Këngëtarja me prejardhje nga Kosova, Dua Lipa, në ceremoninë e ndarjes së çmimeve prestigjioze Grammy, që jepen nga asociacioni i botuesve muzikorë të SHBA-ve , mbrëmë në Los Angeles të Kalifornisë (sot sipas kohës lokale të Kosovës) u nderua me çmimin “The Best New Artist” (Artisti më mi mirë i ri), ndërsa Grammy-n e dytë e fitoi në kategorinë e inçizimit më të mirë për vallëzim (Best Dance Recording) me këngën “Electricity”, një bashkëpunim i saj me me Silk City dhe Mark Ronson. Në fjalimin e saj gjatë pranimit të çmimit Grammy, Dua Lipa u dha kurajo të gjithë artistëve, pa marrë parasysh se prej nga vijnë, që të mos ndalen, por që të synojnë kulmin e arritjeve në jetë:
“ Jam shumë e nderuar që isha e nominuar këtë vit së bashku me aq shumë artiste pabesueshëm të mira. Mendoj se këtë vit vërtetë dolëm përpara. Dua tua dërgoj në falenderim të madh fansave të mi, të cilët më kanë mundësuar që unë ta nxjerr verzionin më të mirë të vehtes time, ju dua shumë… Dua ta falenderoj ekipin tim, që ishin pranë meje, dua ta falenderoj Benin, Xhulesin, Oskarin, Uendin, Hanan, Kathin, Kirdesin dhe Grejsin, që kanë punuar pandarë, që ishin pranë meje. Dua ta falenderoj familjen time e cila është sonte këtu me mua.. Zoti im.. Jam shumë e shqetësuar , e ngazëllyer dhe aq mirënjohëse. Një gjë të cilë dua ta them është se të gjithë ata që akoma nuk e kanë kuptuar se të veçantë mund të jenë me tregimin më ndryshe që e kanë, me prejardhje tjetër, një emër që i nderon rrënjët e veta, sepse pa marrë parasysh prej nga vini, ose në çka besoni, mos lejoni asgjë të ju pengojë juve dhe ëndrrës suaj, sepse ju e meritoni! ”
Në ceremoninë Grammy, me çmime për veprimtari muzikore gjatë
vitit 2018 ndër të tjerë u nderuan:
Albumi i vitit:
Kacey Musgraves – Golden Hour
Inçizimi i vitit: Childish Gambino – This Is America
Artisti i ri më i mirë: Dua Lipa
Kënga më e mirë: Childish
Gambino – This Is America
Albumi më i mirë
Pop Vokal: Ariana Grande – Sweetener
Albumi më i mirë RAP:
Cardi B – Invasion of
Privacy
Kënga më e mirë RAP: Drake – God’s Plan
Dueti më i mirë: Lady
Gaga dhe Bradley Cooper – Shallow
Çmimet e Bitcoin shënuan një rekord të ri, pasi në orën 8:25 të mëngjesit të sotëm, arriti vlerën 71,644 dollarë derisa më pas pësoi një rënie të lehtë.
Që nga fillimi i vitit, tregu financiar shfaqi tendencën e rritjes të Bitcoin, pasi më 1 janar tregtohej me vlerën prej 44.100 dollarë derisa rritja e jashtëzakonshme filloi nga fundi i shkurtit, kur shënoi vlerën tregtare prej 68,342 dollarë.
Nëse krahasojmë me vlerën e para 6 muajve, kur më 11 shtator vlera e kësaj kriptovalute ishte pak mbi 25 mijë dollarë, Bitcoin sot shënoi rritje mbi 183 %.
Sarajeva dhe rrethina e saj janë goditur në mëngjesin e së hënës prej një tërmeti rreth 4 shkallësh të Rihterit, sipas të dhënave të Qendrës Sizmologjike Euro-Mesdhetare dhe Institutit Federal të Hidrometeorologjisë.
Tërmeti 3.9 shkallë është regjistruar rreth orës 9:22 afër Sarajevës.
Thellësia e tërmetit ka qenë gjashtë kilometra.
Qytetarët e Sarajevës kanë thënë se tërmeti është ndjerë shumë dhe ka zgjatur disa sekonda.
Deri më tani nuk është raportuar për ndonjë dëm material.
Tre të mitur dhe një i person i moshës madhore kanë vdekur nga zjarri që shpërtheu mëngjesin e 15 shkurtit në një vendbanim rreth orës katër në një lagje të banuar me romë në Tivar, në Mal të Zi.
Zjarri, që shpërtheu rreth orës 04:00, përfshiu disa objekte dhe më pas u njoftua zjarrfikësja.
Siç tha prokurorja Mirjana Tankosiq Vuçiniq për Radion Evropa e Lirë, katër trupat e pajetë u gjetën në vendngjarje.
“Kemi gjetur katër baraka të djegura dhe katër trupa të djegur në to. Shkaku i zjarrit do të dihet pas vlerësimit të ekspertëve”, tha ajo.
Zjarri përfshiu një lagje të improvizuar ku jetojnë kryesisht romë. Këshilli i Romëve në Mal të Zi tha se kjo tragjedi tregon se sa është e nevojshme shpërngulja e familjeve rome nga lagje të tilla.
“Fakti që shumë familje detyrohen të jetojnë në baraka të parafabrikuara, pa kushte dhe siguri adekuate, është një problem serioz social. Pa mbështetjen dhe masat e duhura mbrojtëse, këto familje janë të ekspozuara ndaj një rreziku më të madh të aksidenteve siç është ky zjarr”, tha këshilli.
Këshilli i Romëve u bëri thirrje autoriteteve shtetërore që të përmirësojnë kushtet e banimit për popullatën rome në Tivar dhe në mbarë Malin e Zi.