Ferizaj

Asfaltohet rruga ”Enver Topalli” në Ferizaj

Published

7 years ago

01 October, 2018

Në kuadër të investimeve kapitale që po realizon komuna e Ferizjat, sot filloi të bëhet asfaltimi dhe rikonstruimi i rrugës “Enver Topalli”. U tha se ky projekt e ka një rëndësi të veçantë, për faktin se lidh qytetin me shumë fshatra të tjerë të kësaj ane. Nga afër këto punime i ka përcjellur nënkryetari i komunës së Ferizajt, Naim Ferati .

“Ky projekt që po realizohet sot, është projekt mjaft i qëlluar për arsye se po bëhen investimet të reja sidomos në hyrje-daljet e qytetit siç është rruga “Enver Topalli”, rruga e cila do të fillojë shumë shpejt është “Bajram e Gursel Sylejmani”, por edhe rruga që tashmë ka filluar të punohet është edhe rruga e “Reçakut”. Po besoj që ky projekt do të përfundojë shumë shpejt dhe është një projekt i mirëpritur nga qytetarët, ky rikonstruim i rrugës përfshin edhe rregullimin e pusetave, edhe ngritjen e trotuareve për të siguruar qytetarët”, tha Ferati.

Kjo rrugë 500 metërshe, buxhetit të komunës i kushton rreth 50 mijë euro.

Ferizaj

Lëndohet një person në vendin e punës në Ferizaj

Published

2 days ago

30 April, 2025

Redaksia

Një person është lënduar të martën në vendin e punës në Ferizaj.

Në raportin 24 orësh të policisë bëhet e ditur se ai është dërguar për trajtim mjekësor në QKUK, derisa në vendin e ngjarjes kanë njësitet policore dhe inspektorati i punës.

Rasti është iniciuar si “asgjësim, dëmtim apo heqja e pajisjeve mbrojtëse dhe rrezikim i sigurisë në vendin e punës”.

“Raportohet se viktima mashkull kosovar gjatë punës ka pësuar lëndime trupore dhe është dërguar në tretman mjekësor në QKUK. Në vendin e ngjarjes kanë dal njësitet përkatëse policore dhe inspektori i punës”, thuhet në njoftimin e policisë.

Ferizaj

Arrestohet një i dyshuar për therjen e 16 vjeçarit në Ferizaj

Published

4 days ago

28 April, 2025

Redaksia

Policia ka identifikuar njërin nga tre personat që sulmuan dhe plagosën me thikë të miturin F.V. 16 vjeç, në oborrin e një shkolle në rrugën “Gjon Sereqi” në Ferizaj.

Sipas policisë, i dyshuari M.D., shtetas i Shqipërisë, është arrestuar sot rreth orës 12:30 në rrugën “At Nikë Prela” në Ferizaj dhe gjatë kontrollit atij i është gjetur dhe konfiskuar një thikë që dyshohet të jetë përdorur në kryerjen e veprës penale.

Me vendim të prokurorit të rastit, i dyshuari është ndaluar për 24 orë, në pritje të procedurave të mëtejshme hetimore.

Ndryshe, i mituri i plagosur rëndë, pas trajtimit fillestar në emergjencën e Ferizajt është dërguar në Qendrën Klinike Universitare të Kosovës (QKUK) në Prishtinë.

Ferizaj

I mituri në gjendje të rëndë pas sulmit me thikë në Ferizaj

Published

4 days ago

28 April, 2025

Redaksia

Një i mitur ka mbetur i lënduar rëndë pasi është sulmuar me thikë nga tre persona të dielën në Ferizaj.

Policia ka njoftuar se viktima është dërguar në Qendrën Klinike Universitare të Kosovës pas trajtimit mjekësor në emergjencën e Ferizajt.

Në raportin 24 orësh të policisë bëhet e ditur se sulmi fizik ndaj viktimës ka ndodhur të dielën, në rrugën “Gjon Sereqi” rreth orës 15:10, derisa ende nuk dihet identiteti i sulmuesve.

“Viktima mashkull kosovar ka pësuar lëndime pasi që i njëjti dyshohet se është sulmuar nga tre persona të panjohur, ku njëri prej tyre e ka goditur viktimën me një mjet të mprehtë-thikë. Viktimës fillimisht i është ofruar tretman mjekësor në QE-Ferizaj, pastaj është dërguar për trajtim të mëtejshëm në QKUK. Lidhur me rastin është informuar e konsultuar edhe prokurori, ndërsa njësitet policore kanë dalë në vendin e ngjarjes dhe janë duke hetuar rastin”, ka njoftuar Policia e Kosovës.