Connect with us

Kosovë

Kolegji “Mehmet Akif” kremton Ditën e Pavarësisë

Published

on

Të veshur me veshje kombëtare e të stolisur me simbole të shtetit të Kosovës, nxënësit e kolegjit “Mehmet Akif”, dje kremtuan 11 vjetorin e Pavarësimit të vendit.  Në ambientet e këtij kolegji në Prishtinë, nxënësit kishin pregaditur valle, recitime e skeçe të ndryshme, përmes së cilave shprehnin dashurinë që e kanë për vendin.

“Më e bukura që unë kam me bë është se kam me kërcy vallën e rugovës dhe ka me pikturu, jam shumë e emocinouar se sot Kosova mbush 11 vite”,tha Amela Elezi, nxënëse.
“Kam me këndu, dhe ka me pikturu të gjitha këto po i bëjmë për përvjeotrin e shtetit të Kosovës, jam i emocionuar shumë për këtë ditë”
, tha Eron Shaqiri, nxënës.

Një pjesë e madhe e këtij programi ishte përgaditur nga mësuesja e klasës së tretë, Luljeta Mulliqi,  e cila tha se nxënësit e kolegjit “Mehmet Akif”, me padurim po e prisinin këtë ditë për të performuar.

“Sot festojnë të gjithë dhe festojm edhe ne së bashku me të gjithë, kemi pregaditur  disa këngë të ndryshme, poezi, drama, që kanë të bëjnë me këtë ditë që  e festojmë. Nxënësit me padurim kanë pritur që sot të dalin në skenë dhe ka ditë që janë duke u përgaditur”, tha Luljeta Mulliqi.

Drejtori Nazmi Ulus, tha se kolegji “Mehmet Akif”, e ka bërë traditë festimin e festave shtetërore. Ai tha se të gjitha aktivitetet organizohen nga trekëndëshi mësues, nxënës dhe prind, duke thënë se këta akterë janë çelësi i një edukimi të mirëfilltë.

Kjo është një ditë e rëndësishme, dhe padyshim që do të festohet, dhe siç shihet të gjithë janë të lumtur, ndjhen mirë, po ashtu edhe ne ndjehemi mirë. Zotimi jonë është që tu ofrojmë sa më shumë  kushte dhe sa më shumë aktivitetet. Siç e shihni ka shumë prindër, dhe kanë ardhur me dëshirën e tyre këtu edhepse nuk kanë qenë të detyruar që të marrin pjesë, por janë këtu. Ne kemi një bashkëpunim të mirë me prindërit dhe kjo duket. Poashtu dua të shtoj se nëse familjet nuk kontribojnë në edukim atëherë nuk kemi një edukim të mirë, gjithashtu edhe mësuesit apo stafi nëse nuk kontribojnë atëherë nuk ka edukim të mirë, prandaj ne përiqemi që ti bashkojmë këto elemente për një edukim sa më të mirë”,tha Ulus.

Në vigjilje të ditës së Pavarsisë së Kosovës, programe të ngjashme janë organizuar në të gjitha kampuset e kolegjit Mehmet Akif në Kosovë.

Continue Reading
Click to comment

Leave a Reply

Your email address will not be published. Required fields are marked *

Kosovë

Miratohet raporti për anëtarësimin e Kosovës në Këshillin e Evropës

Published

on

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, në të cilin konstatohet që shteti ka përmbushur kushtet për t’u bërë anëtare e plotë e Këshillit të Evropës.

Vendimi u bë i ditur nga deputeti i Kuvendit të Kosovës  Besnik Tahiri i cili njoftoi se raporti u votua me 31 vota për, 4 kundër dhe një abstenim.

“Në Komitet deputetët ishin të ndarë. Në njërën anë, Serbia kundërshtonte dhe në anën tjetër kishte pothuajse konsensus në mbështetje të anëtarësimit të Kosovës”, shkroi Tahiri në Twitter.

Tani procesi vazhdon në Asamblenë Parlamentare dhe nëse merr miratimin edhe në këtë institucion, atëherë vendimin përfundimtar për anëtarësimin e Kosovës duhet ta japë Këshilli i Ministrave të Këshillit të Evropës në takimin e planifikuar për në muajin maj.

]Kosova ka aplikuar në majin e vitit 2022 për anëtarësim në Këshillin e Evropës, por ky vazhdimi i procesit u bë i mundshëm pas jetësimit të vendimit të Gjykatës Kushtetuese të Kosovës për transferimin e 24 hektarëve tokë në emër të Manastirit të Deçanit, që ishte njëri nga kushtet kryesore për anëtarësim.

Continue Reading

Kosovë

Bedri Hamza edhe zyrtarisht kandidat i PDK-së për kryeministër

Published

on

Kryetari i Partisë Demokratike të Kosovës, Memli Krasniqi, ka njoftuar se kryetari i Mitrovicës, Bedri Hamza,  është nominuar si kandidat për kryeministër për zgjedhjet e ardhshme parlamentare.

Në konferencën e sotme për media, Krasniqi tha se Bedri Hamza është njeriu i duhur për këtë pozitë dhe për kohën në të cilën po kalon Kosova, andaj edhe i ka kërkuar që të marrë këtë përgjegjësi.

Krasniqi tha se ky vendim nuk nënkupton se ai si kryetar i partisë po e shmang një përgjegjësi, por që sot vendit i duhet një qeveri e re që udhëheqë me modesti e pa arrogancë, me frymë ekipore dhe gjithëpërfshirëse.

Kryetari aktual i Mitrovicës, Bedri Hamza, më herët ka qenë Guvernator i Bankës Qendrore të Kosovës, Ministër i Financave në dy raste dhe deputet në Kuvendin e Kosovës  për dy mandate.

Zgjedhjet parlamentare pritet të mbahen vitin e ardhshëm në Kosovë.

Ditëve të fundit, partitë opozitare kanë intensifikuar kërkesat për zgjedhje të reja me dorëheqjen e kryeministrit Albin Kurti. Por Kurti ka thënë se nuk sheh arsye të japë dorëheqje, ndërsa ka rekomanduar opozitën që ta shpërbëjë Kuvendin e më pas të shkohet në zgjedhje të parakohshme parlamentare.

Continue Reading

Kosovë

Aktakuzë kundër 18 personave për rastin e njohur si “SUBVENCIONET V”

Published

on

Prokuroria Speciale e Kosovës ka ngritur sot aktakuzë në Gjykatën Themelore në Prishtinë – Departamentin Special, kundër 18 të pandehurve me inicialet K.Z, L.S, S.SH, A.U, V.H, B.P, A.GJ, G.A, K.S, B.S, V.I, F.J, F.Y, A.N, A.S, A.T, B.O dhe M.M në rastin e njohur si “Subvencionet V”.

Prokuroria Speciale njofton se aktakuza kundër të pandehurve të lartcekur është ngritur për veprat penale ‘’Keqpërdorim i pozitës apo autoritetit zyrtar’’, ‘’Marrja e ryshfetit’’, ‘’Dhënia e ryshfetit’’, ‘’Ushtrim i ndikimit’’ si dhe ‘’Mashtrim me subvencione’’

Aktakuza është ngritur kundër 8 të pandehurve si persona zyrtar, prej tyre 4 të pandehur janë nga Ministria e Bujqësisë, Pylltarisë dhe Zhvillimit Rural, 2 të pandehur zyrtarë nga Regjioni i Gjilanit në kuadër të AZHB-së, 1 zyrtar në Komunën e Kllokotit, një 1 zyrtar në Komunën e Vitisë dhe ndaj 10 të pandehur të tjerë qytetar.

Po ashtu, Prokuroria Speciale ka propozuar që të konfiskohet dobia pasurore e sekuestruar nga të pandehurit e fituar me kryerjen e veprave penale në vlerë 184,000 €.

Continue Reading

Trending