Ferizaj

KBI në Ferizaj uron myslimanët për festën e Kurban Bajramit

Published

7 years ago

20 August, 2018

Kryetari i Këshillit të Bashkësisë Islame në Ferizaj Bujar Hasani, i ka uruar të gjithë besimtarët e fesë islame për festën e Kurban Bajramit. Kreu i KBI-së në Ferizaj, tha se Kurban Bajrami bartë në vete vlera të larta, duke kërkuar humanizëm e paqe mes njëri tjetrit.

“Nesër është dita e parë e Kurban Bajramit e cila në vete sjell si rezultat kryerjen e haxhit dhe prerjen e kurbanit, përmes së cilës vepër shfaqet mëshira e të madhit Zot për besimtarët, mëshira e të cilës determinohet duke bartur secila në mënyrën e vet vlerat më fisnike, më madhore për shoqërinë, prandaj në emër të KBI-së në Ferizaj uroj festën e Kurban Bajramit duke lutur të madhin Zot për mirëqenie, lumturi dhe shëndet. Çdo festë ka vlerat në të cilat mbështetet, kurse vlera e Kurban Bajramit manifestohet përmes sakrificës, devotshmërisë, solidaritetit, humanitetit, drejtësisë mes njerëzve duke bartur në vete porosinë e mirëqenies mbarënjerëzore”,tha Hasani.

Për t’i gëzuar familjet nevojtare, në oborrin e Xhamisë së Madhe në Ferizaj sot u shpërndan ndihma.

“Është kënaqësi shpirtërore pasi ne e dimë që feja na nxitë në këtë aspekt, ndaj ne e bëjmë me kënaqësi të madhe pasi të ndihmosh një familje është ndjenjë e mirë dhe duke pasur parasysh të mirat që përmend Zoti në Kur’an për ata që ndihmojnë është një motiv shumë i madh”, u shpreh Naim Rexhepi, kryetar i shoqatës “Bereqeti”.

Manifestimi qendror i faljes së Kurban Bajramit do të bëhet nesër në sallën e sporteve “Bill Klinton” në Ferizaj nga ora 6:25.

Ferizaj

Arrestohen tre të dyshuar për hajni në disa markete të Ferizajt

Published

11 hours ago

19 December, 2025

Redaksia

Policia e Ferizajt ka arrestuar tre persona nën dyshimet se kanë kryer vjedhje në disa markete të Ferizajt.

Bëhet fjalë për katër raste të ndara vjedhjeje dhe atë në një shitore në rrugën “Brahim Ademi”, “Vëllezërit Gërvalla”, “Rexhep Bislimi”, si dhe në një shitore në fshatin Koshare.

Sipas policisë, pas një pune intensive hetimore në terren dhe analizimit të video-incizimeve, njësia e hetimeve në Ferizaj ka arritur të identifikojë dhe arrestojë kryesit e dyshuar të këtyre veprave penale. Në cilësinë e të dyshuarve janë intervistuar B.R. (61 vjeç), B.V. (44 vjeç) dhe K.R. (35 vjeç).

Vlera e produkteve të vjedhura është rreth 2,000 euro.

“Nga hetimet e deritanishme dyshohet se të njëjtit kanë përdorur një veturë Audi A3 me targa vendore dhe se kanë vepruar në data të ndryshme gjatë muajit nëntor 2025 në territorin e Ferizajt. Po ashtu, ekzistojnë dyshime të bazuara se të dyshuarit mund të jenë të përfshirë edhe në raste të tjera vjedhjeje, për të cilat hetimet janë duke vazhduar.

Pas intervistimit nga policët hetues dhe me vendim të prokurorit të shtetit, të dyshuarit janë liruar në procedurë të rregullt hetimore”, thuhet mes tjerash në njoftimin e policisë.

Ferizaj

Kosova goditet nga tërmeti 3.1 ballësh, epiqendra në afërsi të Kllokotit

Published

5 days ago

15 December, 2025

Redaksia

Një tërmet me magnitudë 3.1 ballë të shkallës Rihter është regjistruar sot në mëngjes në rajonin kufitar mes Kosovës, Serbisë dhe Maqedonisë së Veriut.

Epiqendra e tërmetit është lokalizuar rreth 11 kilometra në verilindje të Ferizajt dhe 9 kilometra në jug të Gjilanit, në zonën Viti-Gjilan në afërsi të Kllokotit.

Sipas të dhënave sizmologjike të Qendrës Euro-Mesdhetare (EMSC), lëkundja ka ndodhur më 15 dhjetor, rreth orës 07:20 sipas kohës lokale derisa tërmeti ka pasur një thellësi prej rreth 9 kilometrash.

Ferizaj

Policia në Ferizaj konfiskon mbi 4.6 kg kokainë dhe arreston katër të dyshuar

Published

6 days ago

13 December, 2025

Redaksia

Hetuesit policorë nga Njësia e Drejtorisë për Hetimin e Trafikimit me Narkotik (DHTN) në Ferizaj, ka arrestuar katër persona derisa edhe dy të tjerë janë në kërkim, të dyshuar për posedim dhe trafikim të lëndëve narkotike.

Gjatë realizimi të aksionit janë konfiskuar 4.62 kilogramë të substancës që dyshohet të jetë kokainë, një pistoletë me 14 fishekë, celularë, para në valuta të ndryshme dhe disa mjete motorike.

Në njoftimin e policisë thuhet se të arrestuar janë A.L., (mashkull, shtetas i Shqipërisë, viti i lindjes 1973), M.B., (mashkull, shtetas i Shqipërisë, viti i lindjes 1971), A.B., (mashkull, kosovar, viti i lindjes 1997) dhe A.B., (mashkull, kosovar, viti i lindjes 1993).

Të dyshuarit, pas intervistimit me aktvendim nga prokuroria janë dërguar në mbajtje për 48 orë.

Njoftimi i plotë: