Ferizaj

Mbahet trajnim për taksistët lidhur me ofrimin e ndihmës së parë

Published

8 years ago

05 June, 2018

Organizuar nga “Auto moto Klubi i Kosovës”, në ambientet e Kryqit të Kuq në Ferizaj, u mbajt një ligjëratë për taksistët e këtushëm lidhur me ofrimin e ndihmës së parë. Përfaqësues të kësaj organizate thanë se qëllimi i këtij trajnimi është që shoferët e taksive të cilët transportojnë udhëtarë, t’i përsërisin njohuritë që kanë të bëjnë me ofrimin e ndihmës së parë.

“Ata janë personat të cilët gjithnjë janë në kontakt me qytetarët, e në mesin e tyre ka që sëmurën sa janë duke udhëtuar me taksi, prandaj ne po dëshirojmë të barazohemi me të gjitha vendet evropiane ku atje prej kohesh zhvillohen kësi lloj trajnimesh. Thjesht në taksi mundet të qëlloj një grua shtatzënë, i komplikohet gjendja, e shoferi duhet të jetë në gjendje menjëherë t’ia jap asaj ndihmën e parë, apo edhe një tjetër i sëmur që mund të pësoj infarkt, shoferi mundet të shpëtoj jetë derisa pacientin ta dërgoj tek emergjenca më e afërt. Thjesht ideja është që të përgatitet shoferi i autotaksit për ndihmën e parë që normalisht edhe mund t’i ketë harruar gjërat që i ka mësuar dikur”, tha Asllan Pllana, inxhinier i komunikacionit rrugor.

Deri më tani trajnime të këtij lloji janë zhvilluar në disa komuna, ndërsa u tha se ato do të mbahen gjithandej Kosovës.

“Më vjen mirë që taksistët po i përgjigjen këtij trajnimi dhe besoni ata po shprehen se shumë gjëra i kishin harruar dhe këto ligjërata sikur po ju ndihmojnë atyre ta kenë të freskët këtë gjë elementare që i duhet çdo shoferi. Besoni që kjo kategori është shumë e ndjeshme në shoqëri, pasi çdo ditë kanë punë me qytetarë në rrugë publike dhe mund të kenë lloj-lloj ndodhi”, tha Pllana.

Këtë trajnim e mirëpritën edhe taksistët ferizajas, të cilët thanë se rifreskimi i njohurive është i nevojshëm.

“Unë punoj taksi me vite të tëra, prandaj këtu erdha me dëshirë sot pasi që e di se ndihma e parë është një gjë shumë e rëndësishme për ne, edhe pse natyrisht ne e kemi mësuar këtë qysh prej kohësh dhe jemi të përgatitur për çfarëdo rasti, por megjithatë nuk është keq të përsëriten gjërat. Fatmirësisht deri më sot nuk kam pasur raste që më kanë ndodhur mua personalisht kur jam dashtë t’i jap dikujt ndihmën e parë, por nuk do të thotë se nuk më ndodhë”, tha taksisti Xhevdet Bajraktari.

Megjithatë, pjesëmarrja në këtë trajnim në Kryqin e Kuq la shumë për të dëshiruar.

Ferizaj

Siguria juaj fillon me zgjedhjen e duhur të sigurimit

Published

1 day ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

1 day ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.