janë të sëmurë rëndë nga Koronavirusi.

Gjaku i marrë nga njerëzit e shëruar mund të jetë një burim i pasur i antitrupave dhe proteinave të fituara nga sistemi imunitar, për ta sulmuar këtë virus. Komponentja e gjakut që përmban antitrupa, apo plazma konvulsive, është përdorur me dekada për të trajtuar sëmundjet infektive, duke përfshirë këtu Ebolën dhe gripin.

“Është shumë e vështirë të vini në përfundime shkencore të efikasitetit të saj për ndonjë sëmundje, pa kryer prova” tha Dr. David L. Reich, president dhe zyrtar kryesor operativ i spitalit Mount Sinai, i cili do të përdor këtë metodë të trajtimit. “Nuk është një e shtënë në të thatë, poras nuk është e provuar të jetë e vërtetë.” – tha Dr. Reich

Doktor Reich tha se antitrupat e plazmës do të provohen tek pacientët e hospitalizuar të cilët janë në faze të moderuar të sëmundjes e që kanë probleme me frymëmarrje, por jo edhe tek ata që janë me fazë të avancuar të pneumonisë.

Botë

Një tërmet prej 6.1 ballësh godet Stambollin

Published

1 week ago

23 April, 2025

Redaksia

Tre tërmete lëkundën Stambollin mesditën e sotme, duke shkaktuar panik në mesin e miliona banorëve dhe vizitorëve të shumtë.

Tërmeti i parë me magnitudë 3.0 shkallë të Rihterit goditi bregdetin e rrethit Silivri në orën 12:13.

I dyti dhe më i fuqishmi, me magnitudë 6.1 ballë ka goditur të njëjtën zonë në orën 12:49, teksa tërmeti i tretë me magnitudë 4.9 ballë ka goditur në orën 12:51 lagjen Buyukcekmece të Stambollit.

Autoritetet turke nuk raportuan për dëme materiale apo në njerëz, porse kanë urdhëruar qytetarët të mos kthehen në banesat e tyre dhe të qëndrojnë në parqe e zona të hapura deri në njoftimin e radhës.

Botë

Rrahje, përplasje dhe tym në Kuvendin e Serbisë

Published

2 months ago

04 March, 2025

Redaksia

Kuvendi i Serbisë ndërpreu punimet e seancës së sotme pas përplasjeve fizike, rrahjeve, hedhjes së gazit lotsjellës dhe bombave me tym nga ana e deputetëve opozitarë, kundërshtarë të presidentit serb, Aleksandar Vuçiq.

Deri te kjo erdhi pasi deputetët e koalicionit qeverisës miratuan rendin e ditës, të cilin opozita e kundërshtoi.

Deputetët opozitarë iu afruan tavolinës së kryetarit, aktivizuan bomba me tym të kuq dhe të zi dhe shpalosën një pankartë ku shkruhej “Serbia po ngrihet për të rrëzuar regjimin”.

Partitë opozitare kishin paralajmëruar se s’do të jenë pjesë e punimeve të Kuvendit, përderisa studentët e qytetarët janë duke protestuar vazhdimisht në kërkim të drejtësisë për vdekjen e 15 personave në nëntor nga rrëzimi i strehës së një stacioni hekurudhor në Novi-Sad.

Botë

Holandezi Rutte merr detyrën e Sekretarit të përgjithshëm të NATO-s

Published

7 months ago

01 October, 2024

Redaksia

Ish-kryeministri i Holandës, Mark Rutte, ka marrë sot detyrën e Sekretarit të ri të përgjithshëm të NATO-s. Me një ceremoni solemne në selinë e aleancës në Bruksel, Rutte ka filluar mandati i ri në të cilin e zëvendëson Jens Stoltenbergun pas mandatit 10 vjeçar të tij në krye të kësaj aleance më të madhe ushtarake në botë.

Në konferencën e parë për media si sekretar i NATO-s, si prioritete kryesore Rutte përmendi forcimin e aleancës në reagimin kundrejt sfidave dhe rreziqeve të përbashkëta, ndihma për Ukrainën dhe përballja me sfidat globale.

Sipas tij, rol kyç për aleancën veri-atlantike ka edhe bashkëpunimi me vendet anëtare të BE-së dhe SHBA-të si në forcimin e brendshëm ashtu edhe për mbështetjen e Ukrainës.

Mark Rutte deri në marrjen e detyrës së re, shërbeu si kryeministër i Holandës në periudhën 2010 -2024.