Arsim

Pensionohet mësuesja Elife Rama

Published

4 years ago

15 January, 2020

Sot është dita e fundit që mësuesja Elife Rama nga Ferizaj do ta kap ditarin për të shkuar në klasë. Pas 44 vjet pune si mësuese në shkollën “Tefik Çanga”, ajo sot u pensionua dhe ndarjen nga nxënësit e përjetoi shumë rëndë.

“Kur t’iu merr malli, vetëm u thuani prindërve të më bëjnë një telefonatë dhe mësuesja vjen“, u tha ajo nxënësëve.

Rama thotë se nga nga viti 1975 i ka pëcjellur 10 gjenerata. Për të shkolla ka qenë shtëpi e dytë.

“E kam jetuar punën, kam qenë shumë e lumtur me çdo klasë, nxënësit kanë qenë gjithmonë të mirë, përveç ajo e viteve 90-ta nuk më ka dalë nota e klasës e mirë pasi ajo gjeneratë kanë dalë jashtë dhe kanë qenë helmimet, nga tërë këto vite vetëm ajo klasë nuk më ka dalë e mirë. Si kam hyrë në oborrin e shkollës, kam hyrë në oborrin e shtëpisë së dytë, i kam përjetuar nxënësit si fëmijët e mi, kam kaluar shumë mirë, pak vështirë me dalë, por kështu e kërkon rendi“, shprehet Rama.

Ndarjen nga mësuesja e tyre nuk e patën të lehtë as nxënësit që vijojnë mësimet në klasën e tretë.

“Kam kalur shumë mirë, do të më marr malli për të”, tha Reisa Bytyqi.

“Do të na mungoj mësuesja, e kam dashur shumë, kam kaluar shumë mirë”, tha Ben Hoti.

“Shumë e kam dashur mësuesen, ajo gjithmonë më ka thirrë o djali i mësueses”, tha një nxënës tjetër.

Edhe kolegët e mësueses Rama, patën fjalë të mira për të.

“Është njëra ndër mësueset që ia vlen të flitet shumë, kemi punuar afër 35 vite me të dhe nuk ka fjalë të përshkruhet për të”, tha Muhamet Dërguri, mësues.

Kurse, drejtori i shkollës “Tefik Çanga”, Basri Hasani, thotë se mësuesja Elife Rama ka lënë gjurmë të pashlyeshme në këtë godinë shkollore.

“Ajo këtu ka qenë një mësuese model, e përkushtuar, entuziaste, gjithëherë e përgatitur dhe përherë në shkollë ka sjellë një energji pozitive, unë si drejtor shkolle jam shumë i lumtur që kam pas rastin të punoj me të. Ajo do t’i mungoj shkollës pasi ka lënë gjurmë dhe nuk do të jetë lehtë të fshihen ato gjurmë”, tha Basri Hasani.

Për nder të daljes në pension të mësueses Elife Rama, nxënësit dhe kolegët e saj kishin përgatitur një ceremoni për ta falënderuar për punën e bërë gjatë këtyre viteve.

Sipas SBASHK-ut, mesatarisht numri i mësimdhënësve që pensionohen në Kosovë brenda një viti shkollor nga sistemi parashkollor deri në atë universitar është 650.

Arsim

Të enjten në Ferizaj ndihmohen prindërit për aplikim për subvencionimin e librave

Published

8 months ago

30 August, 2023

administrator

Shumë prindër kanë pas telashe me aplikimin në E-Kosova për subvencionimin e librave për nxënës.

Sektori i Rinisë në Ferizaj njofton se të enjten e 31 gushtit do të ofroj ndihmë për prindërit në mënyrë që të aplikojnë për subvencionet.

Ndihma në aplikim organizohet në Galerinë e Arteve në Ferizaj nga ora 11:00 deri në ora 13:00.

Vullnetarët e këtij sektori janë ata që do të ndihmojnë prindërit në aplikim.

Postimi i plotë i Sektorit të Rinisë në Ferizaj:

Prinder te dashur nese ende keni nevoj per aplikim per suvencionimin e librave dhe po vazhdoni te keni veshtiresi teknike. Ne vullnetaret e Sektorit te Rinise/Qendres Rinore Eltion Isufi,Eris Shabani,Yll Reshani. Neser me date 31.08.2023 nga ora 11-13 ju ofrojm ndihmen tone teknike.

Arsim

Në E-Kosova hapet platforma për subvencionimin e librave shkollorë

Published

8 months ago

25 August, 2023

administrator

/REL/Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre.

Një ditë më parë, ministrja e Arsimit, Shkencës, Teknologjisë dhe Inovacionit e Kosovës (MASHTI), Arbërie Nagavci, njoftoi se për nxënësit nga klasa e parë deri në klasën e pestë do të ndahen nga 80 euro, ndërsa për ata nga klasa e gjashtë deri në klasën e nëntë nga 30 euro.

Për t’i siguruar këto para për blerjen e teksteve shkollore, prindërit do të duhet të aplikojnë përmes platformës E-Kosova në këtë link.

Duke iu drejtuar prindërve të nxënësve fillorë, përmes një videoje në llogarinë e saj në Facebook, Nagavci tha se “mjetet do të dalin në xhirollogaritë tuaja që nga fillimi i javës së ardhshme.”

Në të kaluarën, MASHTI i ka shpërndarë falas librat për nxënësit e shkollave fillore nga viti 2008.

Por, Nagavci njoftoi në fillim të kësaj jave se ka ndryshuar mënyrën e shpërndarjes së teksteve shkollore, për shkak të dështimit të marrëveshjes me shtëpitë botuese për furnizimin e shkollave me libra, për faktin se, sipas saj, shtëpitë botuese kanë ofertuar çmime shumë më të larta se ato që i vendosin në libraritë e tyre.

Për rrjedhojë, Ministria do t’u deponojë prindërve të nxënësve mjete në llogari, në mënyrë që ata t’i blejnë vetë librat.

Ky vendim i ministres Nagavci është kundërshtuar nga opozita, e cila e ka kërkuar dorëheqjen e saj, si dhe nga vetë Këshilli i Prindërve i Kosovës.

Arsim

Më shumë se gjysma e nxënësve ferizajas patën rezultat negativ në testin e arritshmërisë vitin e kaluar

Published

1 year ago

29 March, 2023

administrator

Më shumë se gjysma e nxënësve që mbaruan klasën e nëntë më 2022 patën rezultat negativ në testin e arritshmërisë.

Sipas të dhënave nga Drejtoria e Arsimit të Ferizajt, 53.4% e këtyre nxënësve apo 896 nga ta patën rezultat negativ kurse 46.6% apo 780 nxënës patën rezultat pozitiv.

Më mirë në rezultate qëndrojnë maturantët ferizajas të cilët në afatin e parë rezultat pozitiv patën 77.8% e tyre e 22.2% patën rezultat negativ.

Edhe në afatin e gushtit, ku në provimin e maturës hynë 309 maturantë, 186 nga ta patën rezultat pozitiv kurse 123 negativ.