Ferizaj

5 mijë persona aplikojnë për asistencën mujore

Published

6 years ago

21 April, 2020

Afër 5 mijë qytetarë kanë aplikuar si të papunë në Zyrën për Punësim në Ferizaj, si parakusht për përfitimin e shumës prej 130 eurove për periudhën prill-qershor, e cila parashihet në Pakon Emergjente Fiskale.

Drejtori i Zyrës për Punësim në Ferizaj Naim Gashi, tha të drejtën e përfitimit të kësaj pagese e kanë familjet të cilat nuk e kanë asnjë të punësuar në sektorin publik dhe privat.

”Ka pasur mijëra kërkesa për t’u regjistruar si të papunë këtu, është një keqpkuptim te qytetarët, sepse ata po mendojnë se duhet të regjistrohen e tërë familja. Sipas Pakos Emergjente, Ministria e Financave ka bërë të ditur se aplikimet mund të bëhen në secilën komunë tek zyra e socialit, mirëpo si parakusht për të qenë përfitues nga Pakoja Fiskale duhet të jenë të papunë në Zyrën e Punësimit, kështu qytetarët duhet të mbushin dy aplikacione nëse nuk janë të regjistruar në Zyrën e Punësimit dhe më pastaj të shkojnë tek zyra e socialit ose të bëjnë aplikimin online në Minstrinë e Financave për të qenë përfitues nga kjo pako që është për 3 muaj. Qytetarët nuk janë duke kuptuar se kush është përfitues, ka pyetje të ndryshme, por kjo pako është e dedikuar vetëm për ato familje të cilat anëtarët e saj nuk kanë të hyra të tjera”, tha Gashi.

Gashi tha se mënyra e aplikimit është shumë e lehtë, por që rastet sociale po kanë telashe ta mbushin aplikacionin.

“Është shumë e lehtë për të aplikuar, por kjo kategori që ka nevojë për këtë pako është një kategori pa shkollim dhe e kanë të vështirë të aplikojnë online pasi nuk kanë e-mail adresa, nuk dinë të aplikojnë, nuk dinë shkrim e lexim dhe po është shumë problem, prandaj duhet t’u dalim në ndihmë, më vjen shumë keq dhe mundohem që çdokujt t’i ndihmoj përmes telefonit që të përfitojnë me të vërtetë ata që kanë nevojë”, tha Gashi.

Gashi tha se personat të cilët kanë qenë të regjistruar më parë në Zyrën e Punësimit nuk kanë nevojë të aplikojnë përsëri, por direkt të plotësojnë aplikacionin online në Ministrinë e Financave dhe atë ta dërgojnë në zyrën e Qendrës për Punë Sociale.

Afati për të aplikuar është deri më 15 maj.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim