Kosovë

Akademi përkujtimore: Kërkohet drejtësi për viktimat e Reçakut

Published

7 years ago

15 January, 2019

Sot janë bërë 20 vite që kur ndodhi masakra e Reçakut, në të cilën forcat policore dhe ushtarake serbe kryen njerin ndër krimet më të tmerrshëm në vend, në të cilin u vranë dhe u masakruan barbarisht 45 shqiptarë të paarmatosur.

Në kujtim të kësaj masakre, nën patronatin e Presidentit të Kosovës, në Shtime u mbajt një orë përkujtimore në të cilën morën pjesë përfaqësues të institucioneve qëndrore, lokale, familjarë e qytetarë të shumtë.

Kryeministri i Kosovës Ramush Haradinaj, fjalimin e tij e nisi duke e përmendur taksën të cilën Qeveria e ka vendosur ndaj Serbisë, ndërsa theksoi se askush nuk guxon të falë tokë të Kosovës për Serbinë.
“Ne kemi vendos taksë mallrave të Serbisë, pra kësaj Serbie e cila ka bërë masakra dhe të asaj që ende po ka ide se qysh me na ndalë. Serbia po do me u bë anëtare e BE-së dhe i ka edhe një tri vite dhe atëherë është mirë ne mos me u pajtu mos me pranu njohjen reciproke pasi nuk jemi ne pa diçka me thanë, ne nuk kemi thanë nuk shkojmë në dialog pa u kthy trupat e pa jetë, unë kam shku në 2004 në Merdare kam marr trupa pa jetë në një tendë dhe kurrë askush Kosovës nuk ja ka dhënë një certifikat se si kanë vdekur ata njerëz, pra për këtë ka qenë dashtë me u ngritë një gjykatë speciale. Kurse ka ndodhur e kundërta, deri kur po dojnë miqtë tanë me la vetën duke i rëndu shqiptarët.Nuk shkon kështu, vraju e preju ne luftë, torturohu edhe më tutje, dhe në fund hajde dhe jepja edhe një copë tokë Serbisë, po le të ja jep dikush, kush guxon me ja dhanë dhe le ta sheh se si ka me i dalë”, deklaroi kryeministri Haradinaj.

Kryetari i Kuvendit të Kosovës, Kadri Veseli, u shpreh se Reçaku është synonim i cmimit të lirisë dhe pavarësisë, derisa në akademinë që u mbajt në Shtime përmendi edhe dialogun me Serbinë:

“Është koha të mendojmë mbi të gjitha për shtetin tonë, është koha për t’u dhënë fund lojërave mbrenda nesh dhe kundër vetvetës. Sot ne jemi para ballafaqimit përfundimtar diplomatik me Serbinë dhe sfida e këti ballafaqimi kërkon që të jemi të bashkuar dhe të mos i bëjmë favore Serbisë me grindjet e tona të mbrendshme. Ne hymë në dialog për ta finalizuar shtetndërtimin ndërkombëtar të Kosovës për ta marrë njohjen nga Serbia dhe anëtarsimin në OKB, nuk ka qëllime të tjera për ne dhe nuk e kemi ndërmend të gabojmë në asnjë hap. Ata që shohin agjenda të tjera në dialog janë duke gabuar shumë në analizë e veprim politik, nëse nuk përfshihen në proces, ta dinë se nesër do të jetë vonë, trimëria pas betejës nuk ka vlerë, ju ftoj përsëri që të bëhen pjesë e kësaj histore që po ndodhë me të cilën nesër do të krenohen pasardhësit tonë”, tha kryekuvendari Veseli.

Ndërsa nikoqiri i këti organizimi Naim Ismaili, tha se dhimbja për 45  banorët e masakruar do t’i përcjell gjithmonë.
“20 vite kujtime të rënda për humbjen e më të dashurve tanë, kjo dhembje e madhe për gjithë ne që na përcolli për këto 20 vite, do na përcjellë gjatë gjithë viteve tona, pasi është obligim për ne që t’i nderojmë dhe çmojmë  vlerat dhe idealin për të cilën u flijuan”, tha Kryetari i Shtimes, Naim Ismajli.
Ish komandanti i zonës operative të Nerodimes Shukri Buja, tha se masakra e Reçakut ishte pika e kthesës për luftën dhe çlirimin e Kosovës.
“Reçaku u bë pikë referimi e lëvizjes së diplomacisë ndërkombëtare, dhe  vuri në lëvizje mekanizmin e madh ndërkombtar për të gjetur zgjidhje për Kosovën. Reçaku solli intervenimin e NATO-s dhe Reçaku ishte fakto kyç që solli lirinë e Kosovës, prandaj unë u bëj thirrje institucioneve të vendit që Reçakun ta trajtojmë me status të veçantë”,tha Buja.
Gjatë paraditës së sotme përfaqësues të institucioneve të ndryshme, atyre politike dhe qytetarë të shumtë, kanë bërë homazhe tek kompleksi memorial në këtë fshat.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 days ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Kosovë

Aktakuzë ndaj katër të dyshuarve për manipulim të votave në Shtime

Published

2 days ago

18 March, 2026

Redaksia

Prokuroria Themelore në Ferizaj ka ngritur aktakuzë kundër katër personave nën dyshimin për falsifikim të votave të kandidatëve për deputetë në një qendër numërimi në Shtime.

Sipas aktakuzës së Prokurorisë, të pandehurit: Y.S, B.V, Sh.B dhe R.R, më datë 30.12.2025, në Qendrën Komunale të Numërimit në Shtime, gjatë procesit të numërimit të votave në cilësinë e anëtarëve të ekipit të numërimit, duke vepruar në bashkëkryerje dhe me dashje kanë ndërmarrë veprime të koordinuara dhe të ndërlidhura, me qëllim të shtrembërimit të rezultateve të votimit.

Kështu, i pandehuri Y.S, akuzohet se i kishte lexuar dhe komunikuar në mënyrë të pasaktë dhe të pakontrolluar votat nga fletëvotimet, kurse B.V. akuzohet se duke përdorur qasje ekskluzive në sistemin elektronik të KQZ-së, kishte regjistruar të dhëna të pasakta në sistem, pa lejuar mekanizma verifikimi dhe kontrolli nga anëtarët e tjerë.

Dy të pandehurit tjerë, Sh.B dhe R. R., akuzohen se, edhe pse ishin të pranishëm dhe pjesëmarrës në procesin e ndarjes dhe verifikimit të fletëvotimeve, me vetëdije kishin dështuar të ndërmarrin veprime për të parandaluar ose korrigjuar parregullsitë. Kësisoj, përmes këtij mekanizmi të organizuar të veprimit dhe mungesës së kontrollit të ndërsjellë, janë regjistruar rezultate të pasakta të votimit për kandidatët, të cilat janë konstatuar si mospërputhje thelbësore gjatë procesit të rinumërimit në Qendrën e Numërimit dhe Rezultateve (QNR), duke cenuar drejtpërdrejt integritetin, besueshmërinë dhe ligjshmërinë e procesit zgjedhor.

Me këto veprime, të akuzuarit në bashkëkryerje kanë kryer veprën penale “Falsifikimi i rezultateve të votimit”.

Pas zgjedhjeve të parakohshme parlamentare të Kosovës të mbajtura më 28 dhjetor 2025, hetime për manipulim të votave u zhvilluan në Prizren, Ferizaj, Mitrovicë, Malishevë dhe Podujevë.

Kosovë

Tre shtetas të Kosovës vdesin në një aksident në punishte ndërtimi në Vjenë

Published

3 days ago

18 March, 2026

Redaksia

Tre shtetas të Kosovës kanë humbur jetën si pasojë e një aksidenti në një punishte ndërtimi në Vjenë, kanë bërë të ditur autoritetet dhe Ambasada e Kosovës në Austri.

Sipas njoftimit fillestar të Ambasadës, aksidenti ka ndodhur në distriktin Alsergrund, gjatë punimeve ndërtimore, kur një pjesë e konstruksionit është shembur, duke lënë punëtorë të bllokuar nën rrënoja.

Fillimisht, autoritetet kosovare konfirmuan se dy nga viktimat janë shtetas të Kosovës: Pajtim Bajrami (1990) dhe Asllan Musliu (1977).

Në një njoftim të përditësuar më 18 mars, Ambasada bëri të ditur se edhe viktima e tretë nga katër viktimat e përgjithshme të këtij aksidenti është shtetas i Kosovës, Istref Zekaj.

Ambasada e Kosovës në Austri tha se është në kontakt të vazhdueshëm me autoritetet austriake dhe me familjarët e viktimave, për të ofruar mbështetjen e nevojshme dhe për të koordinuar procedurat e mëtejme.

Kryeministri i Kosovës, Albin Kurti, reagoi për rastin duke shprehur tronditjen për ngjarjen dhe duke theksuar se institucionet janë në koordinim për t’u dalë në ndihmë familjeve të viktimave.

“Në këto momente të rënda, shpreh ngushëllimet e mia më të sinqerta për familjet e viktimave dhe të gjithë ata që janë prekur nga kjo humbje e madhe”, ka shkruar Kurti.

Në një përgjigje për REL-in, Policia e Austrisë tha se “disa punëtorë ndërtimi janë zënë nën dhe për arsye ende të paqarta” në oborrin e brendshëm të një ndërtese shumëbanesore.

Policia bëri të ditur gjithashtu të ditur se katër punëtorë janë gjetur pa shenja jete, ndërsa një tjetër është nxjerrë i gjallë dhe është dërguar për trajtim në spital.

Radio Evropa e Lirë ka kontaktuar e dhe Ministrinë e Punëve të Jashtme të Austrisë për më shumë informacione lidhur me rrethanat e aksidentit, por ende nuk ka marrë përgjigje.

Autoritetet austriake nuk kanë dhënë ende detaje të plota për shkaqet e shembjes së konstruksionit, ndërsa hetimet për rastin pritet të sqarojnë përgjegjësitë dhe kushtet e sigurisë në punishte.

| Radio Evropa e Lirë