Ferizaj

Diskutohet për teatrin dhe shoqërinë

Published

7 years ago

25 October, 2018

Në kuadër të organizimeve të Festivalit të Teatrove në Ferizaj, u mbajt debati me temë “Teatri dhe shoqëria”. Udhëheqësja e këtij debati Dije Demiri-Frangu, e konsideroi shqetësuese mungesën e dramave origjinale nëpër teatrot kosovare. Ajo tha se kjo po ndodhë për shkak të gjendjes së rëndë financiare në të cilën gjenden teatrot në Kosovë.

“Sot u ndalëm brenda konceptit të Bretit, Stanislavskit dhe të Gotofskit, apo teatrit kolektiv, individual dhe teatri i varfër dhe sa janë prezente këto tipe teatresh tek ne, natyrisht neve po na preokupon shumë edhe çështja e regjisorëve dhe konceptit të tyre regjisorial, i cili po del në bazë të diskutimeve se ata në një mënyrë duhet të merren më shumë me dramën origjinale dhe po ashtu po del se drama origjinale mungon, sidomos drama aktuale origjinale”, tha Demiri-Frangu.

Dije Demiri-Frangu, e vlerësoi lartë Festivalin e sivjetmë të Teatrove, i cili sipas saj, ka avancuar mjaftë shumë.

“Ky festival është për t’u veçuar në kuptim të repertorit të tij, sepse kësaj radhe ai përmban katër drama origjinale që gjithsesi receptuesit do të jenë më të lidhur me to, ka shikueshmëri të mirë, është një rregull më i mirë se i herave të tjera dhe mendoj se është një avancim edhe në kuptimin e organizimit dhe menaxhimit të këtyre ditëve, shfaqjet janë bukur të realizueshme dhe përgjithësisht dramat e huaja vijnë me trupa teatrore që në një mënyrë janë verifikuar si vlera dhe në bazë të reagimeve të shikuesve dhe vet tribunave që po mbahen pas shfaqjeve, është një lëvizje kulturore që unë mendoj shumë e nevojshme për emancipimin intelektual të qytetarëve tanë”, tha Demiri-Frangu.

Në teatrin e qytetit një debat i tillë do të mbahet edhe nesër.

Ferizaj

Arrestohen tre të dyshuar për hajni në disa markete të Ferizajt

Published

5 hours ago

19 December, 2025

Redaksia

Policia e Ferizajt ka arrestuar tre persona nën dyshimet se kanë kryer vjedhje në disa markete të Ferizajt.

Bëhet fjalë për katër raste të ndara vjedhjeje dhe atë në një shitore në rrugën “Brahim Ademi”, “Vëllezërit Gërvalla”, “Rexhep Bislimi”, si dhe në një shitore në fshatin Koshare.

Sipas policisë, pas një pune intensive hetimore në terren dhe analizimit të video-incizimeve, njësia e hetimeve në Ferizaj ka arritur të identifikojë dhe arrestojë kryesit e dyshuar të këtyre veprave penale. Në cilësinë e të dyshuarve janë intervistuar B.R. (61 vjeç), B.V. (44 vjeç) dhe K.R. (35 vjeç).

Vlera e produkteve të vjedhura është rreth 2,000 euro.

“Nga hetimet e deritanishme dyshohet se të njëjtit kanë përdorur një veturë Audi A3 me targa vendore dhe se kanë vepruar në data të ndryshme gjatë muajit nëntor 2025 në territorin e Ferizajt. Po ashtu, ekzistojnë dyshime të bazuara se të dyshuarit mund të jenë të përfshirë edhe në raste të tjera vjedhjeje, për të cilat hetimet janë duke vazhduar.

Pas intervistimit nga policët hetues dhe me vendim të prokurorit të shtetit, të dyshuarit janë liruar në procedurë të rregullt hetimore”, thuhet mes tjerash në njoftimin e policisë.

Ferizaj

Kosova goditet nga tërmeti 3.1 ballësh, epiqendra në afërsi të Kllokotit

Published

4 days ago

15 December, 2025

Redaksia

Një tërmet me magnitudë 3.1 ballë të shkallës Rihter është regjistruar sot në mëngjes në rajonin kufitar mes Kosovës, Serbisë dhe Maqedonisë së Veriut.

Epiqendra e tërmetit është lokalizuar rreth 11 kilometra në verilindje të Ferizajt dhe 9 kilometra në jug të Gjilanit, në zonën Viti-Gjilan në afërsi të Kllokotit.

Sipas të dhënave sizmologjike të Qendrës Euro-Mesdhetare (EMSC), lëkundja ka ndodhur më 15 dhjetor, rreth orës 07:20 sipas kohës lokale derisa tërmeti ka pasur një thellësi prej rreth 9 kilometrash.

Ferizaj

Policia në Ferizaj konfiskon mbi 4.6 kg kokainë dhe arreston katër të dyshuar

Published

6 days ago

13 December, 2025

Redaksia

Hetuesit policorë nga Njësia e Drejtorisë për Hetimin e Trafikimit me Narkotik (DHTN) në Ferizaj, ka arrestuar katër persona derisa edhe dy të tjerë janë në kërkim, të dyshuar për posedim dhe trafikim të lëndëve narkotike.

Gjatë realizimi të aksionit janë konfiskuar 4.62 kilogramë të substancës që dyshohet të jetë kokainë, një pistoletë me 14 fishekë, celularë, para në valuta të ndryshme dhe disa mjete motorike.

Në njoftimin e policisë thuhet se të arrestuar janë A.L., (mashkull, shtetas i Shqipërisë, viti i lindjes 1973), M.B., (mashkull, shtetas i Shqipërisë, viti i lindjes 1971), A.B., (mashkull, kosovar, viti i lindjes 1997) dhe A.B., (mashkull, kosovar, viti i lindjes 1993).

Të dyshuarit, pas intervistimit me aktvendim nga prokuroria janë dërguar në mbajtje për 48 orë.

Njoftimi i plotë: