Ferizaj
Vjen për pushime, bëhet për mjekim nga pluhuri
Është një rrugë e rëndësisë së madhe për qarkullim alternativ nëpër qendër të Ferizajt, një rrugë që mban emrin e dëshmorit “Tahir Sinani”. Por për shërbimet komunale të Ferizajt, si duket, mirëmbajtja e kësaj rruge nuk është në prioritet. Për këtë flet balta që flen mbi të gati disa javë, duke e lënë këtë rrugë të shëmtuar , dhe që e merr pamjen e një shtegu malor në mes të qytetit . E gjurmët e baltës na sjellin tek punishtja e projektit “Bashkimi i Qytetit” (B. i Q.)
Përderisa banorët e Ferizajt janë pajtuar me këtë gjendje, kjo po del të jetë e papranueshme për mërgimtarin Mustafë Mustafa, i cili ka ardhur për pushime në vendlindje. Por, ai thotë se me tu kthyer në Francë, është i detyruar që të shkojë tek mjeku i syve, meqë pluhuri i këtushëm po i’a dëmton sytë. Ai ankohet se ecja nëpër qytet edhe këpucët e reja i bën të duken të vjetruara, sikur të ishin të para disa dekadave.
“Unë jetoj në Francë, po këtu edhe për sy është keq për mua, se kur po çohet pluhuri po duhet me shku te mjeku atje menjëherë. E kam shtëpinë pak ma poshtë, derisa të shkoj atje, krejt pluhur. E në Francë nuk i pastroj kurrë, i blej e shkoqen e nuk i pastroj hiç. Në Francë ma e fshine është rruga se shtëpia, e këtu mos vet valla“, u shpreh mërgimtari Mustafa.
Kurse një punonjës i një autolarjeje në këtë rrugë, prapa kamerës tha se ka muaj që nuk ka parë ndonjë automjet duke e pastruar këtë rrugë.
“Na pengon shumë, duhet kjo rrugë me u pastru çdo mbrëmje e në mëngjes, por kjo a është pastru një herë në vit ajo”, tha punëtori i autolarjes.
Drejtori i Shërbimeve Publike në Ferizaj, Arben Halili, përmes telefonit deklaroi se shërbimet komunale çdo ditë po e pastrojnë rrugën “Tahir Sinani”, mirëpo ajo prapë po bëhet me baltë shkaku i punimeve në projektin “Bashkimi i Qytetit”. Autoritetet komunale të Ferizajt ende nuk kanë bërë të ditur nëse inspektorati i kësaj komune ka shqiptuar ndonjë gjobë për baltosjen e rrugës “Tahir Sinani”, e cila në kohë të vizitave nga mërgimtarët , ka një frekuentim të shtuar të automjeteve dhe këmbësorëve.
Prokuroria Themelore në Ferizaj ka bërë të ditur se është dërguar në mbajtje për 48 orë i arrestuari V.A., i dyshuar për vrasjen e ish gruas (21 vjeçe) dhe plagosjen e vëllait të mitur (15 vjeç) të viktimës.
Sipas prokurorisë, dorasi dyshohet për veprën penale “vrasja”, ndërsa brenda afatit ligjor ndaj të dyshuarit do të parashtrohet edhe kërkesa për caktimin e masës së paraburgimit.
“I dyshuari në këtë rast, me iniciale V.A., me vendim të Prokurorit të Shtetit, është ndaluar në kohëzgjatje prej 48 orësh, për shkak të dyshimit të veprës penale “Vrasja” sipas Kodit Penal të Republikës së Kosovës”.
Ngjarja e rëndë ndodhi pasditen e sotme, rreth orës 14:40, në Qendrën për Punë Sociale në Ferizaj, kurse i dyshuari është arrestuar rreth orës 15:15.
Si pasojë e të shtënave, viktima 21 vjeçare ka ndërruar jetë në vendin e ngjarjes, kurse i plagosuri, vëllai i viktimës, i moshës së mitur është dërguar në Qendrën Emergjente në Ferizaj.
Mjeku kujdestar, Sefedin Fazliu tha se i plagosuri është pranuar me plagë shpuese nga arma e zjarrit në parakrahun e djathtë dhe pas intervenimit kirurgjik i është hequr plumbi .
Më pas, pacienti është transferuar për trajtim në repartin e ortopedisë në spitalin e Ferizajt, tha Fazliu.
-
Ferizaj4 days agoVritet një grua dhe plagoset një burrë në Qendrën për Punë Sociale në Ferizaj
-
Ferizaj4 days agoVrasja në Ferizaj – I arrestuari është ish-bashkëshorti i viktimës
-
Ferizaj4 days agoI dyshuari për vrasjen dhe plagosjen në Ferizaj dërgohet në mbajtje për 48 orë
-
Kosovë4 days agoAktakuzë ndaj 16 personave për ryshfet, mashtrim e keqpërdorim detyre në rastin “Subvencionet 6”
-
Kosovë1 week agoKaloi në përjetësi shkrimtari dhe intelektuali i shquar, Fadil L. Curri
-
Kosovë1 week agoManifestimi qendror i Fitër Bajramit mbahet në Xhaminë e Madhe në Prishtinë
-
Ferizaj16 hours agoArrestohet një person i kërkuar në Ferizaj
-
Kosovë15 hours agoGruaja e vrarë sot në Pejë, punonte si asistente stomatologjike
-
Kosovë10 hours agoPolicia shpall në kërkim xhudistin kosovar Akil Gjakova
-
Kosovë9 hours agoPresidentja Osmani e shpallë të mërkurën ditë zie shtetërore