Ferizaj

Banorët e lagjes “Maksutaj” kërkojnë asfaltimin e rrugës

Published

8 years ago

04 June, 2018

Banorët e lagjes “Maksutaj” në fshatin Koshare të Ferizajt, ka vite që po qarkullojnë përmes kësaj rruge të dëmtuar. Ata ankohen se janë diskriminuar nga ish-pushteti, i cili sipas tyre, asfaltoi shumicën e rrugëve të fshatit, por jo edhe atë të kësaj lagjeje.

“Jemi kanë në 2016-në te Muharrem Svarqa kemi shkuar 5 vetë, edhe kemi hi te kryetari, pasi mahallen tjetër e bëri gati për me asfaltu neve jo, edhe shkum te kryetari na tha që me emër të Zotit, pasha tre fëmijë që i kam, në shtator kam me ua shtru me asfalt, personat që kem bashkë u gëzuan që po asfaltohet, ndërsa erdh vitin e kaluar i pruni do bagera, banen foto edhe ecën, veç e shtroj me zhavor këtë pjesë kah na, ndërsa mahallës tjetër ua shtroj neve jo, veç erdh na rrejti”, tha Jakup Maksuti.

“Secili kryetar që ka ardhë ka premtuar se do ta kryejnë, por vetëm kanë premtu, shihen çfarë gropa janë ba, kryetari Svarqa pati ardhë me pre shiritin, e shtroj pak zallë po asgjë më shumë dhe e la në këtë gjendje, ka bërë ndasi në fshat, në pjesët tjera ka shtru çdo rrugicë, ndërsa vetëm këtë pjesë jo, po është shumë vështirë pasi po dëmtohen edhe veturat nga gropat, ne ju përgjigjemi taksave, ndërsa ata po i orientojnë kah i kanë qëllimet e veta”, tha Metush Zeqa.

“Neve na kanë nda nga fshati, në pjesët tjera të lagjes janë bërë investime përveç tek ne, kanë ardhë vetëm e kanë shtru me zhavorr edhe asgjë, kanë bërë ndarje, e është vështirë edhe për fëmijë edhe për ne, po ashtu edhe reka që është këtu, kena majtë ymyt se po shtrohet po jo nuk u ba”, tha Milaim Sadiku.

Lidhur me këtë, Televizioni Tema kontaktoi me drejtorin e Infrastrukturës Arbër Bytyqin, i cili tha se tash për tash nuk mund të bëhet asfaltimi i kësaj rruge, për shkak të mungesës së mjeteve buxhetore, të cilat sipas tij, u janë marrë nga përmbaruesit, por theksoi se do të bëjnë përpjekje që në të ardhmen këtë rrugë ta fusin në kuadër të projekteve të cilat janë të parapara të realizohen në këtë rajon.

Ferizaj

Bëhet i ditur identiteti i viktimave të aksidentit tragjik në Gjermani

Published

2 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

3 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.

Ferizaj

Qytetarëve u vijnë mesazhe mashtruese – Policia apelon për kujdes

Published

4 days ago

05 August, 2026

Redaksia

Drejtoria Rajonale e Policisë në Ferizaj ka njoftuar se ditëve të fundit, disa qytetarëve u kanë ardhur mesazhe (SMS) mashtruese kinse të dërguara në emër të Policisë së Kosovës duke pretenduar se qytetarët kanë gjoba trafiku dhe duke i ftuar ata të klikojnë në lidhje (linke) për të kryer pagesën e tyre.

Sipas Policisë, këto mesazhe janë të rreme dhe nuk janë dërguar nga institucionet e rendit dhe ligjit, pra janë mesazhe të dërguara si tentativë për mashtrim.

Policia paralajmëron qytetarët që nëse pranojnë ndonjë e-mail apo mesazh të dyshimtë, të veprojnë si në vijim:

Mos klikoni në linkun e dyshimtë;

Mos i jepni të dhëna personale apo bankare;

Mos kryeni pagesa përmes lidhjeve të dërguara me SMS;

Raportojeni rastin në stacionin më të afërt policor;

Kontaktoni bankën tuaj nëse keni ndarë të dhëna personale ose bankare;

Fshijeni menjëherë mesazhin e dyshimtë;

Qytetarët mund të raportojnë raste të tilla përmes aplikacionit “Lajmëro Policinë” ose duke telefonuar në numrin 192.

Drejtoria Rajonale e Policisë në Ferizaj apelon për kujdes të shtuar ndaj mashtrimeve online dhe bashkëpunim me policinë për parandalimin e tyre.