Ferizaj

Donatorja nga Zvicra mbush klasën e perkusioneve

Published

7 years ago

02 July, 2019

Profesori i muzikës Kenan Bytyçi, tash e tutje orën mësimore të perkusionit do ta zhvillojë i përgatitur “top” me pajisje muzikore, falë donacionit të Julia Wagner nga Zvicra, një mikeshe të shkollës muzikore “Çesk Zadeja”. Donatorja zvicrane ishte përkujdesur që kësaj radhe ta ndihmojë seksionin e perkusioneve, duke e kompletuar këtë klasë me pothuajse të gjitha instrumentet muzikore, përfshirë edhe bateritë e markës botërore “Pearl”.
Bytyçi thotë se deri dje orën mësimore e zhvillonte vetëm me një instrument muzikor, përkundër që ky profil parasheh disa instrumente, ndërsa tani e tutje këto telashe nuk janë më.

“Nuk kam mund me zhvillu as planprogramin që e kemi, se kemi një laramani të instrumeteve, mësimin e zhvilloj me tri katër instrumente të ndryshme, në fillim e kemi pasur vetëm një instrument dhe e kishim problem, por tani Julia na ka ofruar dhjetëra paisje dhe të cilat janë shumë të nevojshme por edhe kualitative” – u shpreh profesori i perkusioneve Kenan Bytyqi.

Drejtori i shkollës së muzikës “Çesk Zadeja” thotë se shkolla e muzikës në Ferizaj po mbushet me instrumente nga kjo donatore zvicrane e cila me vite po e ndihmon këtë shkollë.

“Është donacioni i disa-të me radhë që na vie nga Julia Wagner, është donacioni i 5-të që vie nga ajo zonjë që nuk rreshtë së na ndihmuari shkollën tonë. Ne realisht kemi shumë mungesa të instrumenteve dhe në komunikim me profesorin Astrit Mustafa ai i’a ka shprehur nevojat tona, dhe e kanë gjetur një bashkëpunim që po arrihet me i mbyllë hendeqet që i ka shkolla jonë”, tha drejtori Abazi.

Për këtë miqësi mes Julias dhe shkollës së muzikës së Ferizajt flet vetë iniciatori- klarinetisti Astrit Mustafa. Ai thotë se kjo familje nga Zvicra në fillim kishte sjellur paisje në Prishtinë por a’i kishte arritur që kontegjentet me paisje muzikore t’i orientojë në Ferizaj.

“Kosova sapo kishte dalur nga lufta dhe Julia dhe djali i saj ishin ardhur në shkollën e muzikës në Prishtinë dhe u mbajt një koncert për ta, unë ju thashë se mbase në Prishtinë mund të siguroheshin më lehtë instrumente, kurse në Ferizaj ishte shkollë që sapo ishte themeluar dhe kishte mungesa të shumta, ajo menjëherë e mori si të qëlluar dhe kontigjenti tjetër ka ardhur në Ferizaj e nuk është ndalur kurrë. Sot klasa e Kenanit është kalavesh me vegla, për këtë falenderojmë Julian dhe gjithë ata që kanë kontribuar për mbledhjen e këtyre veglave”, tha profesori Mustafa.

Donatorja zvicrane, Julia Wagner, kësaj here nuk kishte sjellur vetëm pajisje muzikore por edhe një bibliotekë me libra të rrallë të kompozitorëve zvicranë, të cilat vështirë se mund të gjenden nëpër librari apo biblioteka të rajonit.

Ferizaj

Siguria juaj fillon me zgjedhjen e duhur të sigurimit

Published

2 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

2 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.