Ferizaj

Kërkohet ndihma e qytetarëve për gjetjen e 34-vjeçares Xhejlane Islami

Published

7 years ago

30 October, 2018

Kanë kaluar 10 ditë prej kur 34 vjeçarja Xhejlane Islami nga fshati Begracë i Kaçanikut, është larguar nga shtëpia dhe nuk është kthyer më. Që nga atëherë familja e saj nuk ka asnjë informacion se ku mund të ketë shkuar. Vëllai i Xhejlanes, Florimi, tregon për ditën kur motra e tij, e cila ka probleme mendore, doli nga shtëpia dhe nuk u kthye më.

”Më datën 21 në orën 23:00 ka dalë nga shtëpia dhe prej asaj dite nuk e dimë se ku është apo ku ka shku. Ne nuk e dimë se ku ka shkuar, sepse askush nuk e ka pa meqë familja ka qenë në gjumë, të nesërmën kemi dalë me kërku por nuk e ka pa askush. Ajo ka probleme mendore, tash kohën e fundit është më e sëmurë për shkak të mërzisë nga vdekja e nënës”, tha ai.

Në ditën kur Xhejlanja është zhdukur, vëllai i saj tha se ajo ka pasur të veshur një pallto ngjyrë kafe. Ai apelon tek qytetarët që në rast se e shohin atë, ta lajmërojnë policinë apo familjen Islami në numrin e telefonit 044/767-046.

”Motra ime i ka flokët e shkurta, ka të veshur pallto ngjyrë kafe dhe trenerka. Unë i kisha lutur qytetarët që kush e sheh të na lajmërojnë”, theksoi Florim Islami.

Ferizaj

Lëndohet një person në vendin e punës në Ferizaj

Published

3 days ago

30 April, 2025

Redaksia

Një person është lënduar të martën në vendin e punës në Ferizaj.

Në raportin 24 orësh të policisë bëhet e ditur se ai është dërguar për trajtim mjekësor në QKUK, derisa në vendin e ngjarjes kanë njësitet policore dhe inspektorati i punës.

Rasti është iniciuar si “asgjësim, dëmtim apo heqja e pajisjeve mbrojtëse dhe rrezikim i sigurisë në vendin e punës”.

“Raportohet se viktima mashkull kosovar gjatë punës ka pësuar lëndime trupore dhe është dërguar në tretman mjekësor në QKUK. Në vendin e ngjarjes kanë dal njësitet përkatëse policore dhe inspektori i punës”, thuhet në njoftimin e policisë.

Ferizaj

Arrestohet një i dyshuar për therjen e 16 vjeçarit në Ferizaj

Published

4 days ago

28 April, 2025

Redaksia

Policia ka identifikuar njërin nga tre personat që sulmuan dhe plagosën me thikë të miturin F.V. 16 vjeç, në oborrin e një shkolle në rrugën “Gjon Sereqi” në Ferizaj.

Sipas policisë, i dyshuari M.D., shtetas i Shqipërisë, është arrestuar sot rreth orës 12:30 në rrugën “At Nikë Prela” në Ferizaj dhe gjatë kontrollit atij i është gjetur dhe konfiskuar një thikë që dyshohet të jetë përdorur në kryerjen e veprës penale.

Me vendim të prokurorit të rastit, i dyshuari është ndaluar për 24 orë, në pritje të procedurave të mëtejshme hetimore.

Ndryshe, i mituri i plagosur rëndë, pas trajtimit fillestar në emergjencën e Ferizajt është dërguar në Qendrën Klinike Universitare të Kosovës (QKUK) në Prishtinë.

Ferizaj

I mituri në gjendje të rëndë pas sulmit me thikë në Ferizaj

Published

5 days ago

28 April, 2025

Redaksia

Një i mitur ka mbetur i lënduar rëndë pasi është sulmuar me thikë nga tre persona të dielën në Ferizaj.

Policia ka njoftuar se viktima është dërguar në Qendrën Klinike Universitare të Kosovës pas trajtimit mjekësor në emergjencën e Ferizajt.

Në raportin 24 orësh të policisë bëhet e ditur se sulmi fizik ndaj viktimës ka ndodhur të dielën, në rrugën “Gjon Sereqi” rreth orës 15:10, derisa ende nuk dihet identiteti i sulmuesve.

“Viktima mashkull kosovar ka pësuar lëndime pasi që i njëjti dyshohet se është sulmuar nga tre persona të panjohur, ku njëri prej tyre e ka goditur viktimën me një mjet të mprehtë-thikë. Viktimës fillimisht i është ofruar tretman mjekësor në QE-Ferizaj, pastaj është dërguar për trajtim të mëtejshëm në QKUK. Lidhur me rastin është informuar e konsultuar edhe prokurori, ndërsa njësitet policore kanë dalë në vendin e ngjarjes dhe janë duke hetuar rastin”, ka njoftuar Policia e Kosovës.