Ferizaj

Rimëkëmbja ekonomike sfidë për vendin

Published

6 years ago

30 May, 2020

Rimëkëmbja ekonomike pas përfundimit të pandemisë Covid-19, do të jetë sfidë për Kosovën kur merren parasysh dëmet e paraqitura në nivel lokal, por edhe global. Shumica e bizneseve në Kosovë, gati në të gjithë sektorët, kanë raportuar vlera të mëdha të humbjeve financiare dhe zvogëlim të kapaciteteve prodhuese, si rezultat i masave të marra nga Qeveria më 13 mars për parandalimin e përhapjes së pandemisë.

Lulzim Shabani, njohës i ekonomisë, thotë se bizneset në vend mund të rimëkëmben vetëm me ndihmën e institucioneve, të cilat, sipas tij, duhet të hartojnë strategji adekuate dhe atë sa më shpejtë që të jetë e mundur.
“Padyshim se bizneset po jetojnë periudhën më të vështirë të tyre jo vetëm në dekada, por edhe në shekullin e fundit, prandaj pos shëndetit do të duhej të ishte rimëkëmbja ekonomike e bizneseve pas pandemisë, bizneset kanë parashtruar kërkesat e tyre, kanë filluar dialoget mes bizneseve dhe autoriteteve dhe ky dialog duhet të sjellë rezultate konkrete, bizneset kanë raportuar shkurtime të vendeve të punës, humbje të tyre, zvogëlim të kapaciteteve prodhuese dhe në këtë frymë nevojitet strategji zhvillimore e institucioneve për të dizajnuar pakon ekonomike emërgjente e cila do të duhej të ishte në rimëkëmbjen e bizneseve”, tha Shabani.

Shabani thotë se një ndër format e rimëkëmbjes ekonomike është edhe ndryshimi i pakos fiskale.

“Është e vështirë të mendohet se cila do të ishte rruga më e duhur që bizneset ta kalojnë sa më lehtë këtë periudhë, por gjykoj që lehtësimi i politikave fiskale do të ishte hapi i parë për të ndihmuar dhe më pas të dizajnohen pako të tjera, këtu hynë kreditë, subvencionet, pagesat e qirave, grejs-periudha apo shtyerja e kësteve, e kështu me radhë”, tha Shabani.

Sipas Shabanit, edhe niveli lokal nuk duhet të rri duarkryq.

“Padyshim që kryesor është niveli qëndror, por edhe autoritetet lokale kanë përgjegjësitë, detyrimet dhe obligimet e tyre, siç është Drejtoria Zhvillimit, ajo e Bujqësisë, e Financave të bashkëpunojnë me bizneset që të gjejnë rrugë e metoda për të lehtësuar periudhën e pas pandemisë”, tha Shabani.

Deri më tani nuk ka ndonjë shifër të saktë të humbjeve ekonomike, por sipas Ministrisë së Financave dhe Transfereve, vlerësohet se 6 milionë euro në ditë Kosova ka humbur për shkak të pandemisë së koronavirusit.

Ferizaj

Ndërroi jetë artisti dhe koreografi i shquar ferizajas, Bajram Tahiri

Published

3 days ago

03 February, 2026

Redaksia

Ka ndërruar jetë Bajram Tahiri, artist, valltar dhe koreografi i shquar i ansamblit “Kastriotët” në Ferizaj.

I ndjeri gjithë jetën e tij artistike ia kushtoi ruajtjes dhe begatimit të traditës dhe trashëgimisë kulturore, fillimisht si valltar pastaj edhe si koreograf i A.K.V ,,Kastriotët” Ferizaj.

Për një periudhë kohore, nga viti 1999-2009, Tahiri ishte Drejtor Operativ në KRM “Pastërtia”, pastaj nga viti 2017 deri në vitin 2020 shërbeu si këshilltar politik në Ministrinë e Tregtisë dhe Industrisë, derisa nga viti 2010 udhëhoqi me kompaninë “Mbrojtja e Ambientit”.

Mbledhja komemorative për artistin e ndjerë, Bajram Tahiri, mbahet më 3 Shkurt 2026, ora 14:00 në Teatrin “Adriana” kurse ceremonia e varrimit nga ora 15:30 në varrezat e reja të qytetit.

Ferizaj

Ngritët aktakuza e parë për zgjedhjet e 28 dhjetorit

Published

2 weeks ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.

Ferizaj

Devijime minimale të rezultatit nga rinumërimi i mbi 53% të votave në Ferizaj

Published

2 weeks ago

20 January, 2026

Redaksia

Nga rezultatet e përditësuara të KQZ-së për rinumërimin e votave në Ferizaj, deri në orën 12:00, kur janë rinumëruar rreth 53% të të gjitha votave për kandidatë për deputetë, vërehet një numër shumë i vogël i devijimit nga rezultatet preliminare.

Diferencat e gjetura të votave janë përgjithësisht në marzhën e gabimeve teknike, pasi që deri tani dallimi i votave individuale në shumicën e rasteve është një shifror me disa përjashtime, ku dallimi është mes 30 dhe 40 vota.

Mospërputhjet më të mëdha, deri tani janë tek disa kandidatë të Lëvizjes Vetëvendosje, si tek rasti i Hekuran Muratit të cilit i shtohen +37 vota, Hajrulla Çekos +22 vota, Valon Ramadanit +19 vota derisa në të njëjtën kohë, Albin Kurtit i hiqen – 39 vota apo Glauk Konjufcës të cilit i hiqen -20 vota.

Tek PDK-ja, kandidatit Rashit Qalaj i shtohen +10 vota, Burim Bajramit +10 vota kurse kandidatit Rrahman Rama i hiqen -16 vota, Bedri Hamzës -8 vota e kështu me radhë.

Tek LDK-ja, Ukë Rugovës i shtohen +13 vota, Hykmete Bajramit +11 vota derisa janë disa kandidatë të cilëve u hiqen nga 2 ose 3 vota.

Sipas ecurisë së deritashme, pritet që rinumërimi i tërësishëm i votave në Ferizaj të përfundojë në orët e pasdites së sotme.