Ferizaj

A&M mega store nga sot në qendrën ”The Village”

Published

7 years ago

12 September, 2018

Në kuadër të qendrës “The Village” në Ferizaj, që nga sot do të funksionojë edhe “A&M” mega store. Ky dyqan i veshmbathjeve dhe i produkteve higjienike, me ndërrimin e lokacionit u tha se do ta shtoj edhe më shumë numrin e artikujve që kryesisht vijnë nga Gjermania. Drejtori i këtij biznesi në Kosovë Mehdi Shala, tha se Ferizaj është një qytet i cili ka shpreh mjaft interesim për mallin që e plasojnë në treg, ndërsa ofertat e herëpashershme më të favorshme për blerësit, nuk do të mungojnë asnjëherë.

“Tani kemi ardhur me një koncept të ri me produkte shumë të reja që mendojmë se kanë me i ndihmu shumë qytetarit të Ferizjat. Përveç tekstilit, neve na bën të veçantë edhe ardhja e produktit të higjienës, enëve dhe produketve higjienike qe na vijnë kryesisht nga Gjermania, po ashtu këtu kemi edhe produkte shtëpiake të enëve të firmave “Home”, dyshekët shumë cilësor, e kështu me radhë“, tha Shala.

Përveç biznesit që A&M mega store po ushtron në këtë komunë, ky dyqan Ferizajt i ka mundësuar edhe shumë vende pune.

“Në përgjithësi jemi duke ndihmuar shumë në këtë drejtim në Kosovë, deri më tani biznesi jonë në tërë Kosovën ka mbi 300 punëtorë, ndërsa vetëm në dyqanin tonë në këtë lagje kemi të punësuar rreth 25 punëtorë që vijnë nga kjo komunë, ndërsa së shpejti pritet të hapet edhe “A&M” clothes ku edhe aty do të punësohen 5 punëtorë”, tha Shala.

A&M mega store e themeluar në dhjetor të vitit 2016 është qendër tregtare e cila ofron një llojllojshmëri të gjerë të artikujve.

Ferizaj

Arrestohen tre të dyshuar për hajni në disa markete të Ferizajt

Published

9 hours ago

19 December, 2025

Redaksia

Policia e Ferizajt ka arrestuar tre persona nën dyshimet se kanë kryer vjedhje në disa markete të Ferizajt.

Bëhet fjalë për katër raste të ndara vjedhjeje dhe atë në një shitore në rrugën “Brahim Ademi”, “Vëllezërit Gërvalla”, “Rexhep Bislimi”, si dhe në një shitore në fshatin Koshare.

Sipas policisë, pas një pune intensive hetimore në terren dhe analizimit të video-incizimeve, njësia e hetimeve në Ferizaj ka arritur të identifikojë dhe arrestojë kryesit e dyshuar të këtyre veprave penale. Në cilësinë e të dyshuarve janë intervistuar B.R. (61 vjeç), B.V. (44 vjeç) dhe K.R. (35 vjeç).

Vlera e produkteve të vjedhura është rreth 2,000 euro.

“Nga hetimet e deritanishme dyshohet se të njëjtit kanë përdorur një veturë Audi A3 me targa vendore dhe se kanë vepruar në data të ndryshme gjatë muajit nëntor 2025 në territorin e Ferizajt. Po ashtu, ekzistojnë dyshime të bazuara se të dyshuarit mund të jenë të përfshirë edhe në raste të tjera vjedhjeje, për të cilat hetimet janë duke vazhduar.

Pas intervistimit nga policët hetues dhe me vendim të prokurorit të shtetit, të dyshuarit janë liruar në procedurë të rregullt hetimore”, thuhet mes tjerash në njoftimin e policisë.

Ferizaj

Kosova goditet nga tërmeti 3.1 ballësh, epiqendra në afërsi të Kllokotit

Published

4 days ago

15 December, 2025

Redaksia

Një tërmet me magnitudë 3.1 ballë të shkallës Rihter është regjistruar sot në mëngjes në rajonin kufitar mes Kosovës, Serbisë dhe Maqedonisë së Veriut.

Epiqendra e tërmetit është lokalizuar rreth 11 kilometra në verilindje të Ferizajt dhe 9 kilometra në jug të Gjilanit, në zonën Viti-Gjilan në afërsi të Kllokotit.

Sipas të dhënave sizmologjike të Qendrës Euro-Mesdhetare (EMSC), lëkundja ka ndodhur më 15 dhjetor, rreth orës 07:20 sipas kohës lokale derisa tërmeti ka pasur një thellësi prej rreth 9 kilometrash.

Ferizaj

Policia në Ferizaj konfiskon mbi 4.6 kg kokainë dhe arreston katër të dyshuar

Published

6 days ago

13 December, 2025

Redaksia

Hetuesit policorë nga Njësia e Drejtorisë për Hetimin e Trafikimit me Narkotik (DHTN) në Ferizaj, ka arrestuar katër persona derisa edhe dy të tjerë janë në kërkim, të dyshuar për posedim dhe trafikim të lëndëve narkotike.

Gjatë realizimi të aksionit janë konfiskuar 4.62 kilogramë të substancës që dyshohet të jetë kokainë, një pistoletë me 14 fishekë, celularë, para në valuta të ndryshme dhe disa mjete motorike.

Në njoftimin e policisë thuhet se të arrestuar janë A.L., (mashkull, shtetas i Shqipërisë, viti i lindjes 1973), M.B., (mashkull, shtetas i Shqipërisë, viti i lindjes 1971), A.B., (mashkull, kosovar, viti i lindjes 1997) dhe A.B., (mashkull, kosovar, viti i lindjes 1993).

Të dyshuarit, pas intervistimit me aktvendim nga prokuroria janë dërguar në mbajtje për 48 orë.

Njoftimi i plotë: