Ferizaj

Dështon debati publik për varrezat e qytetit

Published

7 years ago

07 December, 2018

Debati publik i thirrur për të diskutuar rreth projektit të varrezave të reja të Ferizajt, nuk u mbajt, meqë nuk pati asnjë qytetar të interesuar.

Kryesuesja e Kuvendit Komunal Kristina Gashi-Bytyqi, tha se për këtë debat qytetarët janë njoftuar që nga data 29 nëntor.

“Ka qenë njoftimi me kohë që është bërë nga Zyra e Informimit brenda afateve ligjore, mirëpo siç po shihet nuk ka qytetarë të interesuar që të marrin pjesë në prezantimin e projektit të varrezave të qytetit, një projekt madhor, i rëndësishëm për komunën e Ferizajt, besoj se nëse kishin ardhë qytetarët do të mund t’i jepnin rekomandimet e veta, sigurisht për ndryshimet e mundshme të këtij projekti, megjithatë Drejtoria e Urbanizmit është e gatshme kurdo që qytetarët janë të interesur të njoftohen për projektin e varrezave ata do të marrin informacione”, tha Gashi-Bytyqi.

“Është njëri ndër projektet kryesore të komunës së Ferizajt që është punuar mjaft gjatë nga profesionistët e fushave të ndryshme, sot ka qenë dashtë të prezantohet logjikisht më në detaje projekti, hapësirat të cilat janë të nevojshme, ndarja në blloqe, hyrjet si dhe distancat mes pjesës së qendrës dhe pjesës që është e destinuar hapësira për varreza, sot kemi dashtë me prezantu një projekt shumë modern që ka me qenë një projekt model për të gjitha qytetet e tjera ku në kuadër të saj jemi në përpilim edhe të rregullores së re ku ka qenë mirë me pas pjesëmarrje, por fatkeqësisht mungon”, tha Zekrija Jakupi nga Drejtoria e Urbanizmit.

Ky ishte debati i parë dhe i fundit i thirrur për projektin e varrezave të qytetit, për të cilat ka vite që është shkaktuar zhurmë e protesta në Ferizaj.

Ferizaj

Arrestohen tre të dyshuar për hajni në disa markete të Ferizajt

Published

28 mins ago

19 December, 2025

Redaksia

Policia e Ferizajt ka arrestuar tre persona nën dyshimet se kanë kryer vjedhje në disa markete të Ferizajt.

Bëhet fjalë për katër raste të ndara vjedhjeje dhe atë në një shitore në rrugën “Brahim Ademi”, “Vëllezërit Gërvalla”, “Rexhep Bislimi”, si dhe në një shitore në fshatin Koshare.

Sipas policisë, pas një pune intensive hetimore në terren dhe analizimit të video-incizimeve, njësia e hetimeve në Ferizaj ka arritur të identifikojë dhe arrestojë kryesit e dyshuar të këtyre veprave penale. Në cilësinë e të dyshuarve janë intervistuar B.R. (61 vjeç), B.V. (44 vjeç) dhe K.R. (35 vjeç).

Vlera e produkteve të vjedhura është rreth 2,000 euro.

“Nga hetimet e deritanishme dyshohet se të njëjtit kanë përdorur një veturë Audi A3 me targa vendore dhe se kanë vepruar në data të ndryshme gjatë muajit nëntor 2025 në territorin e Ferizajt. Po ashtu, ekzistojnë dyshime të bazuara se të dyshuarit mund të jenë të përfshirë edhe në raste të tjera vjedhjeje, për të cilat hetimet janë duke vazhduar.

Pas intervistimit nga policët hetues dhe me vendim të prokurorit të shtetit, të dyshuarit janë liruar në procedurë të rregullt hetimore”, thuhet mes tjerash në njoftimin e policisë.

Ferizaj

Kosova goditet nga tërmeti 3.1 ballësh, epiqendra në afërsi të Kllokotit

Published

4 days ago

15 December, 2025

Redaksia

Një tërmet me magnitudë 3.1 ballë të shkallës Rihter është regjistruar sot në mëngjes në rajonin kufitar mes Kosovës, Serbisë dhe Maqedonisë së Veriut.

Epiqendra e tërmetit është lokalizuar rreth 11 kilometra në verilindje të Ferizajt dhe 9 kilometra në jug të Gjilanit, në zonën Viti-Gjilan në afërsi të Kllokotit.

Sipas të dhënave sizmologjike të Qendrës Euro-Mesdhetare (EMSC), lëkundja ka ndodhur më 15 dhjetor, rreth orës 07:20 sipas kohës lokale derisa tërmeti ka pasur një thellësi prej rreth 9 kilometrash.

Ferizaj

Policia në Ferizaj konfiskon mbi 4.6 kg kokainë dhe arreston katër të dyshuar

Published

6 days ago

13 December, 2025

Redaksia

Hetuesit policorë nga Njësia e Drejtorisë për Hetimin e Trafikimit me Narkotik (DHTN) në Ferizaj, ka arrestuar katër persona derisa edhe dy të tjerë janë në kërkim, të dyshuar për posedim dhe trafikim të lëndëve narkotike.

Gjatë realizimi të aksionit janë konfiskuar 4.62 kilogramë të substancës që dyshohet të jetë kokainë, një pistoletë me 14 fishekë, celularë, para në valuta të ndryshme dhe disa mjete motorike.

Në njoftimin e policisë thuhet se të arrestuar janë A.L., (mashkull, shtetas i Shqipërisë, viti i lindjes 1973), M.B., (mashkull, shtetas i Shqipërisë, viti i lindjes 1971), A.B., (mashkull, kosovar, viti i lindjes 1997) dhe A.B., (mashkull, kosovar, viti i lindjes 1993).

Të dyshuarit, pas intervistimit me aktvendim nga prokuroria janë dërguar në mbajtje për 48 orë.

Njoftimi i plotë: