Ferizaj

Gjoba për personat që nuk i rregullojnë rrugët të cilat i dëmtojnë gjatë punimeve

Published

7 years ago

15 January, 2020

Rrugët publike të Ferizajt shpeshherë po dëmtohen pas ndërhyrjes në to nga kompani të ndryshme të ndërtimit apo edhe vet qytetarë. Për këtë çështje, drejtori i Infrstrukturës në komunën e Ferizajt, Arbër Bytyçi, tha se është obligim i të gjithë atyre që ndërhyjnë në to t’i kthejnë në gjendjen e mëparshme.

“Është obligim i secilit që ndërhynë qoftë person fizik, person juridik, kompani e ndryshme që ta kthej komplet gjendjen ku bëhet intervenimi, ta kthej në gjendjen e mëparshme në bazë të ligjeve dhe rregulloreve në fuqi. Çdo prishje më pas nga ajo ose çdo mosrregullim, moskthim i gjendjes së mëparshme sanksionohet me gjoba nga inspektorati i komunës së Ferizajt dhe inspektoratet e Republikës së Kosovës, kjo është e rregulluar me ligjet në fuqi të Republikës së Kosovës”, tha Arbër Bytyçi.

Njëra ndër kompanitë që është duke bërë ndërhyrje në rrugët e Ferizajt është edhe KEDS, e cila është duke vendosur linja të reja nëntokësore të energjisë elektrike. Për ndërhyrjet në to, Bytyçi tha se duhet të përkujdeset KEDS-i.

“Punët janë duke u kryer, ne u kemi lëshuar lejet në bazë të rregulloreve në fuqi që janë. Drejtoria e Urbanizmit u ka lëshuar leje për realizimin e këtij projekti, gjegjësisht këtij investimi, mbetet në përgjegjësinë e KEDS-it në ato zona ku bëjnë intervenime, gjegjësisht ndërhyrjet në rrugë, kthimin edhe në gjendjen e mëparshme, është obligim i KEDS-it në kuadër të lejes që i kemi lëshuar. Është investim shumë i rëndësishëm për qytetin dhe qytetarët e Ferizajt. Po besoj që tashmë edhe për shkak të kushteve atmosferike në disa zona nuk janë kthyer, mirëpo pas përmirësimit të kushteve atmosferike, KEDS-i do të vazhdoj me dinamikën e paraparë të punimeve. Po ashtu, kemi formuar edhe një komision profesional për mbikëqyrjen e punëve ndërtimore se a do të kthehen apo nuk do të kthehen në gjendjen siç kanë qenë rrugët të cilat dëmtohen nga punimet që i zhvillon KEDS-i”, tha Arbër Bytyçi.

Ndërsa, zëdhënësi i KEDS-it, Viktor Buzhala, përmes telefonit tha se KEDS-i do të bëj asfaltimin e rrugëve në të cilat ka ndërhyrë gjatë punimeve me fillimin e ngritjes së temperaturave.

“Po, sigurisht, KEDS-i të gjitha rrugët në të cilat i ka hapur kanalet do t’i kthej në gjendjen e mëparshme, por këto fatkeqësisht nuk jemi në sezonën kur mund të shtrohet asfalt, mirëpo me të ardhur sezona, përkatësisht andej nga fillimi i ngrohjes së kohës ne sigurisht që do t’i kthejmë të gjitha në gjendjen siç kanë qenë më herët. E kemi bërë mbylljen e përkohshme për disa për shkak se ka pasur ankesa të shumta, mirëpo nuk mund ta bëjmë mbylljen e përhershme të këtyre për shkak se është situata se si është, është stina e ftohtë ku nuk preferohet të shtrohet asfalt dhe sigurisht që me të ardhur koha e ngrohtë ne do të veprojmë”, tha Viktor Buzhala.

Në Drejtorinë e Infrastrukturës në Ferizaj, njoftuan se të gjitha kompanitë apo qytetarët që ndërhynë nëpër rrugë publike gjatë kryerjes së punëve të ndryshme do të gjobiten nëse nuk i rregullojnë rrugët siç kanë qenë.

Ferizaj

Në Ferizaj raportohen katër bankënota të dyshuara nga 500 €

Published

20 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

20 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.