Kosovë

Saranda Ramajt i ndahet çmimi për “Nxitje Debati 2018”

Published

8 years ago

22 December, 2018

Organizata joqeveritare ”Iniciativa për Progres”, ka shënuar 13 vjetorin e themelimit të saj.

Drejtoresha ekzekutive e INPO-s, Albulena Nrecaj, tha se kjo organizatë përgjatë këtyre viteve ka kontribuar në procese të ndryshme të demokratizimit të shoqërisë.

“Organizata INPO tashmë po feston 13 vjetorin e themelimit dhe 13 vjet punë, angazhim dhe aktivizëm, ndoshta do të ishte e njëanshme me fol për INPO-n, por besoj se publiku dinë ta vlerësoj angazhimin dhe punën e INPO-s për një shoqëri të hapur dhe për demokratizim të qeverisjes. INPO që nga themelimi i saj nuk është ndalur asnjëherë duke kontribuar në proceset e ndryshme të demokratizimit të shoqërisë tonë, po ashtu edhe rritjen e transparencës dhe vendosjen e mekanizmave dhe standardeve për qeverisje të mirë’’, u shpreh Nrecaj.

Në këtë ceremoni të shënimit të 13 vjetorit të themelimit, INPO si rëndom ndau çmimin për “Nxitje Debati”. Ky çmim i cili u ndahet individëve ose grupeve që me punën e tyre nxitën debat në shoqërinë tonë, këtë vit iu nda gazetares së “Kohës Ditore”, Saranda Ramaj.

Gjatë ndarjes së çmimit për gazetaren Ramaj, Albulena Nrecaj tha se me shkrimet e saja hulumtuese rreth keqpërdorimeve në shëndetësi, Ramaj ka nxitur debat të gjerë publik.

“Sivjet çmimi i takon gazetares së “Kohës Ditore”, Saranda Ramaj, për sagën e shkrimeve rreth listës esenciale të barnave, në kuptimin e shpërfaqjes së manipulimeve, keqmenaxhimeve dhe keqpërdorimeve financiare të cilat janë bërë përmes tenderëve të prokurimit për listën esenciale të barnave, e cila ka nxitur një debat shumë të madh në shoqëri, po ashtu ka nxitur institucionet që të punojnë më tepër ose të angazhohen në adresimin e gjetjeve të cilat i ka bërë gazetarja gjatë hulumtimeve dhe tani është edhe publike që për shkak të angazhimit të Ramaj, qeveria ka arritur të kursej nga buxheti mbi 6 milionë euro të cilat më parë janë keqpërdorur përmes listës esenciale të barnave”, tha Nrecaj.

Ndërkaq, gazetarja Sarada Ramaj u shpreh e lumtur që po vlerësohet puna e saj, e cila kryesisht ka të bëj me gazetari hulumtuese.

“Është një vlerësim i jashtëzakonshëm që shoqëria civile nga Ferizaj më bën mua dhe punës sime në një vit shumë të rëndë edhe për gazetarinë edhe në aspektin e keqpërdorimeve që kanë ndodhur në Kosovë. Unë jam shumë e lumtur për këtë çmim për arsye që vlerësohet një punë shumë e madhe dhe një punë plot sakrifica që e kemi bërë për me ruajt buxhetin e shtetit, ajo çka kemi zbuluar sivjet është një keqpërdorim 16 milionë euro dhe pas hulumtimit tonë, Qeveria e Kosovës ka arritur të kursej 6 milionë euro, që nënkupton hulumtimi i jonë ka pasur të bëj me keqpërdorimin me blerjen e barnave që nga çmimi real është blerë 2 mijë për qind më shtrenjtë sesa çmimi real dhe rezultati i punës sonë janë 6 milionë euro më shumë në spitalet publike dhe 6 milionë euro më pak për kompanitë farmaceutike, kështu që për shkak të natyrës së çmimit dhe që ka prekur secilin person ndihem shumë e privilegjuar për këtë vlerësim”, tha Ramaj.

Çmimin për “Nxitje Debati”, organizata INPO e ndau për herë të dhjetë me radhë.

Kosovë

Aksidenti me fatalitet në magjistralen Mitrovicë–Prishtinë

Published

3 hours ago

23 July, 2026

Redaksia

Policia e Kosovës ka njoftuar se në aksidentin që ndodhi sot rreth orës 05:00, në magjistralen Mitrovicë–Prishtinë, në segmentin rrugor që kalon nëpër fshatin Studime të komunës së Vushtrrisë, në vendin e ngjarjes ka humbur jetën një grua rreth 52-vjeçare derisa pesë persona të tjerë mbetën të lënduar.

Sipas njoftimit të Policisë, në aksident ishin përfshirë dy automjete.

“Në aksident janë përfshirë dy automjete. Si pasojë e lëndimeve të marra, në vendin e ngjarjes ka humbur jetën një viktimë femër, rreth 52 vjeçare, ndërsa pesë persona të tjerë kanë pësuar lëndime trupore dhe janë dërguar për tretman mjekësor”, njofton policia.

Me urdhër të prokurorit të rastit, trupi i pajetë i viktimës është dërguar në Institutin e Mjekësisë Ligjore (IML), ku do t’i nënshtrohet obduksionit.”

Policia bëri të ditur se hetuesit e Njësisë Rajonale të Trafikut Rrugor, në koordinim me prokurorin e rastit, po zhvillojnë hetimet për të zbardhur shkaqet dhe rrethanat e plota të aksidentit fatal.

Ferizaj

Kosova paralajmërohet për mot të ashpër me shi, rrufe dhe breshër

Published

2 days ago

21 July, 2026

Redaksia

Instituti Hidrometeorologjik i Kosovës (IHMK) dhe Organizata Evropiane për Parashikimin e Stuhive (ESTOFEX) kanë lëshuar paralajmërime për reshje intensive, stuhi, breshër dhe erëra të forta.

Instituti Hidrometeorologjik i Kosovës ka njoftuar se gjatë ditës së sotme do të mbajë mot me diell dhe vranësira të pjesshme, por gjatë orëve të pasdites pritet ndryshim i kushteve atmosferike me vranësirave konvektive, të cilat vende-vende do të shoqërohen me reshje lokale shiu dhe shkarkesa rrufesh.

Temperaturat maksimale parashihen të sillen prej 31°C deri në 33°C.

Ndërkaq, Organizata Evropiane për Parashikimin e Stuhive (ESTOFEX), e cila monitoron motin e ashpër në Evropë, ka lëshuar një alarm të nivelit 3 të rrezikut për Kosovën dhe disa vende të rajonit.

Sipas ESTOFEX, përfshirja e Kosovës në zonën me nivelin 3 të rrezikut nënkupton një potencial të lartë për mot ekstrem, me mundësi për breshër shumë të madh dhe erëra të forta me fuqi shkatërruese.

Kosovë

Haxhiu nënshkruan dekretet për lirimin nga detyra të shtatë prokurorëve serbë

Published

2 days ago

21 July, 2026

Redaksia

Ushtruesja e detyrës së presidentit të Kosovës, Albulena Haxhiu, njoftoi se ka nënshkruar dekretet për lirimin nga detyra të shtatë prokurorëve nga komuniteti serb, të cilët kishin dhënë dorëheqje nga sistemi i drejtësisë në vitin 2022.

“Me këtë akt përmbyllet një proces i zgjatur për vite me radhë dhe zbatohet vendimi i institucionit kompetent, në përputhje me Kushtetutën dhe ligjet e Republikës së Kosovës”, shkroi Haxhiu në Facebook.

Këshilli Prokurorial i Kosovës refuzoi më herët këtë javë kërkesën e prorkurorëve për tërheqjen e dorëheqjeve, të paraqitura në nëntor të vitit 2022, kur zyrtarët serbë u larguan kolektivisht nga institucionet e Kosovës në veri të vendit.

Ky vendim u mor me propozimin e nënkryetarit të Këshillit Prokurorial të Kosovës, Dardan Vuniqi, ndërsa për të hyrë në fuqi kërkohej dekreti i ushtrueses së detyrës së presidentit, Albulena Haxhiu.

Haxhiu tha se “askush nuk mund të mbajë peng funksionimin e institucioneve” dhe “as të krijojë paqartësi juridike përmes proceseve të papërfunduara”.

Sipas saj, Republika e Kosovës “do të vazhdojë të veprojë me vendosmëri, në përputhje me ligjin dhe në mbrojtje të integritetit të institucioneve të saj”.

Qindra zyrtarë serbë dhanë dorëheqje nga institucionet e Kosovës në nëntor të vitit 2022, pasi Lista Serbe – partia më e madhe e serbëve të Kosovës e mbështetur nga Beogradi – u bëri thirrje përfaqësuesve serbë të largoheshin nga policia, gjyqësori, prokuroria dhe institucionet e tjera në katër komunat me shumicë serbe në veri të Kosovës: Mitrovicë e Veriut, Leposaviq, Zveçan dhe Zubin Potok.

Largimi kolektiv ishte një formë proteste kundër vendimit të Qeverisë së Kosovës për riregjistrimin e automjeteve me targa të lëshuara nga Serbia.

I kontaktuar nga Radio Evropa e Lirë më 20 korrik, Këshilli Gjyqësor i Kosovës tha se ende nuk ka marrë vendim lidhur me kërkesat e gjyqtarëve serbë për tërheqjen e dorëheqjeve.

Ai siguroi se opinioni do të njoftohet me kohë, por nuk dha detaje se sa gjyqtarë dhe punonjës administrativë nga komuniteti serb në veri kanë kërkuar rikthimin në detyrë.

Në një përgjigje për Radion Evropa e Lirë, më 15 korrik, Bashkimi Evropian tha se çështja është duke u trajtuar në kuadër të dialogut për normalizimin e marrëdhënieve ndërmjet Kosovës dhe Serbisë.

| Radio Evropa e Lirë