Ferizaj

Dhurohen topa për shkollat e Ferizajt

Published

7 years ago

10 December, 2019

Dëshira për t’u marrë me futboll dhe për t’u bërë një lojtar i shkëlqyer nis qysh nga shkolla filllore.

Zbulimin e talentëve të futbollit që në moshë të hershme e ka për synim trajneri i klubit të futbollit “Vizioni” në Ferizaj, Qerim Shaqiri, i cili mori inciativë që të dhuroj 40 topa për disa shkolla të Ferizajt dhe një të Shtimes.

Shaqiri, thotë se kjo iniciativë erdhi duke e parë gjendjen e rëndë në të cilën ndodhen shkollat e Ferizajt sa i përket lëndës së edukatës fizike. Ai tha se topat janë të shfrytëzuar, por që janë kualitativ.

“Fillimisht diku 5 topa i kam dërgu në shkollën në Petrovë të Shtimes dhe kjo inciativë është marrë bashkë me Ahmet Petrovën i cili dërgoi disa ekzemplarë të romanit të Bardh Frangut dhe duke iu bashkëngjitur atij karavani të shpërndarjes së romanit mora inciiativën që edhe unë të dërgoj disa topa të cilët janë të shfrytëzuar 30%. Më pas kam fillu brenda shkollave të qytetit, në shkollën ”Astrit Bytyqi” i kam dërguar 5, 5 topa i kam dërguar në ”Vezir Jashari”, njëjtë i kam dërguar edhe në “Gjon Serreçi”, po ashtu edhe në shkollën në Bibaj dhe shkollën “Naim Frashëri” atje kam dërguar më shumë pasi është shkollë e bashkëngjitur nëse nuk gabohem“, tha Shaqiri.

Shaqiri, tha se këta topa i janë sjellur atij nga miq që jetojnë ne diasporë.

“Duke marrë parasysh gjendjen nëpër të cilën po kalon arsimi, përkatësisht arsimtarët e edukatës fizike dhe shëtitjet që i bëjë nëpër shkolla duke mbledhë talentë dhe talente e kam parë që gjendja është e keqe sa i përket rekuizitave të topit dhe kjo më ka shtyrë që të ndërmarrë këtë inciativë. Realisht nuk e kam fuqinë të bëj një donacion të tillë, pasi unë ekzistoj vetëm me lojën e futbollit, por për me ndihmu dikënd duhet me lënë keq diçka. Këta topa i kanë sjellur shokët e mi nga diaspora dhe janë topa kualitet që unë i falënderoj ata që më kanë ndihmuar dhe atë donacion unë e kam përcjellur, nuk kam dashur ta mbajë në sirtarët e klubit”, tha Shaqiri.

E, për gjendjen në të cilën janë shkollat e Ferizajt sa i përket mjeteve të edukatës fizike, tregon arsimtari i kësaj lënde Rrahman Kurti. Kurti tha se në shkollën fillore “Gjon Serreçi”,një vit nuk kanë pasur top të futbollit.

“Do të falënderoj trajnerin Qerim Rusi, i cili ka marrë iniciativë që t’ua dhuroj shkollave nga 5 topa dhe ne e kemi pitur shumë me dëshirë, pasi shkollat ku punojmë ne po kemi shumë telashe me rekuizitat sportive, e në veçanti me topa të futbollit e volejbollit. Unë punoj edhe tek shkolla ”Gjon Serreçi”, atje ka shkuar 1 vit dhe nuk kemi pasur asnjë top, ka qenë shumë problematike për ne pasi ka qenë dashtë të marrim nga shtëpia topa dhe kemi mbajtë orën ashtu siç kemi mundur”, tha Kurti.

Probleme me mungesën e pajisjeve të nevojshme për lëndën e edukatës fizike kanë shumica e shkollave të komunës së Ferizajt.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

12 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 day ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar