Ferizaj

Përmes librit ”Dora e artë” nxënëset synojnë t’i ndihmojnë familjet në nevojë

Published

6 years ago

11 December, 2019

Në shkollën fillore “Gjon Serreçi” në Ferizaj është bërë promovimi i librit me poezi i titulluar “Dora e artë” e shkruar nga 8 nxënëse të klasës së pestë në këtë shkollë. Agnesa Zeqiri, Berna Gashi, Harea Reka, Vanesa Zejnullahu, Aljesa Aliu, Erda Ahmeti, Malvina Sopa dhe Viola Isufi, këtë iniciativë e morën për qëllime bamirësie, ku paratë nga shitja e librit do të shkojnë për dy familje me gjendje të rëndë ekonomike në komunën e Ferizajt.

“Ne kemi dashur t’i ndihmojmë ata që kanë nevojë dhe kemi zgjedhur dy familje, përkatësisht dy nëna që janë vetëushqyese. Libri ka poezi laramani, të gjitha janë të ndryshme. Ne nuk i kemi shikuar këto poezi vetëm se si janë, i kemi shkruar ato sepse kemi dashur t’iu ndihmojmë atyre që kanë nevojë”, tha Malvina Sopa.

“Ne këto libra duam t’i shesim në shkolla të ndryshme për shkak që një familje është në nevojë. Është një nënë vetëushqyese që ushqen fëmijë. Libri do të shitet në mënyrë të caktuar. Kemi bërë poezi të ndryshme, për shkollën, nënën, fëmijët, 1 qershorin e shumë tema të ndryshme. Secila kemi marrë mendime së bashku dhe kemi shkruar poezitë”, tha Harea Sopa.

“Libri përmban poezi që i kemi shkruar me shumë përkushtim për t’iu ndihmuar atyre që kanë nevojë. Nëse nuk do të kishte dalë mirë i gjithë ai mund që kemi bërë do të kishte shkuar huq”, tha Agnesa Zeqiri.

Drejtori i shkollës “Gjon Serreçi”, Nazmi Heda, tha se bashkëpunimi i nxënësve për botimin e këtij libri është shembull konkret për të ecur përpara të bashkuar.

“Këtu përshkruhen dhe jepen shqetësime të këtyre fëmijëve në moshë kaq të njomë rreth proceseve jetësore duke përfshirë këtu edhe traditën, por natyrisht duke e gërshetuar edhe me modernen sot në jetën të cilën ne bashkëjetojmë dhe bashkëveprojmë me këta nxënës. E mira e kësaj është që fëmijët bëjnë hapat e parë në artin letrar, madje arti letrar i kapërcen edhe kufijtë ashtu siç i ka kaluar edhe shkrimtari i madh Ismail Kadare dhe ne shpresojmë që edhe hapave të Kadares dhe shkrimtarëve të tjerë të mëdhenj do të ecin edhe këta fëmijë të tjerë që i kemi sot këtu përballë të cilët sot na gëzojnë me këtë libër dhe me një emër simbolik “Dora e artë”, u shpreh Nazmi Heda.

Ndërsa, prindërit u shprehën krenarë për fëmijët e tyre dhe zemërgjerësinë e tyre në këtë moshë kaq të re.

“Jam shumë krenare në këtë ditë sot sepse jam njëra nga prindet që autore e ka edhe vajzën aty, mirëpo është tjetra që kjo ditë është bërë më madhështore, sepse talenti i fëmijëve të kësaj moshe dhe zemërgjerësia e tyre na bën të ditur dhe na bën krenarë të jemi për një të ardhme e cila do të jetë e ndritshme për nga dija, por edhe humanitare shumë për nga zemërgjerësia. Libri nuk është kot i quajtur “Dora e artë” sepse një dorë është edhe një dorë që shkruan, dora është një dorë që merr librin dhe lexon, por dora e artë është edhe një dorë që kontribuon për një të mirë njerëzore kështu që sot është një ditë pak më e veçantë se ditëve të tjera dhe nuk di se çka të them”, tha Aglentina Lubishtani-Reka.

Autoret shpresojnë që me këtë libër do t’iu japin kurajo edhe fëmijëve të tjerë që duan shkrimin, të marrin guximin dhe ta paraqesin në letër.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

2 days ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

3 days ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”

Ferizaj

Sekuestrohet një revole me municion dhe shurdhues në Ferizaj

Published

6 days ago

04 May, 2026

Redaksia

Një person është shoqëruar në stacionin policor në Ferizaj pas një kontrolli në shtëpinë e tij, ku janë gjetur dhe sekuestruar një pistoletë me gaz, pesë fishekë dhe një shurdhues i armës së zjarrit.

Në raportin 24 orësh të policisë bëhet e ditur se rasti ka ndodhur mëngjesin e së dielës, më 3 maj 2026, rreth orës 8:30 në rrugën “Gucia” në Ferizaj .

Me vendim të prokurorit pas intervistimit, rasti vazhdon të hetohet në procedurë të rregullt.