Ferizaj

Ofertat e lira të firmave ngrenë dyshime për punime jocilësore

Published

7 years ago

07 September, 2018

Javën e ardhshme pritet të nënshkruhet kontrata mes komunës dhe firmave fituese për projektin kapital “Bashkimi i Qytetit”. Ky tender i cili u fitua nga firmat ferizajase “Linda SHPK” dhe “Bardhi SHPK”, u tha se tashmë i ka kryer të gjitha procedurat e prokurimit, përfshirë edhe afatin e ankesave. Udhëheqësi i Zyrës së Prokurimit në Ferizaj Fehmi Reka, tregoi se projekti i prezantuar me vlerën rreth 6 milionë euro, u fitua me rreth 2 milionë euro me pak.

“Si zakonisht kriter ka qenë çmimi më i lirë, kanë shpreh interesim kompanitë ku kanë ofertuar 5 kompani, gjegjësisht konsorciume, pasi që është projekt i madh dhe është dashur që kompanitë t’i bashkojnë forcat për të konkurruar bashkë dhe në bazë të procedurave firmat fituese janë ”Bardhi” dhe ”Linda”, të cilët ofertuan me vlerën mbi 4 milionë euro. Ka pasur një ankesë, por ajo tashmë është shqyrtuar dhe gjithçka është në rregull”, tha Reka.

Jo vetëm për këtë tender, në shumicën e rasteve kur pushteti ofron projekte kapitale me vlera të larta, firmat vendore konkurrojnë me vlera më të ulëta. Kjo nuk po i pëlqen as drejtorit të Infrastrukturës Arbër Bytyqit, pasi që sipas tij, kësisoj po rriten dyshimet për punë jocilësore.

“Problematikë në komunën e Ferizajt, jo vetëm tek ky projekt, është çmimi i lirë me të cilin ofertojnë kompanitë e këtushme. Unë i kam takuar pothuajse të gjitha kompanitë që bëjnë punë në komunën tonë dhe u kam kërkuar që çmimet duhet të jenë reale, sepse ne nuk do të tolerojmë që punimet të ngecin në terren veç pse ata kanë konkurruar me çmime të lira. Pra, ne jemi zotuar se cilësia e projekteve nuk do të negociohet në asnjë formë dhe përgjegjësia e punimeve do të bie mbi ata që tashmë kanë fituar tenderin”, tha Bytyqi.

Projekti “Bashkimi i Qytetit”, është njëri ndër projektet kryesore të premtimeve elektorale të kryetarit të komunës së Ferizajt Agim Alliu. Ky investim që vlerën më të madhe të financimit e ka nga Qeveria e Kosovës, përfshin rrugën “Ahmet Kaçiku”, nënkalimin aktual e deri tek rruga siç e njohin të gjithë e “loçkës”.

Ferizaj

Javën e kaluar u raportuan 56 aksidente trafiku në rajonin e Ferizajt

Published

21 hours ago

16 June, 2025

Redaksia

Policia në rajonin e Ferizajt ka njoftuar se javën e kaluar ka shqiptuar 1 mijë e 347 gjoba kundërvajtëse dhe janë pezulluar 13 patentë shoferë.

Gjatë periudhës nga 09.06.2025 deri më 15.06.2025, janë shqiptuar 1,347 gjoba kundërvajtëse, si dhe janë pezulluar 13 patentë-shoferë për drejtuesit e mjeteve që kanë kryer shkelje të rënda në trafik, thuhet në njoftim.

Gjithashtu janë raportuar 56 aksidente trafiku, në një prej tyre në person ka vdekur.

– 1 aksident me fatalitet në Kaçanik, ku ka mbetur një person i vdekur

– 24 aksidente me lëndime , ku kanë mbetur të lënduar 30 persona

– 31 aksidente me dëme materiale

Ferizaj

Teatri “Adriana”reagon ndaj pengesave institucionale: “Një premierë përtej censurës”

Published

3 weeks ago

26 May, 2025

webmaster

Teatri “Adriana” ka njoftuar se premiera e shfaqjes “Fluturimi mbi teatrin e Kosovës” është shtyrë për datën 14 qershor 2025, shkaku i pengesave institucionale që trupa ka hasur gjatë përgatitjes së kësaj premiere.

Sipas deklaratës për media, gjatë përgatitjeve për premierën e kësaj shfaqjeje, të caktuar fillimisht për 7 qershor, trupa është përballur me kërkesa për ndërhyrje në tekstin e shfaqjes, mungesë të papritur të buxhetit për materiale skenike dhe pengesa të tjera që, sipas tyre, përbëjnë “një sabotim të heshtur” ndaj artit dhe lirisë krijuese.

Megjithatë, nga teatri konfirmojnë se premiera e shfaqjes “Fluturimi mbi teatrin e Kosovës”, me tekst të Jeton Nezirajt dhe regji të Agon Myftarit, do të mbahet në datën e re, edhe nëse u duhet të riciklojnë kostume dhe skenografi nga prodhime të mëparshme.

Teatri thekson se këto pengesa janë një formë e censurës indirekte ndaj lirisë krijuese, duke theksuar rëndësinë e mbrojtjes së lirive artistike dhe të shprehjes në Kosovë.

“Është paradoksale dhe shqetësuese se si disa individë marrin bajrakun e patriotizmit duke akuzuar tërthorazi artistët si antikombëtarë, dhe në emër të një lloj nacionalizmi primitiv, përpiqen të kufizojnë të drejtën krijuese — për të cilën të njëjtët kanë luftuar në vitet 1998–1999”, thuhet më tej në deklaratë, përmes së cilës, aktorët dhe regjisori i bëjnë thirrje publikut dhe komunitetit artistik të mbështesin shfaqjen dhe të qëndrojnë kundër çdo censure.

“Më 14 qershor, në skenën e Teatrit ‘Adriana’, nuk do të shfaqet vetëm një vepër. Do të shfaqet vetë qëndrimi ynë ndaj lirisë”, thuhet mes tjerash në deklaratë.

Ferizaj

Policia në Ferizaj brenda javës shqiptoi 1310 gjoba trafiku

Published

4 weeks ago

19 May, 2025

Redaksia

Policia e Ferizajt, gjatë javës së kaluar, ka shqiptuar 1 mijë e 310 gjoba trafiku, si dhe ka pezulluar 14 patentë-shoferë për drejtuesit e mjeteve që kanë kryer shkelje të rënda në trafik.

Gjatë kësaj periudhe, policia ka bërë të ditur se kanë ndodhur gjithsej 36 aksidente, nga të cilat, 13 ishin me të lënduar kurse 23 aksidente të tjera ishin vetëm me dëme materiale.