Ferizaj

Organizohet ”Tryeza e Bamirësisë” për të sëmurët me kancer

Published

8 years ago

26 October, 2018

Në mënyra të ndryshme, muaji për sensibilizimin e sëmundjes së kancerit të gjirit, në Ferizaj u shënua pothuajse çdo ditë.

Nga disa gatime që u shitën sot në sheshin e qytetit, u grumbulluan një sasi e mjeteve financiare të cilat do të dedikohen për ferizajasen B.Xh e cila vuan nga kanceri në shpinë. Ky aktivitet u organizua nga qendra e gjuhëve të huaja “Sidi” në Ferizaj, si dhe nga nxënës të gjimnazit “Kuvendi i Arbrit” të udhëhequr nga mësimdhënësja Hysnije Mustafa, si dhe ambasadorja e Rinisë në Kosovë Vanesa Sadriu.

“Ne si popull njihemi faktikisht si një popull shumë solidarë dhe me këtë rast i falënderoj nënat të cilat kanë shpreh përkrahjen dhe vullnetin për të gatuar sot që ushqimet e tyre të jenë pjesë e ndihmesës për shumë gra të tjera të cilat vuajnë nga sëmundja e kancerit. Unë po shpresoj shumë që kjo “Tryezë e Bamirësisë” do të grumbulloj një shumë të konsideruar të mjeteve që sado pak të kontribuoj për këtë qëllim human”, tha Fatbardha Asllani.

Organizatorët e kësaj tryeze bamirësie treguan se tradicionalisht aktivitetet e tilla humanitare janë përkrahur nga qytetarët, ku kontributi i tyre në këtë arkë nuk ka munguar asnjëherë.

“Ka diku 7 ose 8 vite që në kuadër të këtij lloj aktiviteti human kemi mbledhur rroba, apo kemi shitur ushiqme si sot apo edhe gjëra të tjera dhe mund te them se gjithmonë kemi hasur në mirëkuptim dhe në shumë dashni prej qytetarëve tanë, kështu që komuna e Ferizajt dëshmohet për vlera humane gjithmonë”, tha Hysnije Mustafa .

“Edhe unë mund të them lirisht që qytetarët e kësaj komune po janë gjithmonë të gatshëm për të ndihmuar nëpër këto aksione që ne po zhvillojmë për t’i ndihmuar të tjerët, prandaj kujtoj se aktivitetet e tilla nuk duhet të ndalen por të shtohet numri i tyre gjithandej“, tha Vanesa Sadriu.

E, ata që sot blenin ushqimet në këtë tryezë, e vlerësuan lartë qëllimin e këtij aksioni, duke shpresuar se paratë e mbledhura të jenë ndihmesë sado e vogël e nevojtarëve.

“Tryeza e Bamirësisë” e cila u tha se organizohet për të shtatin vit me radhë, secilën herë i dedikohet një qëllimi human.

Ferizaj

Siguria juaj fillon me zgjedhjen e duhur të sigurimit

Published

20 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

21 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.