Ferizaj

Karateistët ferizajas kthehen me 10 medalje nga turneu ‘’Turqia Open’’

Published

8 years ago

16 July, 2018

17 vjeçari ferizajas Altin Maloku, ka arritur të fitoj medaljen e artë në turneun ndërkombëtar të karatesë të mbajtur në Stamboll të Turqisë, ku morën pjesë përfaqësues të mbi 40 shteteve të botës.

“Unë si sportist i klubit të karatesë “Sharri” i kam sjellur medaljen e artë Kosovës që i kemi mundur dy ekipe të Turqisë dhe dy të Rusisë, në finale jam ndeshur me ekipin e Rusisë ku i kemi deklasuar ata dhe kur kam fitu jam ndi shumë krenar dhe kam pas zemër të madhe kur e kam fitu atë luftë në finale”,tha Maloku.

Kurse, trajneri i klubit të karatesë “Sharri”, Qëndrim Shaqiri, tha se 7 karateistë të këtij klubi kanë fituar 10 medalje në këtë turne.

“Jemi kthyer nga Turqia, nga gara “Turkish Open”, një garë shumë e madhe, ku kanë marrë pjesë diku 40 shtete me mbi 2000 garues, ne jemi kanë të përfaqësuar në bazë të shtetit ndërsa ne si klub ishim të përfaqësuar me 7 anëtarë ku gjithsej Kosova i ka marrë 17 medalje, është renditë e dyta në piedestal botëror dhe 10 medalje janë të anëtarëve të klubit tonë, 7 individuale dhe 3 ekipore janë medalje të argjenda, të arta dhe të bronzta, duke filluar nga pionierët e rinj është Reald Emërllahu medalist i bronztë, Artiol Shaqiri është kampion në vendin e tretë medalsit i bronztë në dy kategoritë, Edi Haziri është vendi i tretë, Rona Emërllahu vendi i tretë, Kujtim Thaçi vendi i dytë dhe Fatjon Bajrami dhe Kujtim Thaçi edhe ata janë kampionë të kategorisë ekipore kadetë të ri, mandej është Altin Maloku kapiten i përfaqësuesve të juniorëve të kadetëve ku e kanë marrë këta vendin e parë si përfaqësues të Kosovës, është një arritje e madhe shpresojmë të ecim para dhe të kemi shumë e shumë arritje të tjera”, tha Shaqiri.

Në turneun ndërkombëtar “Turqia Open” që u mbajt në Turqi dy ditë më parë, Kosova është paraqitur me 34 garues, duke arritur të renditet e dyta në bazë të medaljeve të fituar, me gjithsej 18 medalje, prej tyre 5 të arta, 6 argjenda dhe 7 të bronzta.

Ferizaj

Siguria juaj fillon me zgjedhjen e duhur të sigurimit

Published

11 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

11 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.