Ferizaj

Qendra këshilluese “Ri-Jeta” kërkon përkrahje institucionale

Published

4 years ago

28 May, 2020

“Ri-Jeta” është emri i ri që tani e tutje do ta mban qendra këshilluese “Këshillimi”. Kjo qendër ka 1 vit që po iu ndihmon të rinjve të cilët përdorin substanca narkotike që t’i kthehen normalitetit.
Udhëheqësja e kësaj qendre këshilluese Arjeta Musliu, tha se kjo qendër tani është regjistruar si organizatë joqeveritare, duke bërë edhe zgjerimin e shërbimeve dhe hapësirave. Musliu, e cila para dy viteve ka humbur djalin si pasojë e përdorimit të substancave narkotike, gjë e cila ka bërë që ajo të shndërrohet në një adresë këshillimi për përdoruesit e drogës, tregon se si vendosi t’ia ndërroj emrin kësaj qendre.

“Fillimisht kur është hapur qendra “Këshillimi” është bazuar në stigmën që e kemi, këshillim, ndërsa tani emri “Ri-Jeta” që e mban qendra jonë tani jam përmbushur në dy aspekte, ata që janë viktima të substancave thjeshtë ringjallen dhe arsyeja tjetër jam përmbushur si nënë, kam bashkuar dy shkronja e para të djalit tim dhe shkurtesën e emrit tim. Tani qendra “Ri-Jeta” është zgjeruar edhe me staf dhe hapësirë duke e parë të nevojshme trajtimin psiko-terapi grupore ku na është dashur një hapësirë më e madhe, por edhe ajo që më ka nxitur që të zgjerohemi është se jemi të mangët në ofrimin e shërbimeve psiko-sociale që përballen familjet, ndër to janë problemet mes qifteve, situata e pandemisë ka bërë të jetë edhe më shumë nxitëse e problemeve, ku është diskutuar edhe ndarja, kështu që e kemi parë të rrugës të kyqemi edhe në këtë shërbim”, tha Musliu.

Duke u përballur direkt me personat që luftojnë me këtë dukuri negative, ajo thotë se numri i përdoruesve të narkotikëve është çdo ditë në rritje.

“Ka kaluar numri 300, akoma pa u bërë një vit numri i të interesuarve apo lista e pritjes është mbushur me persona që presin për të marrë këshilla, kështu që t’i hapim sytë, të fokusohemi më shumë tek kjo dukuri negative që po atakon të rinjtë tanë. Nga muaji nëntor filluam me ligjërata nëpër shkolla, por është e paktë me atë që mund të bëjmë në krahasim me nevojat që janë, numri është çdo ditë në rritje dhe më shqetësuese dhe më e dhimbshme është mosha 13 vjeçare dhe në ofrimin e shërbimeve të trajtimit jemi shumë të mangët në këtë drejtim përgjithësi si vend”, shprehet Musliu.

Sipas Arjeta Musliut, falë këshillave të kësaj qendre 20 persona janë distancuar nga përdorimi i drogave. Megjithatë, ajo thotë se vazhdon të mos ketë mbështetjen e duhur nga institucionet.

“Mjaftueshëm nuk kemi përkrahje, kanë filluar disa donatorë privat, kemi pasur edhe takim me kryetarin e komunës që ta hartojmë një plan për një mbështetje rrjedhëse që të paktën për shpenzimet mujoree siç janë qiraja, rryma, uji, telefoni, janë shumë shpenzime, ne çdo dy javë i përsërisim analizat laboratorike për gjendjen e përdoruesit dhe ato kushtojnë, kështu që ne kemi nevojë për përkrahje institucionale të vazhdueshme, por besoj që do të vijmë tek lehtësimi, këtu falënderoj edhe deputetin Ilmi Reçica i cili këto ditë na ka përkrahur me pagën e tij dhe është një lehtësim për neve kështu që po presim në vazhdimësi”, tha Musliu.

Në Kosovë besohet se numri i përdoruesve të substancave narkotike varion nga 30-35 mijë përdorues dhe mosha më e re që abuzon me drogat është 16 vjeç

Ferizaj

Brenda një jave në Ferizaj u shqiptuan 1370 gjoba trafiku

Published

43 mins ago

29 April, 2024

Redaksia

Policia Rajonale e Ferizajt në periudhën njԯ javore nga 22 deri më 28 prill 2024, ka shqiptuar 1370 gjoba trafiku derisa ka hequr edhe 10 patentë shoferë për drejtuesit që kanë shkaktuar kundërvajtje më të rënda në komunikacion.

Në njoftimin për media bëhet e ditur se gjatë kësaj periudhe janë raportuar 29 aksidente, ku katër prej tyre ishin aksidente me lëndime, 18 persona të lënduar si dhe 15 aksidente me dëme materiale.

Ferizaj

Kërcënohet me jetë Kenan Gashi, drejtor ekzekutiv i “AVONET”

Published

2 days ago

27 April, 2024

Redaksia

Drejtori Ekzekutiv i rrjetit të OJQ-ve, “AVONET”, Kenan Gashi, ka njoftuar se është kërcënuar me jetë nga një palë e përfshirë në një rast që “AVONET” po e trajton në gjykatë.

Përmes një postimi në Facebook, Gashi bëri të ditur se rasti i kërcënimit dhe kanosjes ndaj tij nga ana e personit Faredin Grainca, ndodhi mbrëmjen e së premtes, në ambientet e spitalit rajonal të Ferizajt, por siç u shpreh Gashi, sulmi u parandalua falë zyrtarëve të Policisë që ishin të pranishëm në atë çast në vendngjarje.

Sipas Gashit, kërcënimet e sulmet e tilla janë shqetësuese për faktin se vijnë si rezultat i punës dhe aktivitetit publik të cilin e zhvillon në interes të përgjithshëm andaj edhe kërkon veprime të menjëhershme nga Policia e Kosovës dhe Prokuroria e Shtetit për inicimin e procedurës penale këtij personi.

Zëvendësdrejtori i policisë për rajonin e Ferizajt, major Qazim Reka, ka konfirmuar nisjen e hetimeve për këtë rast, për të cilin tha se është njoftuar edhe prokuroria dhe janë intervistuar të dyja palët.

Ferizaj

Policia në kërkim të dyshuarit të dytë për plagosjen me armë zjarri mbrëmë në Ferizaj

Published

2 days ago

27 April, 2024

Redaksia

Zëvendësdrejtori i policisë për rajonin e Ferizajt, major Qazim Reka, ka konfirmuar se njëri nga të dyshuarit për të shtënat e mbrëmshme me armë zjarri është arrestuar ndërsa një i dyshuar tjetër është në kërkim.

Nga të shtënat me armë zjarri, që ndodhi mbrëmë rreth orës 23:45 më rrugën “ 12 Qershori” mbetën të plagosur dy persona të cilët u dërguan për trajtim në në emergjencën e Ferizajt.

“Dy meshkuj kosovarë kanë pësuar lëndime si pasojë e gjuajtjes me armë zjarri nga persona të panjohur. Të lënduarit janë dërguar për trajtim mjekësor në QKUK. Pas tretmanit mjekësor njëri i lënduar është liruar, ndërsa i lënduari tjetër ka dorëzuar armën me gaz dhe tre fishekë dhe i njëjti është dërguar në qendrën e mbajtjes”, thuhet në raportin e policisë.