Vaksinimi kundër gripit sezonal nuk
ka filluar ende nëpër qendrat e shëndetit publik në Ferizaj, për dallim prej
viteve të kaluara kur kjo vaksinë jepej në këtë muaj.
Në Qendrën e Vaksinimit në Ferizaj,
thonë se kjo ka ndodhur për shkak të mosfurnizimit me këtë lloj të vaksinave. Mjekja
Drit Nazifi-Emini, thekson se po presin që furnizimi me këto vaksina të bëhet
gjatë muajit nëntor.
“Vaksinimi kundër gripit pritet të filloj nga muaji nëntor, këto
informacione janë nga Instituti Kombëtar
i Shëndetësisë, këtë vit ka vonesë në krahasim me vitet e tjera që ka qenë
muaji tetor i vaksinimit, por besoj që të gjithë pacientët do të jenë të
njoftuar se në muajin nëntor do të filloj dhënia e kësaj vaksine”, tha Drita Nazifi-Emini.
Nazifi-Emini, tregon se kush duhet ta marrë
këtë vaksinë dhe kush jo.
“Vaksinimi është një hap shumë i mirë për të krijuar një imunitet
tek fëmijët e pacientët, për të
përballuar çdo sëmundje apo ndonjë sëmundje më e rëndë që mos t’iu bie
imuniteti që është shumë i rëndësishëm. Arsyeja që i nxitë pacientët që të
marrin vaksinën e gripit është që të përballojnë lehtë infeksionet sezonale,
një grip mund ta rëndoj gjendjen e tyre shëndetësore, por vaksinimi i lehtëson
disa probleme. Vaksina e gripit është e
paraparë për moshën e shtyrë, por ka raste të ndryshme edhe pse dallon grupmosha
në bazë të gjendjes shëndetësore ka raste edhe mbi 40 vjeç, ndërsa ndalimi i
marrjes së kësaj vaksine është tek moshat e reja, por edhe pacientët që janë me
terapi të rëndë siç është me kimioterapi dhe nuk ështe e lejuar tek këta persona marrja e kësaj
vaksine”, tha
Nazifi-Emini.
Derisa në Qendrën e Vaksinimit në
Ferizaj është kryer vetëm ky shërbim, doktoresha Emini-Nazifi, tha se tani kanë
filluar edhe me kontrollet e rregullta të pacientëve.
“Tani kemi filluar që në shërbimin e vaksinimit të kryhet edhe një
shërbim i cili përfshin vizitat e rregullta të pacientëve që vijnë për
vaksinim. Nga nisja e këtij shërbimi kemi hasur tek disa raste që pacientët
kanë ardhur vetëm për vaksinim, por kemi vërejtur që kanë probleme të shumta
fëmijët dhe është e ndaluar vaksina duke e rekomanduar për trajtim tjetër para
se të marrë imunizimin”, tha Nazifi-Emini.
Megjithatë, vaksinimi kundër gripit
sezonal tashmë ka filluar tek nxënësit e shkollave fillore dhe të mesme.