Botë

Rritje alarmante e numrit të prekurve me COVID-19 në SHBA

Published

4 years ago

01 April, 2020

Gjatë ditës së djeshme në SHBA janë shënuar 24742 raste të reja të prekura me virusin COVID 19, duke e sjellur numrin e përgjithshëm të personave të infektuar në 188 530.

Shenimet zyrtare amerikane flasin se si pasojë e koronavirusit, në 24 orët e fundit në SHBA kanë vdekur 912 persona, apo gjithsejt 4053 që nga paraqitja e rasteve të para në këtë vend .

Shtëpia e Bardhë dje doli me një paralajmërim rrëqethës, duke i përgatitur Amerikanët se ky vend do të ballafaqohet me pasoja të rënda nga Pandemia COVID 19 gjatë dy javëve të ardhshme.

Në bazë të modelit të projektuar nga ekspertët amerikanë të statistikave, parashikohet që numri i të vdekurve nga COVID-19 në SHBA të sillet ndërmjet 100 mijë deri në 240 mijë viktima, dhe atë nëse respektohen masat e distancimit social që janë në fuqi në të gjitha shtetet.

Botë

Në Maqedoninë e Veriut sot ka nisur heshtja zgjedhore

Published

7 days ago

23 April, 2024

Redaksia

Në Maqedoninë e Veriut sot ka nisur heshtja zgjedhore pasi nesër mbahet raundi i parë i zgjedhjeve presidenciale

Heshtja zgjedhore përfundon më 24 prill në orën 19:00, kur mbyllen vendvotimet.

Si zakonisht, gjatë ditës së sotme në votimet paraprake të drejtën e tyre qytetare do të kenë mundësi ta ushtrojnë të sëmurët dhe personat e pafuqishëm, të burgosurit në shtëpitë ndëshkuese-përmirësuese dhe personat në paraburgim, në shtëpitë e të moshuarve dhe shtetasit tanë jashtë vendit.

Zgjedhjet e shtatë presidenciale në Maqedoninë e Veriut do të mbahen të mërkurën, më 24 prill, ndërsa raundi i dytë i mundshëm i tyre, së bashku me zgjedhjet parlamentare, është caktuar pas dy javësh, më 8 maj.

Botë

Bitcoin me rekord historik – kalon vlerën mbi 71 mijë dollarë

Published

2 months ago

11 March, 2024

Redaksia

Çmimet e Bitcoin shënuan një rekord të ri, pasi në orën 8:25 të mëngjesit të sotëm, arriti vlerën 71,644 dollarë derisa më pas pësoi një rënie të lehtë.

Që nga fillimi i vitit, tregu financiar shfaqi tendencën e rritjes të Bitcoin, pasi më 1 janar tregtohej me vlerën prej 44.100 dollarë derisa rritja e jashtëzakonshme filloi nga fundi i shkurtit, kur shënoi vlerën tregtare prej 68,342 dollarë.

Nëse krahasojmë me vlerën e para 6 muajve, kur më 11 shtator vlera e kësaj kriptovalute ishte pak mbi 25 mijë dollarë, Bitcoin sot shënoi rritje mbi 183 %.

Botë

Bosnje-Hercegovina goditet prej një tërmeti rreth 4-shkallësh

Published

2 months ago

19 February, 2024

Redaksia

Sarajeva dhe rrethina e saj janë goditur në mëngjesin e së hënës prej një tërmeti rreth 4 shkallësh të Rihterit, sipas të dhënave të Qendrës Sizmologjike Euro-Mesdhetare dhe Institutit Federal të Hidrometeorologjisë.

Tërmeti 3.9 shkallë është regjistruar rreth orës 9:22 afër Sarajevës.

Thellësia e tërmetit ka qenë gjashtë kilometra.

Qytetarët e Sarajevës kanë thënë se tërmeti është ndjerë shumë dhe ka zgjatur disa sekonda.

Deri më tani nuk është raportuar për ndonjë dëm material.

/REL/