Ferizaj

Pas daljes masive të qytetarëve Policia e Ferizajt shton kontrollet

Published

6 years ago

05 May, 2020

Pas vendimit të Ministrisë së Shëndetësisë për lehtësim të masave të lëvizjes, qytetarë të shumtë po shihen rrugëve dhe shesheve të Ferizajt, pa respektuar masat mbrojtëse.

Drejtoresha e Qendrës Rajonale të Shëndetit Publik në Ferizaj, Sevdije Mehmeti, tha se kjo lëvizje e qytetarëve mund ta rikthej përsëri infeksionin në masë të madhe.

“Grumbullimi i qytetarëve, lëvizja në numër kaq të madh e bart rrezikun në vete, mosrespektimi i distancës e bartë rrezikun e rikthimit të virusit. Në Ferizaj ka filluar rënia e paraqitjes së virusit, por ky fakt nuk duhet të na gëzojë, prandaj duhet të vazhdohet të ketë sukses pasi nuk do të thotë që nuk do të kemi më raste me koronavirus”,tha Mehmeti.

Drejtori i Shëndetësisë në Ferizaj Bekim Ademi, tha se Policia dhe Inspektorati Komunal do të marrin masa ndaj qytetarëve që nuk iu përmbahen udhëzimeve të Ministrisë së Shëndetësisë për mbrojtje nga Covid-19.

“Masat mbrojtëse nuk janë hequr, por është hequr vetëm karantinimi, prandaj qytetarët nuk duhet të bëjnë relaks, ne udhëzuam Policinë e Kosovës dhe Inspektoratin Komunal që të marrin masa ndaj qytetarëve të pandërgjegjshëm të cilët dalin në sheshe dhe rrugë pa nevojë”,tha Ademi.

Ndërkaq, në Policinë e Ferizajt thonë se kanë shtuar kontrollet brenda zonave të Ferizajt.

“Ferizaj tashmë ka dalur nga karantina dhe të gjitha njësitet policiore i kemi të orientuara në zona të qytetit dhe kemi shtuar kontrollimet”, tha Agim Gashi, zëdhënës i Policisë Rajonale të Ferizajt.

Në kuadër të planeve për zbutjen e masave gjatë pandemisë së koronavirusit nga e hëna ka hyrë në fuqi vendimi i Ministrisë së Shëndetësisë për hapjen e bizneseve në vend dhe është lejuar lëvizja e qytetarëve brenda tri orëve.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

6 days ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.

Ferizaj

Një burrë theret me kaçavidë nga dy persona në Ferizaj

Published

2 weeks ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

2 weeks ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.