Ferizaj

Binjakëzohen shkollat ”Jeronim de Rada” nga Ferizaj dhe “Kielhornschule” nga Dordmundi i Gjermanisë

Published

7 years ago

16 October, 2018

Nxënës, mësimdhënës e drejtues të shkollës “Jeronim de Rada” në Ferizaj dhe udhëheqës të Drejtorisë së Arsimit në këtë qytet, pritën sot një delegacion nga shkolla “Kielhornschule” nga Dordmundi i Gjermanisë.

Kjo vizitë e këtij delegacioni kishte për qëllim nënshkrimin e një memorandumi që ka të bëj me binjakëzimin e këtyre shkollave.

“Është kënaqësi për shkollën tonë, komunën dhe shtetin tonë të kemi këtë vizitë dhe të bëjmë nënshkrimin e binjakëzimit të shkollave tona, kjo është një nderë për ne”, tha Servete Hajrullahu-Krasniqi.

“Ne njihemi që katër vite dhe tani është momenti që ne të nënshkruajmë në mënyrë zyrtare këtë partneritet të të dyja shkollave dhe të shohim më vonë se çfarë do të realizojmë ne dy shkollat më vonë dhe me këtë rast dua t’u dërgoj shumë të fala nga i gjithë qyteti i Dordmundit dhe veçanërisht nga shkolla që unë përfaqësoj”, tha Petra Dresler-Dohmann, drejtoreshë e shkollës Kielhornchule.

Gjatë kësaj vizite, delegacioni gjerman ndau si dhuratë 150 euro për një nxënës të kësaj shkolle i cili ishte përzgjedhur nga mësimdhënësit.

Ferizaj

Lëndohet një person në vendin e punës në Ferizaj

Published

6 days ago

30 April, 2025

Redaksia

Një person është lënduar të martën në vendin e punës në Ferizaj.

Në raportin 24 orësh të policisë bëhet e ditur se ai është dërguar për trajtim mjekësor në QKUK, derisa në vendin e ngjarjes kanë njësitet policore dhe inspektorati i punës.

Rasti është iniciuar si “asgjësim, dëmtim apo heqja e pajisjeve mbrojtëse dhe rrezikim i sigurisë në vendin e punës”.

“Raportohet se viktima mashkull kosovar gjatë punës ka pësuar lëndime trupore dhe është dërguar në tretman mjekësor në QKUK. Në vendin e ngjarjes kanë dal njësitet përkatëse policore dhe inspektori i punës”, thuhet në njoftimin e policisë.

Ferizaj

Arrestohet një i dyshuar për therjen e 16 vjeçarit në Ferizaj

Published

1 week ago

28 April, 2025

Redaksia

Policia ka identifikuar njërin nga tre personat që sulmuan dhe plagosën me thikë të miturin F.V. 16 vjeç, në oborrin e një shkolle në rrugën “Gjon Sereqi” në Ferizaj.

Sipas policisë, i dyshuari M.D., shtetas i Shqipërisë, është arrestuar sot rreth orës 12:30 në rrugën “At Nikë Prela” në Ferizaj dhe gjatë kontrollit atij i është gjetur dhe konfiskuar një thikë që dyshohet të jetë përdorur në kryerjen e veprës penale.

Me vendim të prokurorit të rastit, i dyshuari është ndaluar për 24 orë, në pritje të procedurave të mëtejshme hetimore.

Ndryshe, i mituri i plagosur rëndë, pas trajtimit fillestar në emergjencën e Ferizajt është dërguar në Qendrën Klinike Universitare të Kosovës (QKUK) në Prishtinë.

Ferizaj

I mituri në gjendje të rëndë pas sulmit me thikë në Ferizaj

Published

1 week ago

28 April, 2025

Redaksia

Një i mitur ka mbetur i lënduar rëndë pasi është sulmuar me thikë nga tre persona të dielën në Ferizaj.

Policia ka njoftuar se viktima është dërguar në Qendrën Klinike Universitare të Kosovës pas trajtimit mjekësor në emergjencën e Ferizajt.

Në raportin 24 orësh të policisë bëhet e ditur se sulmi fizik ndaj viktimës ka ndodhur të dielën, në rrugën “Gjon Sereqi” rreth orës 15:10, derisa ende nuk dihet identiteti i sulmuesve.

“Viktima mashkull kosovar ka pësuar lëndime pasi që i njëjti dyshohet se është sulmuar nga tre persona të panjohur, ku njëri prej tyre e ka goditur viktimën me një mjet të mprehtë-thikë. Viktimës fillimisht i është ofruar tretman mjekësor në QE-Ferizaj, pastaj është dërguar për trajtim të mëtejshëm në QKUK. Lidhur me rastin është informuar e konsultuar edhe prokurori, ndërsa njësitet policore kanë dalë në vendin e ngjarjes dhe janë duke hetuar rastin”, ka njoftuar Policia e Kosovës.