Ferizaj

Adea Halili nesër mban koncert në teatrin ”Adriana”

Published

6 years ago

10 February, 2020

Për të treguar mësimet që ka marrë për instrumentin e pianos, nxënësja e shkollës së muzikës “Çesk Zadeja” në Ferizaj, Adea Halili do të mbajë koncert individual recital në teatrin e qytetit “Adriana”. Ajo thotë se ky koncert do të përfshijë vepra të karaktereve të ndryshme për të cilat ka ushtruar intensivisht në shkollë, por edhe në shtëpi që nga muaji shtator.

“Gjithsej janë 6 vepra nga 6 kompozitorë të ndryshëm duke filluar nga epokat e mëhershme e deri më tani. Është puna që e kemi bërë me mund dhe pa lodhje kështu që ne na shtynë vetëm më shumë për të vazhduar përpara. Me piano merrem qysh kur kam qenë shumë e vogël dhe dashuria për të më ka bërë që të lidhem çdo ditë e më shumë dhe tanimë që po ushtrojmë mund të lidhem edhe më shumë me të, nuk është rëndë asnjëherë për ta dashur. Përpos koncertit kemi edhe aktivitete të shkollës që i organizojmë, po ashtu do të merremi edhe me gara të tjera të cilat shpresojmë që do t’i kalojmë shumë mirë”, tha Adea Halili.

Profesori i pianos në këtë shkollë, Rinor Halili, tha se koncerte të tilla i duhen të rinjve të Ferizajt për nxitjen e tyre në ruajtjen e artit.

“Adea me përkushtimin e saj ka arritur të realizoj një koncert të tillë edhe pse ne kemi shumë nxënës, mirëpo për ta realizuar një koncert të tillë ka nevojë jashtëzakonisht shumë për t’u përgatitur sepse ushtrimet janë shumë të gjata, puna teknike, e të tjera, mirëpo ia ka dalur dhe unë jam jashtëzakonisht i lumtur që edhe këtë vit po mundësohet që edhe një nxënës të realizoj një koncert të tillë. Çdo vit kemi nga një koncert, koncerti i fundit ishte nga pianistja Eleonida Elezi, këtë e ka Adea Halili, presim edhe nga nxënës të tjerë që janë në përgatitje e sipër që ky lloj i koncertit ka jashtëzakonisht një rëndësi shumë të madhe që Adea është përgatitur 9 vite për të realizuar punën e saj tash dhe unë jam fokusuar tek disa nxënës që gjatë karrierës së tyre të shkollës fillore apo të mesme së paku ta kenë një koncert ose dy që të mos përfundojnë pa pasur një koncert”, tha Rinor Aliu.

Koncerti do të mbahet nesër me fillim nga ora 18:00 në teatrin “Adriana” të Ferizajt ku Adea Halili përpos veprave të selektuara të saj, do të përformojë edhe një duo me kompozitorin mysafir nga Prishtina, Artan Hasani.

Ferizaj

Lëndohen tre policë gjatë arrestimit të sulmuesit 16 vjeç në Ferizaj

Published

2 days ago

10 July, 2026

Redaksia

Policia e Kosovës ka njoftuar se gjatë arrestimit të të miturit me inicialet P.GJ (16 vjeç), i dyshuar për therje të dy personave mëngjesin e sotëm në Ferizaj, janë lënduar tre zyrtarë policor ku njëri prej tyre është goditur me thikë në pjesën e qafës.

Sipas policisë, pas kontrollit ë banesën e të dyshuarit dhe më pas në një adresë në fshatin Greme, policia ka arritur ta lokalizojë atë.

“Me të arritur në vendngjarje, i dyshuari ka refuzuar t’u bindet urdhrave policorë, duke mbajtur një thikë në dorë, ka sulmuar zyrtarët policorë me gurë dhe mjete të forta, si dhe është vërsulur ndaj tyre me thikë.

Gjatë ndërhyrjes, nëna e tij ka penguar zyrtarët policorë në kryerjen e detyrës zyrtare.

Në një moment, i dyshuari ka marrë një shishe me benzinë dhe ia ka hedhur vetes mbi trup, duke vazhduar t’i kërcënojë policët me thikë dhe duke mos lejuar afrimin e tyre.

Gjatë përpjekjeve për vënien e tij nën kontroll, tre zyrtarë policorë kanë pësuar lëndime, ndërsa njëri prej tyre është goditur me thikë në pjesën e qafës.

Pas ndërhyrjes policore, i dyshuari me inicialet P.GJ (16 vjeç) është vënë nën kontroll dhe është arrestuar së bashku me nënën e tij D.GJ (47 vjeçe).

Gjithashtu është sekuestruar edhe thika, e cila dyshohet se është përdorur në sulmin ndaj qytetarëve”, ka njoftuar policia.

Në përditësimin e fundit, thuhet se në sulmin që ndodhi rreth orës 07:53, në rrugën ‘Dëshmorët e Kombit’, në afërsi të Postës Qendrore në Ferizaj, mbetën të plagosur dy qytetarë, të cilët u dërguan për trajtim mjekësor në Spitalin e Ferizajt.

Njëri nga të plagosurit, I.M. 81 vjeç, ishte therur në fytyrë dhe në gjymtyrë, ndërsa i plagosuri tjetër, një zyrtar i degës së Postës së Kosovës në Ferizaj, pas trajtimit mjekësor është liruar për në shtëpi.

Në njoftimin e Prokurorisë në Ferizaj, i dyshuari me vendim të Prokurorit të Shtetit është ndaluar në kohëzgjatje prej 24-orësh, për shkak të dyshimit se i njëjti ka kryer veprat penale “Sulmi ndaj personit zyrtar” dhe “Vrasja në tentativë”.

Ferizaj

Arrestohet i dyshuari për plagosjen e dy personave me thikë në Ferizaj

Published

3 days ago

10 July, 2026

Redaksia

Është ndaluar një person, i mitur, i dyshuar për rastin e sulmit dhe therjes me thikë të dy personave të tjerë, mëngjesin e sotëm në Ferizaj.

“Rasti ka ndodhur sot, më datën 10.07.2026, rreth orës 07:53, në rrugën ‘Dëshmorët e Kombit’, në afërsi të Postës Qendrore në Ferizaj, ku, sipas informatave fillestare, dyshohet se i mituri ka sulmuar me mjet të mprehtë (thikë) dy persona të tjerë” , njoftoi Prokuroria.

Të lënduarit janë dërguar për trajtim mjekësor në Emergjencën e Ferizajt.

Sipas informacioneve të fundit, njëri nga të plagosurit, I.M 81 vjeç, ka pësuar therje të rëndë në fytyrë dhe në gjymtyrë, ndërkaq i plagosuri tjetër, një zyrtar i degës së Postës së Kosovës në Ferizaj, pas trajtimit mjekësor në Emergjencën e Spitalit është liruar për në shtëpi.

Ferizaj

Arratiset i dyshuari për plagosje me thikë të dy personave në Ferizaj

Published

3 days ago

10 July, 2026

Redaksia

Një person dyshohet se ka sulmuar dhe therur me thikë dy të tjerë mëngjesin e sotëm afër objektit të postës qendrore në Ferizaj.

Të lënduarit janë dërguar për trajtim mjekësor në Emergjencën e Ferizajt, kurse i dyshuari është arratisur nga vendi i ngjarjes.

Policia bëri të ditur se është në kërkim intensiv për të dyshuarin dhe se po shikohen kamerat për të ndihmuar në identifikimin e të dyshuarit dhe sqarimin e rrethanave të rastit.

“Sot, rreth orës 07:50, kemi pranuar informatën se në rrugën “Dëshmorët e Kombit”, në afërsi të Postës Qendrore në Ferizaj, ka ndodhur një incident, ku një person dyshohet se ka sulmuar dy persona me mjet të mprehtë (thikë), të cilët janë transportuar për trajtim mjekësor në Emergjencën e Ferizajt, pasi kanë marrë ndihmën e parë në vendin e ngjarjes nga ekipet mjekësore. I dyshuari është larguar nga vendi i ngjarjes në drejtim të panjohur”, njoftoi Policia.