Ferizaj

Policia e Ferizajt paralajmëron gjoba për mosrespektim të masave mbrojtëse

Published

6 years ago

14 July, 2020

Bartja e maskave nga të gjithë qytetarët jashtë shtëpive të tyre, si dhe mbajtja e distancës fizike prej 2 metrave në ambiente të përbashkëta jashtë shtëpive apo banesave, tashmë është bërë obligative në vend.

E, për shkelësit e këtyre masave, në bazë të ligjit për parandalimin dhe luftimin e sëmundjeve ngjitëse, gjobat do të sillen prej 250 euro deri në 1 mijë euro për personat fizik, kurse për personat juridik gjobat do të fillojnë nga 3 mijë deri në 8 mijë euro.

Maliq Muharremi, zyrtar i inspektoratit komunal në Ferizaj, thotë se qytetarëve të cilët nuk e respektojnë Manualin e Qeverisë do t’u ngritet kallzim penal, ndërsa për të monitoruar zbatimin e këtyre masave, ai njoftoi se nga sot janë angazhuar edhe 3 inspektorë të tjerë nga Ministria e Shëndetësisë.

“Qysh dje është nxjerrë një vendim i ri nga Qeveria e Kosovës, inspektorati komunal i Ferizajt është vënë në zbatim të këtij vendimi, një ndër masat e reja të këtij vendimi është distanca rigoroze ndaj të gjithë personave në lokalet e qytetit, bartja e maskës është bërë e obligueshme dhe ne si inspektorat jemi ënë në zbatim të këtij vendimi dhe në bashkëpunim me Policinë e Kosovës jemi duke i obliguar të gjithë qytetarët që të kenë maska dhe që t’iu përmbahen masave që i parasheh Manuali i shëndetësisë”, tha Maliqi.

Më rigoroz për zbatimin e këtyre masave siç duket do të jenë Policia. Drejtori i Policisë për Rajonin e Ferizajt, Emin Beqiri, tha se më nuk do t’ua tërheqin vërejtjen qytetarëve e biznesve të cilët nuk i respektojnë vendimet e marra nga Qeveria e Kosovës në kuadër të luftimit të pandemisë COVID-19, por direkt do të nisin me gjoba.

“Nga takimi i sotëm që patëm me komandantë të stacioneve kemi pasur fokus vendimet e Qeverisë që ka marrë në luftë me pandeminë që përmban bartjen e maskave, mostubimi i qytetarëve më shumë se 50, në restorante e kafeteri të jetë hapësira e jashtme në të kundërtën bashkërisht me inspektoratin do t’iu japim gjoba, tani unë personalisht me komandantin dhe policë do të dalim në terren, në shesh, nëpër kafeteri për të tërhequr vërejtjen që do të jetë vërejtja e fundit, do të jemi të pa kompromis në këtë drejtim”, tha Beqiri.

Ndër masat e reja për mbrojtje nga COVID-19 të miratuara dje nga Qeveria e Kosovës, përveç bartjes së maskave, obligative është edhe vendosja e dezinfektuesve nëpër institucione në vende të qasshme për qytetarë.

Ferizaj

Arrestohen dy persona në Ferizaj për posedim të kokainës

Published

5 days ago

26 May, 2026

Redaksia

Policia në Ferizaj ka arrestuar dy persona të dyshuar për posedim të kokainës.

Në raportin 24 orësh të policisë bëhet e ditur se gjatë kontrollit të veturës në të cilën ishin të dyshuarit, janë gjetur 5.79 gramë kokainë, kurse më pas, gjatë kontrollit në shtëpinë e njërit prej tyre, janë gjetur dhe konfiskuar edhe 26.09 gramë të tjera të kësaj substance narkotike.

Rasti raportohet të ketë ndodhur të hënën mbrëma, më 25.05.2026, rreth orës 21:30 në rrugën “Besim Rexhepi” në Ferizaj.

Me vendim të prokurorit të dyshuarit janë dërguar në mbajtje.

Ferizaj

Aktakuzë ndaj tre të dyshuarve për mashtrim me kriptovaluta në Ferizaj

Published

1 week ago

22 May, 2026

Redaksia

Prokuroria Themelore në Ferizaj, Departamenti i Përgjithshëm, ka ngritur aktakuzë kundër të pandehurve me inicialet: A.L., R.J. dhe V.N., për shkak të dyshimit në bashkëkryerje kanë kryer veprën penale”Mashtrimi” sipas Kodit Penal të Republikës së Kosovës

Të pandehurit dyshohen se më 17 Prill 2026, në Ferizaj, rruga, “Cen Dugolli” me dashje dhe në bashkëveprim, me anë të paraqitjes së rreme të fakteve dhe duke përdor emra të rreme, i vënë në lajthitje të dëmtuarit E.F., A.F., dhe Rr.K, duke ua marrë 12,000 euro si kundërpagesë për kriptovaluta të llojit USDT të cilat do t’ua transferonin përmes portofolit digjital “wallet”.

Pasi të dëmtuarve ua marrin shumën prej 12 mijë eurove, të pandehurit i fusin paratë në një çantë të gjelbër dhe i vendosin në një dollap brenda lokalit të cilin e kishin marrë me qira. Ata kishin hapur një vrimë në pjesën e pasme të dollapit, nga ku i morën paratë pa u vërejtur dhe u larguan në drejtim të panjohur.

Pas hetimeve, u zbulua se të dyshuarit e njëjtë, duke përdorur të njëjtën skemë, kishin organizuar një transaksion fiktiv në rrugën “Ismail Reka” në Kaçanik. Edhe aty kishin siguruar një lokal me qira për t’u takuar me persona të interesuar, të cilëve u kishin ofruar transferimin e USDT-ve në vlerë prej 50 mijë Euro.

Aktakuza ngarkon gjithashtu dy nga të pandehurit, A.L. dhe R.J., për një rast të ndodhur më 18 Gusht 2024 në rrugën “Agim Prodani” në Ferizaj ku të dëmtuarit G.A. ia kishin marrë me mashtrim 2 mijë euro duke i premtuar transferimin e kriptovalutave në portofolin e tij. Me të marrë paratë nga viktima, dy të pandehurit largohen me vrap në drejtim të panjohur.

Për të gjitha këto veprime, tre të pandehurit akuzohen për veprën penale “Mashtrimi” nga neni 323 paragrafi 1, lidhur me nenin 31 të Kodit Penal të Republikës së Kosovës.

“Prokurori i çështjes, me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartëcekur të shpallen fajtor për veprën penale për të cilën akuzohen dhe të dënohen sipas ligjit”, thuhet mes tjerash në njoftimin e Prokurorisë Themelore të Ferizajt.

Ferizaj

Punëtori që ra nga kulmi i një objekti në Babush u dërgua në QKUK

Published

1 week ago

21 May, 2026

Redaksia

Një 27-vjeçar ka pësuar lëndime të rënda trupore pasi ka rënë nga kulmi i një objekti në fshatin Babush, në magjistralen Ferizaj-Prishtinë.

Në raportin 24 orësh të policisë bëhet e ditur se rasti u raportua të mërkurën, 20.05.2026 rreth orës 15:00.

“Është raportuar se viktima )mashkull kosovar) derisa kishte qenë duke punuar në kulmin e një objekti ishte rrëzuar dhe kishte pësuar lëndime trupore. Viktima fillimisht është dërguar në emergjencën e Ferizajt, por për shkak të gjendjes së rëndë shëndetësore është dërguar në QKUK” thuhet në njoftim.

Në vendin e ngjarjes kanë dalë njësitë relevante të policisë dhe inspektorët e punës derisa rasti është cilësuar si “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.