Ferizaj

Ferizaj me vendparkingje për biçikleta

Published

7 years ago

26 February, 2019

Qytetarët e Ferizajt të cilët kanë biçikleta, nga sot do të mund t’i parkojnë ato në lokacionet e caktuara publike pa pagesë.

Janë të rinjtë e organizatës Sky- klub, të cilët kanë vendosur që idenë e tyre për vendparkingje të biçikletave në qendër ta bëjnë realitet.
Ata thonë se kështu i nxisin qytetarët që të përdorin biçikletat më shumë se veturat e tyre:

‘Ky projekt ka për qëllim rritjen e vetëdisimit të qytetarëve për përdorimin e biçikletave pasi kështu edhe ruhet ambienti, por kontribuon edhe në të mirë të shëndetit. Poashtu shfaqim dhe një kulturë evropiane në qytetin tonë. Janë katër lokacione, një është para objektit të komunës, një tek bibloteka e qytetit, pastaj do të vazhdojmë tek fakulteti i Ferizajt, poashtu edhe tek shkolla e mesme “Elena Gjika” – tha Guron Haxhimusa.
“U votua ky projekt dhe është shumë i mirë, ka dalur një projekt shumë i mirë. Komuna e Ferizajt nuk ka mjaft shtigje, por besoj se me kohë do të arrijmë që të krijohen ato” – deklaroi Alban Bytyqi.

“Ky aktivitet rrjedh si ide e të rinjve, ky grup është formuar nga World Vision Kosova nga Prishtina që faktikisht i ka krijuar këto grupe Sky duke i fuqizuar të rinjtë në shumë fusha, dhe sot të rinjtë e Ferizajt përmes idesë së tyre arritën që të realizojnë këtë projekt për të vendosur lidhëse për biçikleta dhe është një ide e mirë inovative” – sqaroi Dashurie Ahmeti, zyrtare në drejtorinë për rini të Ferizajt.

Këta të rinj me idenë e tyre përkrahën edhe nga kryetari i komunës së Ferizajt:

“Vërtet me shumë dashamirësi i kam pritur dhe i kam përgëzuar për këtë aktivitet dhe kam vendosur të mbështes simbolikisht këtë aktivitet, dhe sigurisht se do të vazhdojmë të mbështesim të rinjtë. Në fakt, ata janë në të njejtën vijë dhe drejtim në angazhimet e tona qoftë si mbështetje për të rinj, qoftë edhe për qendrën e inovacionit, që është duke u bërë gati, për të cilën kemi thënë që sa më shumë të bashkohen të rinj dhe sa më shumë ide të ketë pasi financime do të ketë sidomos nga ministria e invoacionit dhe ndërmarrësisë do të ketë mjete të bollshme në kuptimin e përkrahjes për idetë e tilla” – tha kryetari Aliu.

Projekti i vend-parkimeve për biçikleta në Ferizaj kryesisht financohet nga GIZ Gjerman.

Ferizaj

Vdes një person në Ferizaj pasi u godit nga një lis

Published

3 hours ago

14 September, 2025

Redaksia

Policia e Kosovës ka njoftuar se një person ka vdekur pasi është goditur nga një lis.

Rasti ka ndodhur pasditen e së shtunës rreth orës 17:20 në fshatin Manastirc të komunës së Ferizajt.

Sipas raportit 24 orësh të policisë, vdekjen e tij e ka konfirmuar mjeku kujdestar në Qendrën Klinike Universitare të Kosovës.

“Raportohet se viktima mashkull kosovar derisa ka qenë në afërsi të oborrit duke prerë dru, një lis bie mbi viktimën dhe si pasoj, i njëjti pëson lëndime trupore dhe dërgohet fillimisht në qendrën emergjente, e më pas në QKUK, ku mjeku kujdestar konfirmon vdekjen e tij. Lidhur me rastin është njoftuar prokurorit, ndërsa trupi i pa jetë u lirohet familjareve për ceremoni mortore” – thuhet në raport.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.