Ferizaj

Inspektorati i Ferizajt paraqet sfidat dhe të arriturat gjatë vitit 2019

Published

6 years ago

05 February, 2020

Kryeinspektori në komunën e Ferizajt Ridvan Berisha, në një konferencë për media ka paraqitur të arriturat e viti 2019 dhe objektivat për vitin 2020. Ndër njësitë e këtij sektori që kanë ndërmarrë aksione gjatë vitit të kaluar janë inspektorët veterinarë dhe ata të ndërtimit.

“Në Ferizaj kemi 3 sektore të licensuara ku çdo mëngjes inspektohet mishi në stallë gjatë therrjes dhe pas therrjes dhe i njëjti damkoset, lëshohet certifikatë mbi gjendjen shëndetësore, e njëjta garanton që ky mish lejohet për konsum të lirë. Kanë kontrolluar gjithsejt brenda vitit 2019, 880 krerë, të cilët kalkulohen me 5 euro për krerë, kanë arritur 4400 euro shuma totale, kanë konfiskuar dhe asgjësuar gjithsejt 1372 kilogram mushkëri gjedhi. Sektorët e ndërtimit, proces verbale të hartuara 94, vendime për ndërprerje të punimeve 20, gjoba mandatare 18, lëndë për procedurë kundërvajtëse 3, vendim për rrënim 4, ankesa dhe kërkesa 30 të kryera, mbyllje të punishteve me shirit dhe shenjë 20, rrënime 2, kallëzim penal e kemi 1. Gjithsej inspektime të kryera I kemi 280. Janë 4 vendime për rrënime, por I kemi rrënuar vetëm 2, arsyeja ka qenë mungesa e kontraktimit e një kompanie për rrënimin e tyre, ato të dyja që I kemi rrënuar janë me eskavator të ndërmarrjes “Pastërtia”, por në momentin që do ta kontraktojmë do të I rrënojmë edhe ato të vendime të shkruara nga inspektorët komeptent”, tha Ridvan Berisha.

Gjatë konferencës, Berisha përmendi edhe inspektimet sanitare nëpër shkolla të cilat janë në proces e sipër, e gjithashtu theksoi edhe inspektimin e matjes së freskisë së vajit.

“Për herë të parë vitin e kaluar ne e jemi të parët që kemi filluar me aparaturën që e kemi siguruar nga jashtë shtetit për matjen e freskisë së vajit. Ka qenë shumë produktive, shumë e nevojshme duke pasur parasysh se ju jeni dëshmitarë, ne kur kemi filluar inspektimin ka qenë trefish më I ngarkuar sesa vlera normale e lejuar, domethënë ka qenë trefish vaji I djegur më shumë sesa duhet si pasojë e mosdijes së bizneseve, sepse është ndërruar vaji tre deri në katër ditë, tani kemi ardhur në përfundim me hulumtimet qëi kemi bërë që çdo 24 orë të ndërrohet vaji dhe kemi bërë inspektime të vazhdueshme, kemi arritur ta kthejmë në gjendjen e freskisë së vajit në nivelin e lajuar”, tha Ridvan Berisha.

Për këtë vit, Berisha tha se inspektorati komunal do të ndërmarrë masa intensivisht edhe ndaj pirjes së duhanit në ambiente të mbyllura, gjë që është e ndaluar me ligj.

Ferizaj

Lëndohen tre policë gjatë arrestimit të sulmuesit 16 vjeç në Ferizaj

Published

2 days ago

10 July, 2026

Redaksia

Policia e Kosovës ka njoftuar se gjatë arrestimit të të miturit me inicialet P.GJ (16 vjeç), i dyshuar për therje të dy personave mëngjesin e sotëm në Ferizaj, janë lënduar tre zyrtarë policor ku njëri prej tyre është goditur me thikë në pjesën e qafës.

Sipas policisë, pas kontrollit ë banesën e të dyshuarit dhe më pas në një adresë në fshatin Greme, policia ka arritur ta lokalizojë atë.

“Me të arritur në vendngjarje, i dyshuari ka refuzuar t’u bindet urdhrave policorë, duke mbajtur një thikë në dorë, ka sulmuar zyrtarët policorë me gurë dhe mjete të forta, si dhe është vërsulur ndaj tyre me thikë.

Gjatë ndërhyrjes, nëna e tij ka penguar zyrtarët policorë në kryerjen e detyrës zyrtare.

Në një moment, i dyshuari ka marrë një shishe me benzinë dhe ia ka hedhur vetes mbi trup, duke vazhduar t’i kërcënojë policët me thikë dhe duke mos lejuar afrimin e tyre.

Gjatë përpjekjeve për vënien e tij nën kontroll, tre zyrtarë policorë kanë pësuar lëndime, ndërsa njëri prej tyre është goditur me thikë në pjesën e qafës.

Pas ndërhyrjes policore, i dyshuari me inicialet P.GJ (16 vjeç) është vënë nën kontroll dhe është arrestuar së bashku me nënën e tij D.GJ (47 vjeçe).

Gjithashtu është sekuestruar edhe thika, e cila dyshohet se është përdorur në sulmin ndaj qytetarëve”, ka njoftuar policia.

Në përditësimin e fundit, thuhet se në sulmin që ndodhi rreth orës 07:53, në rrugën ‘Dëshmorët e Kombit’, në afërsi të Postës Qendrore në Ferizaj, mbetën të plagosur dy qytetarë, të cilët u dërguan për trajtim mjekësor në Spitalin e Ferizajt.

Njëri nga të plagosurit, I.M. 81 vjeç, ishte therur në fytyrë dhe në gjymtyrë, ndërsa i plagosuri tjetër, një zyrtar i degës së Postës së Kosovës në Ferizaj, pas trajtimit mjekësor është liruar për në shtëpi.

Në njoftimin e Prokurorisë në Ferizaj, i dyshuari me vendim të Prokurorit të Shtetit është ndaluar në kohëzgjatje prej 24-orësh, për shkak të dyshimit se i njëjti ka kryer veprat penale “Sulmi ndaj personit zyrtar” dhe “Vrasja në tentativë”.

Ferizaj

Arrestohet i dyshuari për plagosjen e dy personave me thikë në Ferizaj

Published

2 days ago

10 July, 2026

Redaksia

Është ndaluar një person, i mitur, i dyshuar për rastin e sulmit dhe therjes me thikë të dy personave të tjerë, mëngjesin e sotëm në Ferizaj.

“Rasti ka ndodhur sot, më datën 10.07.2026, rreth orës 07:53, në rrugën ‘Dëshmorët e Kombit’, në afërsi të Postës Qendrore në Ferizaj, ku, sipas informatave fillestare, dyshohet se i mituri ka sulmuar me mjet të mprehtë (thikë) dy persona të tjerë” , njoftoi Prokuroria.

Të lënduarit janë dërguar për trajtim mjekësor në Emergjencën e Ferizajt.

Sipas informacioneve të fundit, njëri nga të plagosurit, I.M 81 vjeç, ka pësuar therje të rëndë në fytyrë dhe në gjymtyrë, ndërkaq i plagosuri tjetër, një zyrtar i degës së Postës së Kosovës në Ferizaj, pas trajtimit mjekësor në Emergjencën e Spitalit është liruar për në shtëpi.

Ferizaj

Arratiset i dyshuari për plagosje me thikë të dy personave në Ferizaj

Published

2 days ago

10 July, 2026

Redaksia

Një person dyshohet se ka sulmuar dhe therur me thikë dy të tjerë mëngjesin e sotëm afër objektit të postës qendrore në Ferizaj.

Të lënduarit janë dërguar për trajtim mjekësor në Emergjencën e Ferizajt, kurse i dyshuari është arratisur nga vendi i ngjarjes.

Policia bëri të ditur se është në kërkim intensiv për të dyshuarin dhe se po shikohen kamerat për të ndihmuar në identifikimin e të dyshuarit dhe sqarimin e rrethanave të rastit.

“Sot, rreth orës 07:50, kemi pranuar informatën se në rrugën “Dëshmorët e Kombit”, në afërsi të Postës Qendrore në Ferizaj, ka ndodhur një incident, ku një person dyshohet se ka sulmuar dy persona me mjet të mprehtë (thikë), të cilët janë transportuar për trajtim mjekësor në Emergjencën e Ferizajt, pasi kanë marrë ndihmën e parë në vendin e ngjarjes nga ekipet mjekësore. I dyshuari është larguar nga vendi i ngjarjes në drejtim të panjohur”, njoftoi Policia.