Ferizaj

Ndahen kupa e medalje për klubet kampione në kategoritë U13, U15 dhe U17

Published

6 years ago

06 July, 2020

Lidhja Rajonale e Futbollit të Ferizajt së bashku me Federatën e Futbollit të Kosovës organizuan sot ceremoninë për ndarjen e kupave për klubet kampione në kategoritë U13, U15 dhe U17.

Kampionët të cilët kishin trimfuar gjatë sezonit ishin klubi i futbollit “Dinamo”, ai i “Vizioni”-it dhe klubi i futbollit “Ferizaj”, të cilët sot edhe u shpërblyen me kupa e medalje për suksesin e arritur.

“Sot i kemi thirrur për me ua nda nga një shpërblim kampionëve edhe pse në gjysmë të kampionatit nuk ndahen shpërblime, por duke e parë situatën me pandeminë vendosëm t’i shpërndajmë sot. Sot janë paraparë që klubi i “Dinamos”, “Vizioni” dhe ”Ferizaj” që janë kampion të marrin kupat dhe medalje”, tha Afrim Haliti, kryetar i Lidhjes Rajonale të Futbollit të Ferizajt.

Trajnerët e klubeve triumfuese thanë se këto medalje dhe kupa do të jenë motiv për lojtarët.

“Sot kemi marrë medalje dhe kupa për vendin e parë, për shkak të pandemisë që u ndërpre kampionati ne kemi qenë në vend të parë dhe jemi shpallur kamipon dhe sot Lidhja Rajonale e Futbollit po i shpërndanë mirënjohjet për vendin e parë dhe të dytë, këto medalje janë të mira për lojtarë pasi rrisin motivin për punë, për lojë e për gara, pasi kjo kohë është pak e vështirë për fëmijë, por po shpresojmë që në vjeshtë do t’i rikthehemi normalitetit”, tha Fatlum Hajrullahu, trajner i KF “Ferizaj” për pionerët.

“Është një motiv shtesë pasi që marrë parasysh kohën e pandemisë e cila na ka neglizhuar punën dhe si shpërblim që kemi qenë në vendin e parë në gara regjionale sot edhe jemi duke u shpërblyer”, tha Vigan Shaqiri, trajner i KF “Vizioni”.

“Çdo trajner po të ishte në pozitën tonë do ta ndjente vetën krenarë dhe të lumtur, edhe ne sot kemi arsye të gëzohemi, pasi me punën që kemi bërë kemi arritur ta realizojmë qëllimin si ekipi më i mirë në regjionin e Ferizajt për U13”, tha Fatos Ademi, trajner i KF “Dinamo”.

Komiteti Ekzekutiv në Federatën e Futbollit të Kosovës tashmë e ka shpallur të mbyllur ciklin garues 2019/20 për grupmoshat e reja.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

7 hours ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim

Ferizaj

Siguria juaj fillon me zgjedhjen e duhur të sigurimit

Published

12 hours ago

13 March, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

Adresa: Rr. “Tahir Sinani” 89, Ferizaj

* Artikull i sponsorizuar

Ferizaj

330 shoferë në Ferizaj gjobiten për përdorim të telefonit

Published

2 weeks ago

02 March, 2026

Redaksia

Policia Rajonale e Ferizajt gjatë muajit shkurt ka shqiptuar 330 gjoba ndaj shoferëve që kanë përdorur telefonin gjatë vozitjes, duke rrezikuar kështu sigurinë e pjesëmarrësve në komunikacion.

Policia bën thirrje tek të gjithë pjesëmarrësit në trafik për përqendrim të plotë gjatë drejtimit të e automjetit dhe të shmangin çdo lloj shpërqendrimi sidomos përdorimin e telefonit gjatë vozitjes, pasi edhe një çast pakujdesie mund të ketë shkaktojë pasoja serioze për jetën e njerëzve.