Ferizaj

Marrëveshja e re me probleme të vjetra

Published

7 years ago

11 December, 2019

Në fund të muajit shtator komuna e Ferizajt ka nënshkruar marrëveshje me organizatën ”Caritas Kosova” për punësimin e stafit mjekësor nëpër institucionet shëndetësore, mirëpo si duket kjo marrëveshje ka rikthyer telashet e punëtorëve shëndetësor të punësuar përmes kësaj marrëveshje. Ata vazhdojnë të kenë probleme me paga, madje ka edhe prej atyre që nuk kanë as kontrata pune.

Drejtori i Shëndetësisë dhe Mirëqenies Sociale në Ferizaj, Bekim Ademi, tha se nënshkrimi i kontratave ka filluar këto ditë, kurse për paga njoftoi se në fillim të vitit do t’i kryejnë obligimet financiare ndaj “Caritas-it” në mënyrë që ai t’ua shpërndaj pagat punëtorëve.

“Këto kontrata janë në përpilim dhe këto ditë janë duke i nënshkruar, kurse për paga, personeli i cili ka punuar dhe nuk është paguar, me fillim të vitit, me alokimin e mjeteve që do të bëhet nga Qeveria e Kosovës ne do të kryejmë pagesat dhe obligimet ndaj operatorit “Caritas” dhe besoj se edhe “Caritas”-i do të jetë në gatishmëri për pagesën e këtyre pagave pasi punëtorët tanë nuk do të mbesin asnjëherë pa pagesë për punën e bërë. Do të jemi të kujdesshëm në këtë pikë, në vitin kur kam ardhë unë kam gjetur borxhe ndaj punëtorëve, por nga ardhja ime deri në nënshkrimin e kësaj kontrate punëtorët shëndetësor që kanë qenë me kontrata në vepër dhe personeli tjetër asnjëherë nuk iu kanë munguar pagat, kurse tani kujdeset “Caritas”-i dhe pagesat i kryen “Caritas”-i, por ne do të jemi të kujdesshëm dhe do të kërkojmë nga operatori që të jetë i kujdesshëm në raport me pagat e punëtorëve tanë shëndetësor”, tha Ademi.

Sa u përket mungesës së barnave dhe materialeve tjera shpenzuese nëpër qendrat e mjekësisë familjare në Ferizaj, drejtori Ademi tha se ky problem do të marrë fund vetëm atëherë kur të bëhen sigurimet shëndetësore.

“Është problem t’i pajisim me barna njësitet tona pasi kjo nuk zgjidhet me buxhetin tonë, kjo zgjidhet vetëm me sigurimet shëndetësore dhe përderisa nuk bëhet kjo këto telashet për sigurimin e barnave do të jenë në vazhdimësi, ne jemi kujdesur edhe me buxhetin tonë komunal t’i mbulojmë ato barna shëndetësore që nuk i ka sjellur Ministria e Shëndetësisë që t’i mbulojmë me buxhetin tonë, por zgjidhja do të jetë vetëm në rast se bëhen sigurimet shëndetësore”, tha Ademi.

Duke raportuar për punën e kësaj drejtorie gjatë këtij viti, Ademi tregoi edhe për projektet që po synojnë t’i realizojnë.

“Në filim të vitit 2020 ne do të hapim edhe QMF në Dardani, ku në kuadër të saj pos mjekut dhe stafit infermierik do të jenë të pranishëm edhe stomatologu dhe laboranti. Po ashtu, i kemi bërë përgatitjet për ndërtimin e dy qendrave të tjera, njëra në Softaj dhe tjetra në rrugën “Kadri Zeka”, po ashtu në vitin 2020 kemi marrë vendim që nga viti i ardhshëm të gjithë fëmijët e sëmurë me diabet do t’iu sigurohen qysh në fillim të vitit insulina, trakat, reagencat dhe këta fëmijë nuk do të shkojnë më privat për t’i kryer këto shërbime”, tha Ademi.

Kurse për sektorin e mirëqenies sociale, drejtori Ademi tha se për vitin 2020 kanë në plan të krijojnë një fond për mbështetje momentale, fond ky që do t’u dedikohet viktimave të dhunës në familje, familjeve që strehojnë fëmijë, e të tjera.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

6 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

7 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

1 week ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar