Ferizaj

ETC shënon Ditën Ndërkombëtare të Fëmijëve

Published

8 years ago

31 May, 2018

Në vigjilje të 1 qershorit, Ditës Ndërkombëtare të Fëmijëve, Qendra tregtare ETC në Ferizaj, ka organizuar disa aktivitete për ta shënuar këtë ditë. Në ambientet e jashtme të qendrës, nxënësit e klasave të ulëta të shkollave fillore të Ferizajt, prezantuan pika artistike, siç ishin vallet dhe recitalet e ndryshme.

Menaxherja e ETC-së në Ferizaj Ganimete Rexhepi-Krasniqi, tha se për fëmijët pjesëmarrës, ETC është kujdesur të ndajë dhurata e shpërblime të ndryshme.

“Sot ETC ka organizuar, sikurse herëve të tjera, një program artistik për nder të ditës 1 qershori, ku në kuadër të saj do të ketë këndim recitim e vallëzim, në fund fituesit do të shpërblehen me vlera monetare dhe do të ketë mirënjohje. Pas përfundimit kemi organizuar pjesën e garave me lojëra dhe në fund do të jepen dhurata për fëmijë dhe prerja e tortës. Ftesat janë bërë për të gjitha shkollat në Ferizaj dhe rrethinë, pjesëmarrës ka mjaftueshëm, besoj që do të ndahen të kënaqur me këtë aktivitet”, tha Ganimete Rexhepi-Krasniqi.

Krasniqi, tha se po bëjnë përpjekje që sado pak t’i gëzojnë fëmijët në ditën e tyre.

“Gjithçka duhet me bë për ta sepse vlera e tyre është aq e madhe sa që ne është e pamundshme ta kthejmë në një vlerë, por sado pak respekt për festën që u takon atyre, janë pjesa më e mirë e mundshme që ne me kënaqësi e bëjmë për ta”, tha Rexhepi-Krasniqi.

Të kënaqur për këtë organizim u shprehën edhe fëmijët pjesëmarrës.

“Kemi ardh sot për ditën e 1 qershorit të vizatojmë dhe besoj që ka me fitu ndonjë shpërblim ose ta fitoj një medalje ose një libër”, tha njëri nga fëmijët.

Shënimin e Ditës Ndërkombëtare të Fëmijëve Elkos Center tashmë e ka bërë traditë, ku për çdo vit kjo qendër përkujdeset që këtë ditë ta shënoj me aktivitete të ndryshme.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

1 week ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim